انا والكاسكو ريكو وزوجتي

[الصقر122]

السلام عليكم

ما راح اطول عليكم ، واذا طولت راح تستمتعون بالهسالفه .....

طبعا اشتريت كاسكو قبل اسبوع تقريبا عمره تقريبا سنه و 5شهور
وأول ما اشتريته استفدت من نصائحكم هنا والحمد لله فادتني

اول يوم

كان خايف وما ياكل الا اذا كان جالس لحاله
طبعا ما يعض لكن اذا قربت منه يجعر ويصارخ
وما ياكل من يدي ابدا

بعد 3 ايام او 4 ايام

قل خوفه مني وقمت اعطيه اكل ياكل من يدي والحمد لله
الخوف ما راح منه كليا ، ولكن حسيت انه احسن من اول وثاني يوم
استمر هذا الوضع لمدة اسبوع

وش قصته

بعد 6 ايام او 7 ، حسيت انه يخاف مني شوي لكنه ما يخاف من زوجتي
اذا انا قربت منه يتوتر شوي
واذا هي قربت منه ما يتوتر
رغم اني انا اللي انظف قفصه واعطيه الاكل وابدل له الماي
وانا اللي تعبان معاه ، وش قصته معاي ؟

"""" اجتماع منزلي عاجل """"

اليوم هربت من العمل بعد صلاة الظهر
وطلبت " المدام " في اجتماع عااااااااااااجل وجلسنا على سفرة الطعام
وقررنا وخططنا اننا نغسل " ريكو " وبالفعل اخذناه للحمام ، مع الالتزام
بكل الشروط الصحيحه لغسله ، حسب خبرة الاعضاء في المنتدى في
مكان لاتوجد فيه تيارات هواء ، وعن طريق البخاخ ، يعني غسلناه بالرش
عن طريق البخاخ ، وبكل هدوء ولطف قمنا بغسله،

طبعا انا مافاتني انه ممكن ريكو يزعل مني ويكرهني فكرت ... وقلت " للمدام " تعالي غسلي ريكو معاي ، وبالفعل ما صدقت خبر وجات
وقامت ترشه ، عشان لو بيكهرني ما يكهرني لوحدي يكرهها معاي ..
انتهينا من غسله وخليناه بالحمام حتى نشف وطلعناه
وحطيناه بالقفص ،

المفاجأة

انه رجع مثل اول يوم خايف واذا قربنا منه ينزل وراء القفص وكانه ما يبغى يشوفنا
ومره ياكل من يدنا ومره لا / طيب وش السالفه ؟؟؟

باختصار
اللي ابي اعرفه من كل هالسالفه التالي

1- ليش انا اللي اهتم فيه واكله واشربه واغسل القفص - ويخاف مني ويحب زوجتي ؟؟

2- ليش بعد ما غسلناه - وحبينا نخليه يرتاح " وينعنش قام يخاف منا مره ثانيه ؟؟