وانا في بداية ركوبي للخيل .. -_- قصتي

[استفساراات]

السلام عليكم ..

اخبار الحلوين .؟

اليكم قصتي الغبية

اليوم وانا في تركيا .. في مدينة ابانت ..
اليوم الأول : ركبت الخيل ولفيت 3 لفات تقريبا كل لفه كيلو ..
اليوم الثاني .. < اليوم الصبح كذالك .. 3 لفات كل لفه كيلو ..

اليوم الثاني في الجزء الثاني ..!
ركبت الخيل .. واتفقت اني الف البحيرة .. كلها لحالي

الطريق كله حصى صغير جدا... وترابي . (شبه ردمية)
المهم الرجال كان يمشي على رجوله وراي في البداية .. بعدين عطاني الوصف كيف ارجع .. < يتكلم تركي ... سلكت له ومشيت
المهم قلت له ليش ما يسرع .. عطاني الكرباج مدري وش تسمونه .. < قطع جذع شجرة صغيره .. وحددها بالسكينة .. وعطاني اياه

المهم انا مشيت .. جوالي ليس معي .. لآني خايف يطيح ومخليه مع واحد من العيال

المهم .. وامشي.. شوي شوي

فجأه تفلت ابو محمد .. يوم شاف الطريق مستوي وسيدااا كله مافي لفات .. على يساري في
مقهى على البحيرة .. وكلهم يشوفوني وفيه ناسات كثيروون

واعطيه احلى جلده .. ويطير ... واتمسك واجلده ثانيه .. < من الخوف واللخبطة .. ماسك اللجام بيدي اليسار ... < كل الطرفين جمعتهم في يدي اليسار ..

والحماس يملؤ وجهي والفرح طغى على ابو محمد .. واسمع الناس يقولون واو .. !!

يوم توني متعديهم بشوي .. انقطع الركاب الي على اليسار .. < وانا كنت رافع نفسي والثقل كله على اقدامي .. ..

واخيراً صبحت في الارضية الجميلة .. مع اصابات طفيفة .. وخفيفة وجروح في اليد ..< الولد لابس شورت .. يعني من الكعب لين الركب شخابيط الحصى

وانا متكسر .. مشيت وماسك اللجام .. < وانا نازل من الخيل امشي جنبه .. واسحبه معي .. رحت عند البحيرة
وغسلت الجرح الي في يدي .. وكملت حدود 7 كيلو مشياً على الاقدام .. برررد ..
وعاد شف البحيرة .. حولينها ابقار اشكالها تروع
وشفت غزال خوقاااااااااااااااقي شكله .. قهر ما كانت معي الكاميرا ...
المسافة هي 8 كيلو .. < كاملة 1 كيلو بالخيل
و 7 اقدامي وانتم كرامة ..
ويوم رجعت قام يهاوش الشايب .. بغى يمد يده بعد .. يوم شافني بمسح وجهه قدام اخوياه وربعه ... .. قام يقول .. ليش قلبت الحصان هذي مشكلة كبيرة وما ادري وش قام يبربر .. < في واحد يترجم
انا قلت ما قلبته انا الي طرت وصبحت على الارض الجميلة حقتكم ..
والا الخيل تراه ما انقلب .. ولا جاه شيء

فجأه .. < هو قصير الله لا يبلانا .. رقى فوق الكرسي .. وحب رأسي

وقام يقول سوري سوري .. ودموعه تنزل .. وفرحااااااااااااااان .. جدا جدا

ممكن اعرف وش سبب هالزعل ثم الفرح .. يوم عرف ان الخيل ما انقلب .. مع انه شاف الخيل يركض قدامه .. وبرضو زعلان .. لين ما تناقشنا وعرف ان الخيل ما جاه شيء ..؟

ثانياً ... : وش رايكم بقصتي .. (جاكي شان )

بالإضافة ... شفت بنت ما شاء الله .. شكلها من بنات الخليج وسعودية ..

الله لا يضرها ما غير تمغيط في المضمار .. ركض ..< موب ركض اقلاع رايحة جايه ما نشوف الا غبارها ماشاء الله .. كل ما شافوها جاية

العالم كله شغل الكاميرات .. يبي يصور ..

عمرها تقريبا 21 او 22 او 20 و 19 << يا كثرك بس

شكلها تركب خيل من سنييين ما شاء الله عليها ..
بس كفو .. كل الاتراك تسمعهم يقولون اراب اراب .. يعني عرب ..

والثاني يقول ايمارات .. < الإمارات
والثالث يقول < سعودي سعودي .. < سعودية يعني ..

اووووف واخيرا .. الكتابة بيد وحدة .. جو والله