تعالوا ابيكم بسالفه ... ترا فيه صور ;)

[كاسيكو أليف]

السلام عليكم ورحمة الله وبركاته ...
ارحب فيكم في منتداكم
لم اعتد كتابة المقدمات .. وبالاخص الاطراءات
ولكن الحق يقال:

ان هذا المنتدى ليس مجرد منتدى عادي في عالم النت
وانما اسميه ان جاز التعبير "المرجع"
وهو بالفعل مرجع لكل محبي الحيوانات في العالم العربي

كم انت كبير يا2zoo ..؟ وكم انتم كبار يااداريي 2zoo ...!
والاكيد كم نحن محظوظين بوجودك يا2zoo ...!!!!



ادخل بالموضوع:

في اليومين اللي راحوا عرض علي امزوني "بلو فرونتد" من احد الاشخاص " من خارج المنتدى "
وشخصيا لم اكن مستعجلا بالشراء وفأشار علي انه اخذه لمدة ثلاث ايام معي في البيت
وقال بالحرف الواحد:
اذا دخل مزاجك وارتحت للطير فحلال عليك بالقيمة المتفق عليه " وبصراحه السعر مغري جدا"
واذا ماجازلك رجعه

طيب بحط لكم كمن صورة له في البداية وبعدها بعطيكم مواصفاته
وهو في الحقيقة ماعنده مواصفات عاليه جدا :












نجي للمواصفات :
طبعا مثل ماانتوا شافين " محجل بس للاسف مو واضح سنة الميلاد ...!
ماعنده ولا كلمة بس مجرد نغيات غير مفهومه ...
صوت ضحكه خجوله جدا ... وصوت بكاء اطفال برضو خجوله
مع ان راعيه يقول ان له ضحكه قويه بس لي الان اربع ايام ماسمعت غير الضحكه البسيطة
لعوووب جدا وكثير حركة داخل الفقص وخارجه " ماشاء الله تبارك الله "
لما تضع يدك عند قدميه يحاول يعض عضه خفيفه بعدين يطلع بس مايطول بيدك
يطير يرجع الى فقصه " جناحه غير مقصوص"
وبس










وبما اني اثق برأيكم كثير كثير وخصوصا اهل الخبرة ولايهون البقية
حبيت اعرف رايكم في الطير وتعطوني السعر اللي يستحقه..
والاهم كم تتوقعون عمره..؟ وهل راح يتوالف بسرعه والا مثل الكاسكو
يعلك لمن يتوالف عليك


بس والله ياجماعه الربع انه عضني عضه هالاماوزن الله لايوريكم
مع اني كنت رحيم معاه لدرجه ماتوصف حتى الدرة والكاسكو لمن شافوني اجلس معاه
كثير قاموا يسوون هوايل بالفقص حقهم
يعني بالعربي غارواا
كأنهم حريم وجايب على راسهم عروسه جديده
هههههه

وهذه في سالفتي ويالله انا بإنتظار ارائكم النيره واي سؤال انا حاظر
واللي يامر على الطير لايستحي يقول ترا ماعندنا الا حلالكم