أين تضع ببغاءك في المنزل؟ .. وأين تتركه عندما تسافر ؟

[Parrota]

السلام عليكم ...

كيفكم تو زوو ؟..... ان شاء الله طيبين وآكلين وشاربين ونايمين ؟ <<< ايش عندك أخلصي ؟!!

احم احم ..

طبعا كلنا لازم نواجه دا السؤال لمن نشتري ببغاء جديد واول ما نجيبه عالبيت ؟؟

"فييين راح يكون موقعه ؟؟ "

البعض يحطه في الصالة و أظن الأغلب حتى ! ... على أساس يكون مع اهل البيت ويتعود عليهم
وناس تحطه في الممر ... اي ممر في البيت .. أو في المطبخ !! ... وبعضهم في غرفة النوم ؟؟

والله أنا عن نفسي أعاني .. (أو بالأصح درتي سوسي تعاني ) ..من اضطهاد في البيت ... محد يبغاها ولا احد طايقها !! ... اللي يقرف ! واللي عنده شكك نظافة !! ... واللي ينزعج من صوتها .. واللي واللي ...الخ

فالمسكينة من يوم جبتها وهي متنقلة ! من مكان لمكان مني عارفة فين احطها !!
والمشكلة كمان انو انا عندي حساسية ما اقدر أحطها في غرفتي

يوم أكون حاطتها في الممر بين الصالة والمطبخ ... أجي أنزل الاقيها اختفت !!
أسال أمي فينها ؟؟ !! .... تقلي شلتها وحطيتها في المخزن عشان لا تصحي النايمين بزعيقها !!! <<< ايش رايكم ؟!!

واحيانا ياحرام تقعد في المخزن ساعاات لأني اطلع غرفتي وأنسى ارجعها مكانها !!

آخر شي قالولي وديها الملحق !!! !! ووقت ما تبغيها روحي أقعدي معاها هناك !! <<احسها من جد منبوذة !!
بس عصبت انا وقلت لااااااء والله ما اوديها !

انتو ايش رايكم في ؟؟ وكل واحد يدخل يقلي فين موقع ببغاءه في البيت ؟؟
عشان يعني الواحد ممكن ياخد افكار

____________

و الموضوع التاني هواا ... <<< [COLOR="rgb(153, 50, 204)"]يلا بسرعة طفشتينا

السفر ... السفر ... السفر << [COLOR="rgb(153, 50, 204)"]اكيد فاهمين قصدي خخ
أعرف ناس يحطوا ببغاءهم عند واحد صاحبهم ...

طيب أنا الى الآن الحمدلله ما واجهت دي المشكلة لكن حاواجهها عاجلاً أن آجلا لأنو اكيد حنسافر في وحدة من الويكندات ..

فابفكر من دحين ايش اسوي ... طبعا ما اظن انو في احد حيرضى يخلي درتي عنده ..
فعادي لو مثلا حطيتها اكل كثيييير وموية كثيييير وأخليها في البيت ... واغيب عنها يومين تلاتة .. يعني بس ويك إند عادي ؟؟ ولا تمووت ؟

ابغى أحد جرب يقلي عشان أطمن ...



المكان الاول انا واضعتنها بغرفتي ما احب اضع حيواناتي بمكان بعيد عني

المكان الثاني انا للآبد بتركهم بغرفتي لو سافرت وبترك اهلي يعتنو بهم مثل اثناء غيابي خارج
البيت

تسلمي حبيبتي على موضوعك النايس

وبالنسبه ليه ما تضعي ببغانك معك بالغرفه ؟ بعرف انك قلتي تسبب لك حساسيه تركيها
معك وراح تتعودي معاها واذا كانت الغرفه واسعه شوي ضعيها مثلا بعيد عن سريرك ان كنتي
ما تحبيها ان تكون جانب السرير تبعك ضعيها جانب المرآة مثلا او جانب الدولاب او جانب باب
غرفتك لكن لاتتركيها برع يمكن لما تستيقظي اي يوم وما تلاقيها لا سمح الله ومن
الممكن اهلك يطيروها او يخرجوها برع البيت او يضعوها بغرفه خارج البيت فهاذا حرام تتركيها
بعيد ولوحدها >> صرت اتخيل الموقف بسم الله عليها << لكن نصيحة مني اتركيها
معك لو ما تركتيها معك يمكن اهلك يعملو بها حاجة ويكون ذنب ذنبك وانا ما ابيك تخسري
ببغاتك الدرة وانتظر ردج يالغلا