منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
|
|
أدوات الموضوع | إبحث في الموضوع | طرق مشاهدة الموضوع |
22-03-2010, 03:13 AM
|
#1 |
|
هاوي جديد
|
ارجو من الجميع حل مشكلتي مع الطير والطبيب المعالج ... ضروري !!!
السلام عليكم ورحمة الله وبركاته
كيفكم جميعاً اخوان واخوات مشكلتي جدا محيره وللاسف احترت بين الطير وبين طيبة الدكتور المعالج بأختصار المشكله شرية فرخ امزوني محجل ب 3500 ريال حجل اصلي قبل اسبوع تقريباً والطير بصراحه غير اليف يعني العض الله لا يوريكم شي مو طبيعي ولا يطلع على اليد المهم انه ياكل من اليد احياناً ماعلينا في هذا كله نجي لزبدة الكلام جاء ببالي قلت اوديه على مكان يقص جناحه ويبرد اضافره ومنقاره قلت مافيه الا (( ...... )) بدون ذكر اسم المحل علما بانه مشهور في جده وفعلاً رحت للطبيب ماكان عنده احد وشرحته له الموضوع من والى قال ابشر ان ابرد منقاره واضافره واضبطها لك قلت خلاص توكلنا على الله المهم طلعت انا برى الغرفه قلت عشان الطير لا يشوفني وياخذ فكره عني ويكرهني زياده عن اووول وشويه بدا الصوت العالي والجعير وشي الله لا يوريكم اختلط صوت المبرد بصوت الطير يعني قووة الازعاج من الطير انا قلت شي عادي لانه اول مره تسوي الحركه هذي لانها اول تجربه لي قلت عادي الطير خايف بس وشوي الا والطبيب يقول خلاص الطير جاهز تفضل جاي اطالع في الطير الا فيه حاله يرثى لها بصراحه تفاجئت وانصدمت والله العظيم اول شي : الطير ينزف من رجله والدم ينقط في صحن القفص استغربت اقول للطبيب ايش الدم هذا قال عادي بس مع الحركه بس نزف شوي قلت كيف عادي شوف واحد من اظفاره مخلوع من الاصباع وماسك شي بسيط بس قال مو مشكله بداويه الحين بعطيه مهدي يوقف الدم وفعلا وقف الدم بس مامشت معايه الحركه لان العياده بدأ يجيها زباين قلت مو مشكله اروح البيت واذا صار شي امر عليك بكره اعطني الفاتوره احاسب قال الطبيب لا والله ماتحاسب المره هذي خلها عليه استغربت من كلامه اصريت انا الا احاسب قال لا وطلع معاي الى السياره وودعني وقال خلاص احنا اخوان قلت اوك يعطيك العافيه وان اشءالله الطير مافيه اي شي وتطمنت ورجعت البيت وتفاجئت بالطير الا ويطلع صوت تجعير الم شديد كانه يعاني من شي اتضح مسككين انه مايقدر يوقف الا برجل وحده بس يعني اا نزل الرجل الثانيه تألم قلت يمكن بس مع الالم وبكره يخف ويرجع طبيعي .. هذا الكلام كله صار بعد العشاء يوم الجمعه الماضي يعني اليوم كمل ثلاث ايام تقريبا اليوم الثاني صحيت الصباح شيكت على الطير الا والطير مو العاده لا حركه ولا شي جالس على العصا اللي بداخل القفص وشيكت على الاكل والله لا اكل ولا شي خليته الى العصر قلت يمكن ماحس بالجوع اا جاع بياكل الا والمسكين حتى الاكل مو قادر ياكل حبة الشمس او الفصفص مايقدر يكسرها كل مااكل وحده طاحت عليه وكل مايجي ياكل مايقدر يكسرها اتضح انه حتى المنقار برده الى اخر شي يعني رجع الطير كانه ( غر ) لازم ااكله انا بيدي سيرلاك والا بالابره وهذا الشي اللي صار فعلا طلع جوعان وجالي أأكله سيرلاك وخبز ممطحون العصر رجعت للطبيب وقلت له السالفه قال خليه وتعال بعد يومين خذه رحت اليوم اخذه قال خلاص الطير كويس استلمه شيكت عليه وقلت اتاكد من الظفر اللي كان بس معلق على وشك ويطيح لقيته مو فيه قلت للطبيب وين اظفره قال شلته وكم يوم ويطلع قلت ايييييييييه طيب والاكل قال خلاص بدى ياكل قلت اتاكد عنده قبل لا اشيله وجربت العاده ياكل من يدي ونفس المشكله اعطيه حبة الشمس ويحاول فيها وتطيح منه مو قادر يكسرها عشان ياكلها طيب اقول للطيب طيب هذا الطير كان بكامل صحته وعافيته وكلفني 3500 ريال ولو تسال صاحب المحل عندكم اقل شي فرخ زي هذا تبيعونه 5000 ريال والظاهر اللي من جده يعرفون المحل اللي اقصده ياليت بدون ذكر اسماء يااخوان هذا الحديث الاخير دار بيني وبين الطبيب اليوم بعد العشاء ياليت تنصفوني لاني محتار الطبيب كم كلفك الطير انا كلفني 3500 ريال الطبيب طيب خلاص يوم 25 ميلادي استلم الراتب تمر عليه اعطيك المبلغ انا يادكتور انا ماقصد من الشي هذا كله اني اسيئ لك او اني اظلمك او اني اتبلى عليك انا عارف انه مالك ذنب في اللي حصل كله كل اللي ابغاه ان طيري يرجع زي اول وبس الطبيب والله اللي اقدر اسويه لك بالطير مافيه حل ثاني الطير قدامك انا شوف يادكتور انت عارف اني ماوصلتها للاداره عشان حقي مايضيع وعشان مااقطع رزقك نهائياً والله ثم والله انا ماجيتك الا من بعد ماسالت هنا وهنا لحد مانصحوني اجي الى عيادتك واستفيد من خبرتك خدمه مقابل اجر وتاخذ حقك عليه وزياده .. قال مو مشكله حصل خير وتاسف الدكتور على اللي حصل وتركت الطير عنده وموعدي معاه يوم 25 بعد ثلاث ايام وهذي قصتي يااخوان وماحبيت اختصرها عشان تحكمون في شي ينصفني انا وانا صاحب حق ولا تظلمون الطبيب لانه مو قاصد والله يشهد على كلامي لانه في العياده ماكان فيه غيري انا وهوه سامحوني طولت عليكم بس تكفون ابغى حل مقنع للطرفين انا خسارتي 3500 ريال وخايف الطير يموت عندي اذا استلمته والطبيب يمكن يكون راتبه قيمة الطير واظلمه فيها لاني لو استلمت فلوسي بترك الطير له اخوكم |
|
| Bookmarks |
| Tags |
| مشكلتي, المعالج, الجميع, الطير, ارجو, والطبيب, ضروري |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
جميع الأوقات بتوقيت GMT +3. الساعة الآن 03:51 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |