سوال مهم عن الدجاج

[فنيو]

المشاركة الأصلية كتبت بواسطة صمت الأمل

وعليكم السلام ورحمة اللهـ وبركاتهـ ,, أهلا وسهلا فيكـ .



أول شيء أقول اللهـ يوفقكـ ويتمم لكـ مشروعكـ على خير .



لكن حبيت أسألكـ : هل عندكـ خبرة بتفقيس بيض أي نوع من الدجاج ؟؟



لأن الدجاج البياض أو اللاحم حساس جدا ويحتاج عنايهـ خاصة وحظيرة مغلقة عشان تحافظ على درجة حرارة ورطوبة ثابتهـ ,,



لأن اذا تغيرت هالحرارة أو الرطوبهـ إما ان الدجاج راح يوقف من الإنتاج أو يصيبها أمراض خطيرة أو لاسمح اللهـ تموت .



اذا ماعندكـ أي خبرة ابدأ بتجربة تفريخ بيض الدجاج البلدي العادي بفقاستكـ الخاصة لأنهـ أقوى مناعهـ ويتحمل وعشان ماتتخسر في الدجاج البياض ثم لاقدر اللهـ تخسرهم .



الدجاج البياض أو اللاحم هو نوعهـ واحد ,, أنت اللي تحدد تبغاهـ للحم أو للبيض وموسم إنتاجهم على حسب وقت تفريخهم,,



يعني اذا تبيهـ للحم لازم تربيهـ وتسمنهـ بأسرع وقت ممكن قبل مايكون بالغ ويصير لحمة يابس وغير محبذ ثم تذبحهـ تقريبا بعمر 6_7 أسابيع الى 12 _14 اسبوع.



أما البياض فتربيهـ وتعطيهـ فيتامينات ومحفزات للتبييض وتخليها تبلغ ومايحتاج ديكـ عشان يبيض . وتبيض لكـ الدجاجات الى ان ينتهي البيض اللي داخلهم وتبدلهم بدفعهـ ثانيهـ ,,



وفيهـ أيضا مشاكل راح تواجهها ,, فلازم تكون على دراية بها :



أولا : الدجاج اللاحم أو البياض تجي عندهـ ظاهرة الإفتراس كثير ,,



ثانيا : الدجاج كلما كثر عددهـ كلما زادت فرصة إصابتهم بالأمراض .. فلازم تكون عندكـ خبرة بأمراضهم الفيروسيهـ والبكتيريهـ مثل الرشح والنيوكاسل والكوريزا والكوليرا وغيرها كثييير ..



فأحسن حل لمشكلة الأمراض انهـ يكون عندكـ بيطري قريب عندكـ ,, عشان يدلكـ على العلاج وحل بعض المشاكل وأيضا التحصين .



ثالثا : لازم تفقس لكـ كميهـ كبيرة لأن لازم يكون فيهـ وفيات وتخسر بعض الأعداد ,, فيكون العدد اللي تخسرة مايأثر على العدد الكامل اللي عندكـ .



رابعا : لازم يكون عندكـ مبلغ محترم عشان العلف ,, لأن في البداية الكتاكيت تكون صغيرة وماتستهلكـ كثير ,, لكن كلما كبرت كلما زادت كمية الأكل ولازم تاكلهم صح عشان ينتجون لكـ .



وإستهلاكهم راح يزيييييييد جدا ,, وأيضا راح يكبر حجمهم فيبي لهم مساحة كبيرة عشان ياخذون راحتهم .



اذا عندكـ مزرعهـ خاصة أو استراحة ممكن تربيهم فيها .



خامسا : لازم تشتري لهم الكالسيوم عشان ماينتجون بيض بدون قشر او يكون بيضهم ضعيفهـ قشرتهـ .



ممكن تعطيهم قشر البيض بعد سحنهـ أو كالسيوم في الماء او لسان البحر بعد سحنهـ .



هذا اللي يحضرني حاليا وأعتذر لكـ على الإطالة ,, لكن واللهـ ما أبغى أحد يسوي شيء الا وهو عارف وش قدامهـ عشان تستعد وتجهز نفسكـ وماتتفاجأ بأمور ماكنت تعرفها ثم لاقدر اللهـ تخسر مشروعكـ .



وأي نقطة غير واضحة أو عندكـ إستفسارات أخرى تفضل بطرحها ,, بإنتظاركـ ,



تحياتي لكـ .

شكرا لك اخني على الشرح والله استفدت منك كثير. انا لسا في البدايه واتعلم وعبارة عن هواية ومحاولة تربية فقط ماهي تجارة. وفعلا كان عندي تقريبا 17 والان فقط 4 والباقي ماتو بسبب عدم المعرفة والحر الي جا الشرقيه. نحاول نتعلم ومنكم نستفيد