بغبغاء مكاو ، خارج المنزل ( صور )

[الشفق الأحمر]

المشاركة الأصلية كتبت بواسطة المهتوي

مشاءالله تيارك الله
الله يهنيك فيه
وياليت تخبرني عن تربيت المكاو بالبيت وطباعه لاني حاب
اقتني واحد مثله وابي احد عنده خبره فيه
وانتظر ردك
وتقبل تحياتي

مرحبا بك أخوي ، وإن شاء الله أفيدك بالي أكتسبته من خبرة خلال الأشهر القليلة الي خذت فيه
بغبغاء مكاو ، أول شي لا تخاف منه وخاصة من منقاره هههه صح كبير ويخوف أنه ممكن
يقطع الصبع لكن صدقني مايقدر ، أنا فالبداية كنت أخاف ألمسه ، كنت أحط له أكل
وماء بشكل يومي مع الإكتفاء بمراقبته طبعاً هذا الكلام أول أسبوع ، إلى أن
تدرجت معاه بداية من الطعام أخذ حب شمسي أو سنبل وأعطيه بأيدي
ومن ثم ألمسه إلى أن أعتاد على هذا الشي ، و كنت أركبه على
أيدي بقفاز << كنت أخاف منه ، لكن بعد مع الأيام صرت أركبه
على أيدي بدون قفاز والأمر طبيعي لكن هي مسألة وقت
وأن يعتاد عليك البغبغاء ، وهذا الي صار معاي بالضبط
صبرت معاه إلى أن صار يركب على أيدي وعلى
كتفي وكذلك يقبلني ويعض أذني بخفيييف
الحمدلله توفقت معاه لكن إلى الآن لم
يتكلم ولا كلمة ، ولكن بنفس الوقت
يجيد لك ( الصراخ ) القوي والله
للأمانة الشي الي لازم
تستحمله هو الصراخ
لأنه بجد بجد
زعيييييق
رهيب

وأتمنى لك أن تتوفق ببغبغاء مكاو
ونشوف لك مواضيع بالمنتدى
عنه ، وإنشاء الله ما راح
أبخل عليك بأي شي
ممكن يفيدك
تحياتي

وختاماً شكراً لمرورك
لاهنت