منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
|
|
أدوات الموضوع | إبحث في الموضوع | طرق مشاهدة الموضوع |
08-01-2010, 06:08 PM
|
#20 |
|
موقوف
|
رد: ببغاءي جديد و ذبحني بأسلوبه
خليها على ربكي انا كل يوم اقول انه صار احسن من اول بس شكله ما فيه امل انه يعقل والله جالس افكر اكلم الوالد يرجع للمحل اللي شراه لان هالطير ذبحني وسوى لي ازمه نفسيه باعلمك شنو صار اليوم معي هو الحمدلله ما صار يجعر مثل اول يعني اذا جيت احط له اكل وماي يطلع صوت خفيف حييل جداً يعني من دون جعير وانا اتعمد اقرب له كل شووي واغير الماي باشوف شنو ردة فعله الحمدلله وضعه اووكي بس تخيلي اليوم شنو صار معاي وربي لو تشووفي شنو سوى فيني تموتي ضحك خليت البارح قبل ما انوم باب القفص مفتوح المهم يوم صحيت وكعادت الطير القاه رايق يعني طالع فوق القفص ويناظر فيني انا سلمت عليه من بعيد واناديه واصفر له وجلس يرد علي بالتصفير المهم جبت اللاب تووب وجلست اسمعه اصوات للطيور مثل الكناري او ببغاء مثله ولقيت هذي النقطه اللي تخليه يحرك مواهبه ويطلع صوت جلس يصفر بصوت عالي وانا مبسوط منه المهم زودت العيار شوووي وقربت من عنده على الكنب ويوم قربت جلس يصفر بعد من دون جعير كان مبسووط شكله المهم خليت الجهاز باصواته وانا معهم انصفر صرنا شغالين عند هالطير المهم هو مبسوط يصفر بعد شويات اشوووفه يستعد انه يبي يطير وانا على طول من الخوف لبست القفازات خفت يطير عندي وانا عقدتي من الطير اذا جاء عندي وانا مو واثق منه المهم والا شوي يطير لجهة الغرفه حقتي هنا المصيبه مافيه عطر او كريم او شيء بالغرفه الا وطيحها وهو مبسوط يعني جالس يصفر من دون جعير قلت يالله فداء لعيونه باعطيه جوه رحت عنده وجلست اصفر له واناديه باسمه الا وشويات التعبان صار يجاعر علي وقلت ماني خايف وقمت اقوول له لا واشووي اواسيه واناديه باسمه المهم يسكت شوووي وشوووي يجعر الممهم انا ما قدرت استحمل لانه حاس غرفتي كلها من العطور والكريمات و الدنيا كلها ما خلاها بحالها عاد جبت عصا طويله حقت المكنسه ابيه يطلع عليها رفض قام يطير ورجع عند القفص وحاس الكنب و الاراض اللي جنب التلفزيون وخليته محله ولا حركته ولا جيت عنده خفت انه يعضني او يزعجن داخل البيت والى هالساعه شوفيه جالس تحت الاستاند لاهو اللي يبي يدش القفص ولا هو اللي يبي يطلع على الاستاند شفتي شقاوة العيال كيف ههه على قولت عبدالرحمن بن مساعد المهم انا اللي اكتشفته منه ان الجعير صار خفيف جدا يجعر اذا شافني واقف عنده كثير الفرق بين اول و هاللحين ان جعيره مو مثل اول لاني اذا جيت اغير الماي او احط اكل ما يجعر الاخفيف والا من دون صوت بس ذبحني انه يطير ولا يسمع كلامي اما بالنسبه للعض الا هاللحين انا ما قربت يدي بس انا متاكد مليون بالميه لو يمسك اصباعي راح يكسرها عشان كذا انا ما اقرب منه واجد واعطيه جووه وكل صباح يكون رهيب يعني يصفر ويناظر بي بس الصباح يكون جوه حلوو وغير الصباح ما يطلع ولا صوت بعض الاحيان يصفر اتمنى يا كاسكووكيه تعلميني شنو الخطوه الجايه هل ارجعها للمحل اللي ابوي اشتراه منه او كيف اسوي معه لاني كنت اسال بموضوع اخونا ابو محمد بس ما ادري شنو صار ما يرد على اسئلتي احسه زهق وانا والله ابى المشورة لان كل اللي هنا اخوان واخوات لي اي نعم جديد هنا بس يعلم الله ان هالمنتدى افضل من كل منتديات دخلتها كانت شعر او خواطر حسيت الروح الاخويه بس ما ادري شنو صار لهذاك الموضوع ومليت منه ولا صرت ادش له من القهر المهم اختي كاسكوكيه الله يبيض وجهك ويخليكي لامكي وابوكي ابغاكي تعطيني النصايح مع الطير هذا شلون اتعامل معاه والله ما فيه موضوع بالمنتدى الا وقريته حتى اني وصلت لصفحات 100 بس كلها نصائح وارشادات انا ابغى انسان يخدمني بكيفية التعامل مع هالطير هذا اتمنى القى الفايده عندكي اختي الفاضله وشكرا من القلب لوقفتكي معاي وكنت والله مستحي اني اجدد الموضوع لاني حسيت اني زودتها شويات وصرت طماع 
|
|
| Bookmarks |
| Tags |
| ذبحني, بأسلوبه, ببغاءي, جديد |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
جميع الأوقات بتوقيت GMT +3. الساعة الآن 06:43 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |