اللي عنده خبره بالسنغالي يدخل ....

[0030879]

أختي مشكلة طيرك بإذن الله بسيطة

وهي تتلخص في حاجتين : 1- الخوف والرهاب على قولك و 2- الصحة العامة

خلينا نبدأ برقم 2 اللي هو صحة طيرك \ تراك لعبت في حسبة ابو الطير هذا من كثر الأدوية

والله ماشاء الله عليه كثر الله خيره انه لازال عايش

وبعدين انسولين وادوية اوادم بعد !!! لاحول ولا قوة الا بالله

وقفي جميع الادوية ، واذا الطير يحب التمر عطيه تمر وش المانع؟؟؟ اذا كان التمر مايسبب له اسهال

واذا صار معه اسهال اعطيه فول سوداني هذاك ابو قشر وانتبهي لايكون مملح

ببغاءك يبي له نظام غذائي من اول وجديد ، لابد يكون اكله متكامل من حبوب وفواكه وخضراوات

الماء : الموية اللي تحطيها للطير لازم تكون نظيفة مو موية خزان موية شرب موية صحة يعني

ولابد تكون موية عادية لا حارة ولا باردة ، وتتغير مرتين باليوم بعدما يتنظف وعاء الموية تمااااااااام ويتجفف

غير كذا ارفعي القفص شوي خلي الطير يتنفس هوا نقي لاتحطيه على الارض


بالنسبة للمشكلة الاولى وهي الخوف

الخوف طبيعي في السنغالي ، ومعروف عنه انه مع التقدم في العمر يبدأ تظهر عنده فوبيا او رهاب من اشياء معينة

مثلا شخص خوفه او آلة زي المكنسة او شي معين

اهم شي يكون الجو مطمئن للطير ، واتركي الروحات والجيات للبيطري ، أنا ما ضحكني الا اللي يقول "جربي عطيه موية باردة" بيطري ويبغى يجرب الحمدلله والشكر

اتمنى لطيرك الصحة والعافية وصدقيني مافيه الا العافية تعوذي من الشيطان واتركي الوسوسة

انتي عشان شكله ريشه منتف تعتبريه مريض وهو مرضه يعني مو هذاك المرض

الريش ماهو مشكلة يرجع يطلع وفيه ببغاوات عايشه سنين طويلة وهي منتفة تنتيف القرود

والسنغالي حبوب وذكي ولاتتخلي عنه

بالتوفيق لك ووافينا بأخباره اولا بأول