اللي مايبي يشتري " يتفـــــــــرّج " .!

[ناصـر]

.








.






.

مدخل ( ظريف ) : وراء ماتشتري .؟!
( والله من زود الظرافة ) : /

بعيد عن المداخل والمخارج .!
والمفارش والمطارح

بخاطريّ شيء " ماهوب حبيبنا " لا
في خاطري شيء أنا ودي أقوله " ماهيب أغنية " .!

صراحة ً نحنُ نُعاني كـ شباب ظريفين .!
والله موب ذنبنا نكون ظريفين تراه من الله

وعشان كذا ضريبة لنا ان " تسبودنا "
تندبل في اليوم اكثر من مرة .!

حتى صارت تمرين للـ " تسبد "
أنها تندبل واللي يفوت عليه هالتمرين .!

يعوضه في اللي بعده دبـل
يعني لسان الحال يقول " وتاليها " .؟!

يعني لازم نجيب عاليها واطيها .؟! " شديد "
في كُل طريق تعترضنا " ضيقة الخلق "


وين ذا اللي الناس تدلدلت حنوكها .!
وهي تنادي به " Freedom " ، الحرية

الشباب في الرياض ، اصبحوا محظورين .!
لدرجة اعتقد مُستقبلاً بدال مايحطون إشارة


ممنوع وقوف الحافلات ، او السيارات .!
بكتبون ممنوع وقوف الشباب : )


ملينا من الاستراحات لعب فينا .!
النامس حق الثيــلّ


ملينا من المُخيمات شعورنا كلها " تربان "
تراب يبيلنا بعدها غسيل مُستعجل .!


ملينا من الكوفي شوبات " يقاله جمعها " : /
نسبة الكافين ضربت مليونين في الدم .!


لا وبعد حلايا السالفه تقريبا كل شيء يتسكر
على الـ 12 ، وين وليش ومتى وكيف وعشان ايش .؟!

ومليون سؤال يعمل عملية الانسداح .!
امام حامل الاجابــــــــة


الحرة كل الحرة لما تكون معك .!
الماستر كارد ، ولا مبلغ جيد وتبي تتقضى


تمر من جنب المولات اللطيفة.!
ومايقبلك الا بسطات البطحاء " سوق شعبيّ "


ليش ، طيب خصصوا وقت .!
للعائلات وقت للشباب الظريفين : )


احد بيموت ، احد بينشل لو صار كذا .؟!
لا طبعاً بالعكس كلن بتشق وجهه الابتسامه


مثل نظام المملكة والفيصلية


طبعاً اللي يحرّ موب هالشيء
فيه مول عند الشعله كله حقنا يالظريفين .!

المشكلة موب هنا بالعكس شيء جيد
لكن المشكلة ان العائلات أو بالتحديد الصبايا .!


عم بيتصرمحوا فيه ويتسدحوا ويتشقلبوا
كمان ، طيب وين العدل .؟! مفروض ممنوع


اشياء كثيرة تحدث للشاب الظريف .!
لكننا دائماً مانسعى إلى الابتسامة للآخرين " صدقتك "


أحلام " ماهيب الفنانة "
شباب الرياض


1 ) أن يدخل المول دون أن يُسأل وين أهلك .؟!
عاد من قوة الوجهه يقول في البيت


2) يمنع منعاً باتاً دخول صاحبات العبايات الا بمحرمها .!


3 ) أن يرى جميع المطاعم
مفتوحه على مصرعيها إلى الفجر .!


4 ) أن يسير في " اي حته " محدش .!
يوقفه أو يسأله أنتا رايح فين .؟!


5 ) أن يصبح لدينا " بحر " ، ( الا ابطيتوا ) .!


إلخ ، هذا مايحضرنا حالياً

،،

قبل المخرج ، معليش على سدح .!
مطالبنا أمامكم ياساده وياسيدات وآنسات

لكن الفضفضه خرجت رغماً عنيّ .!

مخرج : حطوا عند عتبة الموضوع ريالين .!
صدقة جارية الله يسعدكم : )

..