مأساتي مع chippyحبيبة قلبي

[cute cat]

السلام عليكم ورحمة الله وبركاته
بحكيلكم اكبر ماساه عدت علي لحبيبة قلبي تشبي تخيلوا معي>> في الصيف صحبة اختي تبي تسافر وجابت قططها عندي بعد موافقتي طبعا والقطط الا عندي جيش مع القطط تبعها كانو انثتين وذكر و12 بيبي المهم وكانت تشبي تخاف منهم لانهم شقين ماشاء الله وعندها انثي اسمها فله اول ماشافت بسسي جلست تصرخ وتصرخ وتضرب كل من يقابلها لدرجو وصلت لرجلي وقطعتها بالضرب وامرت ضرباتها للحين المهم الله يخليها لصحبتها صحبتها والله ذوق ماشاء الله المهم اضطريت اني افصلهم عن بعض وبعد فتره امي صارت تهاوشني من كثرتهم في وسط بيتنا فعطتني الملحق الا بالسطح مكيف قالتلي خذيها لقططك وانتاجهم قلت طيب واضطريت اني اطلعهم كلهم بسسي وبسس البنت وصرت اطلعلهم بكثره عشان لا يتهاوشون بس طلعوا انهم تضاربوا وقطعو شوش بعض ومره جربت اني اطلعهم واشمسهم من فتره للثانيه تحت نظري دايما كانوا عادي (رغم في غرفتهم الا في الدور الثاني الشباك دايما مفتوح حتي شباك غرفتي وكانوا يطلعون عليه يتفرجون على الخط السريع ويرجعون يدخلون الغرفه)
الا مره وانا ادخلهم (بعد مانضفت الشغاله الغرفه) مو لاقيه تشبي خفت عليها جلست ادور كل مكان في السطح ودورت كمان فوق الغرفه ومالقيتها نزلت عند اخواتي ابكي اقولهم مو لاقيه تشيبي (خخخخخخخخخخ) قاموا من نومهم مفجوعين وانا نازله لاخواتي قلت للشغاله انزلي شوفي تحت يمكن نزلت مع الدرج
الا جات تقولي: حسن(زوج الشغاله)يقول انها تحت في غرفة المسبح حسن يبي يمسكها تعضه خفت ونزلت علي طول
ولقيتها داخله تحت درج الجلسه (عندنا جلسه فوق المسبح ولها درج) وخايفه بس تخيلوا اول ماشافتني صاحت ونظراتها قطعت قلبي ولما قلتلها تعالي طلعت من تحت الدرج انا انهرت لان فمها ينزف دم ويدها رفعتها مو قادره تمشي عليها
وزوج الشغاله قلي انها طاحت من السطح يعني من 3 ادوار هنا كان الصاقعه العظمي حظنتها وجلست اصيح الشغاله قالتلي (فيه موت) قلتلها ان شاء الله انت قبلها وشلتها وطلعت اولول<<<صياحه ودمعتها على خذها خخخخخخخخ
طلعتها عند خواتي وهي تلهث وفمها ينزف ومو قادره تمشي نزلت من عبي ولما حطت ايدها علي الارض الا طاحت مو قادره تمشي وتونون انا عرفت انه كسر علي طول وبطنها فيه شي مكور=محجر خفت انها حامل وطاحت
(كان هذا يوم الاثنين)
المهم دورت حد يوديني بسرعه للبيطري الا اتعامل معه في مكه لان مكه مافيها عيادات بس صيدليات بيطريه وانا اتعامل مع صيدليه قريبه للطوارئ والاسعافات الاوليه ولا انا اتعامل مع عيادة التحليه العالميه وديتها وقلتله كسر كشف عليها وقلي لا دي رضه قويه وعطاها ابره وقلتله على الا في بطنها قلي شكلها حامل احتمال ضعيف قلتله علي الاقل حطلها رباط قلي ماله داعي دي رضه من قوة الطيحه انا قلبي ماارتاح كلمت اختي فينوس وقلتلها قالت خلينا نصبر يومين مارجعت تمشي نوديها عيادة جده قلت طيب
وطول الوقت وانا لما امسكها تصيح وتعضني بشويش يعني سيبيني وماتمشي على ايدها ابد خفت وطلعتها يوم السبت وانا رايحة الجامعه معي لجده ويوم شافها الدكتور تخيلوا>>>>>>>>>
عرف انه كسر علي طول يعني جلست خمسه ايام ايدها مكسوره ومعلقه وزياده انها من المفصل حقدت علي الا في مكه اعطها ابره منوم وسوالها اشعه وجبس ايدها



ياحبيبتي وااااااااااااااي ماقدرت اجيبها عندي خليتها عند صديقتي فينوس وهي للحين عندها وقبل اسبوع فكيت الجبس بس ادعولها بليز وابشركم طلعت حامل وولدت وهي مجبسه قولو ماشاء الله
وبعد ولادتها بيوم فكت الجبس وجابتلي اطفال يقولون للقمر روح وانا اجلس مكانك<< زودتها هذه
بس تخيلو الدكتور قلنا لازم تشتروا قفص كبير وتحبسيها هي واكلها ومويتها عشان لا تتحرك كثير

تستطيع أن ترى الصورة بحجمها الطبيعي بعد الضغط عليها



وجلست شهر في القفص وحتي الحين بعد ولادتها قال خلوها في وسط القفص يعني لها شهر ونص
بلييييييييييييييييييز ادعولها عشان كيوتي<< (هذه انا) ترا هذه مره احبها ومااصبر عليها ولا ناويه ابيعها ابد

معليه طولت عليكم بس حكيتلكم بتفاصيل
وشكرا