هام جداً لأصحاب الخبره لو سمحتوا

[توني دريت]

بسم الله الرحمن الرحيم

أعزائي كل عام وأنتم بألف خير وتقبل الله منا ومنكم صالح الأعمال
أنا ضيف جديد لديكم في هذا المنتدى الرائع واللي خلاني أشتري ببغاء أفريقي هو منتداكم وكان عندي فضول أني أشتري هذا الطائر الرائع واقتنائه وتعليمه
بقولكم وش سويت ، رحت سوق الحمام قولو لاياشيخ اشتريت ببغاء افريقي رمادي بسعر 1000 ريال عمره تقريباً 9 شهور واللي أعجبني فيه
أنه مايجعر كثير وأقدر أقول مايجعر أبدا الا لما حملته في السياره وصحته الحمد لله سليمه وبدأ يصفر بس مرتين ومن جبته للبيت وحطيته في القفص ما أكل ولاشي
بس اليوم بعد صلاه الجمعة أخذت القفص وغيرت مكانه يعني سويت له فره في البيت ورجعته لنفس مكانه بدأ يأكل ويشرب بشراهه شكله كان جوعان بس المشكله
اللي لاحظتها عليها انه مايتحرك يعني مايلعب حركته قليله فالمطلوب يالغالين :-
هل الشي هذا طبيعي والا لا ؟
ومتى أبدأ أخليه يآكل من يدي ؟
وعلى فكره تروني أخاف من العض أنا مادخلت يدي له علشان مايعض وأحقد عليه
ومتى أطلعه من قفصه ؟ مع العلم اني قصصت أظافره وجنحانه وكل شي جاهز
بس فيه شي غريب جالس يناظرني كأني ذابح أبوه

تحياتي لكم جميعاً وأشكركم مره ثانيه على هذا المجهود
دمتم بأتم صحه وعافيه.