مهم وعاجل وضروري وكلش

[غلاه]

السلام عليكم ورحمة الله وبركاته

اود طرح مشكلتي هنا بعد ان تعبت في البحث و وكلي رجا بأن لا يخيب ظني فيكم

قطتي شيرازيه أمريكيه أنثى عمرها ست شهور
بدأ المرض من اسبوعين لاحظت انها تعرج من يدها الاماميه اليمنى كان هذا بعد ماحاولت اقص اظفرها يدها اليمنى فقلت يمكن ماعرفت اقص وآلمتها

لكن عرجتها زادت وشوي شوي صارت ما تقدر تمشيولا حتى توقف على طرفها الخلفي
وديتها لطبيب قال احتمال لقت ضربة قويه او طاحت على عمودها الفقري وهذا الشي ضر الاعصاب ومو قادرة تمشي واعطاني لها دوا استمريت عليه ثلاث ايام بعدها طابت وصارت تمشي بس بحذر ،،

عشان اطمن عليها اكثر وديتها للعيادة وفحصها وقال انها سليمه تماما ومافيها شي قمت قصيت اظافرها عندهم

واليوم الثاني على طول قامت تعرج
ظلت يومين وبعدها رجعت نفس الشي ما تقدر تمشي طرفها السفلي ما تقدر توقف عليه تجر نفسها وشكلها مره يعور القلب

وديتها للطبيب مره ثانيه وشافوها طبيبين في العياده ،،
الطبيب اللي شخصها المره الأولى وطبيب ثاني
وقال فيها التهاب اعصاب ويبي لها متابعه اعطااها ابرتين وكتب لي على وصفه ابرتين في كل عضل كل ثلاث ايام والحمد لله قطوتي بعد الابرتين رجعت تمشي وتقدر تعتمد ع نفسها هالكلام الاربعاء 13/ 3


الاربعا والخميس كانت تمشي تمام الجمعة رجعت تعبت ونفس الشي ما تقدر حتى توقف


االسبت وديتها تاخذ جرعتها واشوفها اليوم ابدا ما تحسنت بالعكس احسها مره تعبانه ونفسها سريع

الحمد لله أكلها كويس بس مو مثل اول ،، حمامها وانتم بكرامه تروح له بشكل اقل ،،

الحين قطوتي بعد النشاط واللعب صارت بس متمدده وتناظرنا ومو قادره تتحرك وتلعب مأثره فيني وربي ومتعبتني نفسيا مااعرف اش اسوي لها اخاف تموت علي لا سمح الله

مع العلم اني اهتم فيها يعني لما قال انه لقت ضربه، قطوتي مااحد يضربها في البيت لان حتى اطفال ماعندنا وكلنا كبار ونرحمها
لو قلت ممكن طاحت من مكان عالي ،، الحمد لله قطوتي تخاف تطلع لمكان عالي وماخبرها تجرأت وقفزت من فوق مكان عالي او تطلع له اصلا حدها الكنباات عشان كذا مره محتارة وش السبب الي خلاها توصل لهالحاله

مره متعبتني في الاهتمام فيها وهي مريضة يعني مو قادره توقف في حمامها مو قادره تاكل لانها جالسه وما تقدر توصل لاكلها في صحنها فاضطر ااكلها بنفسي من يديني حتى اني اقوم من نومي عشان ااكلها واوديها حمامها

ابي اعرف منكم لو تكرمتوا انا محتاجه نصيحه استشاره أي شي يساعدني

وش هي حالة قطوتي بالضبط وهل بتطيب او بتبقى على ماهي عليه _الله لا يقوله_ ووين اوديها لطبيب يحددد حالتها ويعطني دوا يخفف عنها لأن الدوا هذا مااأثر فيها ولا اشوفها تحسنت

اش اقدر اسوي لها في البيت عشان تتحسن شوي وترجع لنشاطها وتقدر تتوقف

وهل فيه عيادة ممكن تخلي القطوة عندهم يهتمون فيها ويعالجونها الين تطيب وكم تكاليفها


انا مره تعبانه نفسيا من وضعها ومتازمه معي ابي حلكم ورأيكم محتاجتكم ضروري


آسفه على الأطاله


انتظر ردودكم