البلابيل

[للعاشقين عيون]

السلام عليكم ورحمة الله وبركاته
هلا وغلا بكل من شاهد موضوعي
منتكلم اليوم عن البلابيل من حيث:-
1- النوع :
البلابيل في منه أنواع كثيرة في
(بلابيل هنديةمعروف عنها أن يصير تحت الذنب لون أحمر) ومنقاره أطول من البلابيل العادية
وفي (بلابيل عايدية ويصير تحت الذنب لون أصفر)
في أنواع كثيرة من البلابيل وانا عطيتكم بعض منها
2- التربية:
تربية البلابيل ماهي سهلة يبي لهم كل يوم توكلهم أنت بنفسك
علشان يتعاودان عليك ومن يكبر اشوي لازم تحط كل بلبول في قفص
لأن البلابيل مع بعض يصيرون حذرين وشرسين ويصيرون حالتهم حالة
ريشهم يتنتف ومنقار كل واحد دم من كثر ما يخش منقاره بين حدايد القفص
يبي يطلع من القفص وأحسن ان تخلي عندك اثنين ذكر وانثى فقط
ومعروف عن الذكر ان يطلع أصوات(يغرد)
ويصير ذنبه أطول من الأنثى وأريح في التربية وأجمل وخاصة اذا كبر
وينعرف البلابيل شنٌ ذكر او انثى الذكر يصير لون قامق تحت الذنب
والأنثى فاتح تحت الذنب وهم أصغار
واذا أكبار الذكر يصير منقاره أطول من الأنثى
اذا في اي خطأ او نقص فأرجوا الرد
وسلامتكم