ساعدوني بترويض ببغائي

[ابوفزاع]

الطير عمره سنه تقريبا

لو 7 شهور بتكون عيونه توها فاكه من السواد

انا راح افيدك بطير عندي سبق شريته وعيونه اغمق من هذا

رمادي غامق

كان يجعر

اول ماجبته البيت خليته بمكان يشوفنا وحنا جالسين بوضوح ونمر من عنده وفقط اغير له المويه والاكل وانظف القفص

وجلست على هذا الحال اسبوع او 10 ايام تقريبا

بالنسبه لي وقف تجعير معي انا بحكم اني مهتم فيه لكن مع عيالي كان يجعر عليهم

بعدها حاولت اطلعه يدي وانا لابس قلفز ( قفازات )
وانا ضد فكرة المسك بالمنشفه واعتقد انك شفت النتيجه خوف تااااااااااام وبهذلة الريش

كنت اطلعه على يدي بالقفاز ( طبعا اكون لابس قفازين )

وابدا ابدل واخليه يطلع لليد الثانيه واخليه واقف على يدي واطول بالوقت لدرجة احس كتفي حار من الالم وكل هذا عشان ابيه يتعود على اليد وبعدها صرت اقرب وجهي ابيه يتعود وكان يجعر على خفيف

واستمريت على هذا الحال كم يوم بعدين بديت احاول اطلعه يدي بدون قفاز .. طبعا بتاخذلك كم عضه لكن استحمل ولاتخاف لان النتيجه بتكون مرضيه لك بإذن الله

والحمد لله تعود على اليد ... هذا الكلام كان وهو خارج القفص

بعدها بديت مرحلة تعويده على اليد وهو داخل القفص وكان يخاف ويجعر

ليه الواحد نقول له افضل خل يتعود عليك قبل تبدا الترويض !!

لان الطير اذا تعود عليك وعرف انك اللي تهتم فيه وتعطيه الغذاء ماراح يعضك بقوه شديده

لان الكاسكو لو عضك بقوته الطبيعيه احتمال يكسر اصبعك

سبق واكلت عضّه من كاسكو ياااااااااااااااااه .. من شدتها جاني صداع براسي والى يومك اثرها موجود

ولاتستعجل على حكة الراس .. اتركها اااااااااااخر شي



ولاعاد تمسكه بالمنشفه ابد

الطرق هذي يستخدمها شريطي الطيور .. لانه يبحث عن الولافه السريعه ..وهي من وجهة نظري ليست ولافة بقدر ماهي خوف

زي اللي يروضون الاسود بالسيرك .. تشوفه يستعرض ومعه سوط

لانه دربهم بالضرب والاجبار