هل هذا الشيء طبيعي...؟؟

[صمت الأمل]

وعليكم السلام ورحمة اللهـ وبركاتهـ .



أهلا وسهلا فيكـ أخي الطائر الغامض ..



نعتذر لكـ على التأخير في الرد .



خلينا نجي نجاوب اسألتكـ واحد واحد ,, ماشاء اللهـ عليكـ حطيت أسألهـ كثيرة ..



نبدأ بالديكـ .



الديكـ يكون بلوغهـ من 5 شهور فمافوق ..



والتزاوج مختلف عن التخصيب .. التزاوج هي العملية نفسها لكن التخصيب هو انهـ يكون قادر على تكوين الجنين الموجود داخل البيضة بإذن اللهـ ..



وهالتزاوج أحيانا يصير بوقت أبكر من المفترض عند الديكة الصغار ..



لكن أنت راح تعرف اذا كان بالغ وقادر على التخصيب اذا الديكـ يأذن وطلع لهـ العرف والداليتين بشكل واضح ..



نجي للسؤال الثاني عن البيض .. ليش ماتبغى تاكل البيض عادي عليكم بالعافيهـ !!



اللي بعدهـ عن الرجن على البيض .. أنت قلت ان أعمارهم صغيرة صح ؟؟ والبيض حجمة صغير ,,



يعني لسى في بداية إنتاجهم ,, وماراح تفكر الدجاجات ترجن على البيض حاليا ,,



اذا شفت البيضة صار حجمها مقارب لحجم البيض اللي تاكلهـ من الثلاجة معناها صار عندهم خبرة ..



ولا تجبرهم أبدا أبدا على الرجن أو تحبسهم عشان يجلسوا بالغصب ..



لأن هالطريقة صحيحة لكن خطورتها كبيرة جدا وممكن تخسر دجاجكـ بهالطريقة لاقدر اللهـ ,, والحمدللهـ لحقت على دجاجاتكـ ولا كان راح تندم كثييير .



والدجاج تبيض أو ماتبيض على حسب نفسيتها ,, وأتوقع بعد الصدمة في حبسها خافت ولاباضت ,, بس لاتخاف يومين إن شاء اللهـ بالكثير وراح تنسى وترجع تبيض ,, بس ممكن تغير مكان وضعها للبيض .



بالنسبة للحوش إنهـ كبير عليهم بالعكس ,, هذا مريح لهم وياخذون راحتهم خصوصا اذا ماكان فيهـ أحد يزعجهم من أطفال أو القطط من الشارع أو مضايقات من طيور ثانيهـ .



أهم شيء اذا تبيها ترجن (( وطبعا مو الحين بعدين )) انكـ تحط كرتون كبير شوي أو صندوق في مكان منعزل ومظلم شوي ..



واذا أكتشفت الدجاجة هالمكان وإرتاحت لهـ ممكن انها تقرر تجلس على بيضها فيهـ .



وطبعا أهم شيء في تربية الدجاج هو الصبر ,, لازم تصبر كثير عشان تطلع بإذن اللهـ بنتائج تفرح بها وتنسى كل التعب والجهد فيهم .



أي أسألهـ أخرى أو جواب غير واضح اتفضل بطرحة وراح نجيب لكـ على تساؤلاتكـ ,



تحياتي لكـ .