اريد اعرف كيف افرق بين الذكر من الانثى في سمكة الديسكاس؟!

[redshark]

اختي العزيزة بسبوسة 000 اخي العزيز بلاك جوست

اولا اشكرك اخوي على توضيحك وماقصرت 000 وفعلا سمكة الديسكس من الاسماك الحساسة
ولازم توفير الظروف المناسبة للحوض ومنها :

1- درجة الحرارة : الديسكس بيحب درجة الحرارة العالية لانه من اسماك التروبيكال او الاستوائية

فدرجة الحرارة المثلي تكون 27 - 28
2 - درجة شفافية المياة : لابد لابد لابد من فلتر ممتاو في حوض الديسكس وكمان يكون اتجاه الخارج منه مش بيعمل تيار في المياه يعني تكون مياه نضيفة من غير تيار

3 - درجة الاضاءه وافضلها زي ماذكر اخوي كوبرا في موضوع سابق الالترا فويلد uv او اضاءة الاشعة فوق البنفسجية
ويكون معدل الاضاءه من 12 -14 ساعة في اليوم

4- مقاس الحوض : المهم للديسكس يكون العمق لانه بيحب حوض عميق

5 - درجة ال ph : اختي العزيزة بسبوسة ده مجرد مقياس للماء من ناحية اليسر والعسر
وده تقدري توفريه للديسكس باضافة مجموعه من فروع وجذور الاشجار المتحجرة ودي بتعمل على معادلة حموضة الماء كمان وجود نباتات زي الامازون مهم جدا للديسكس

6 -الاسماك الموجوده في نفس الحوض : ودي لازم تكون اسماك هادئة ومسالمه زي الانجل او البلاك جوست والكات فيش ويراعي في اضافة السمك مستويات العوم يعني احنا بنحط الكات فيش لانه بيعوم في القاع فمش راح ياثر على مكان تواجد الديسكس وكمان الاهم انه بيتغذي على بقايا للطعام وبالتالي مش بيدي فرصه لفساد مياه الحوض

7 - الاكل : الديسكس سمكه ذكية وحساسة وافضل شيء ليها الاكل الحي زي الدود وصغار اسماك الجوبي والسمك الولاد وكمان الاكل المجفف المخصص لديسكس وده بتقري على العبوه مكون بروتيني عالي

اعتقد يا اختي ان المشكله عندك في الحوض تخص الاكل :
القاعده الذهبية ان السمك يفضل جائع بمعني اننا مش بنديله غذائ اكتر من الحد اللا زم والا راح يفضل ويعكر الحوض زي ماحصل عندك ويسمم المياه ويبدا الديسكس في الصيام والامتناع عن الاكل

اهم مرض بيجي للديسكس مرض اسمه الهولي هيد ( holy head ) او الراس المفتوح وده بيجي عن طريق طفيل بيعيش داخل بطن السمكه وكان بيعتقد الاول انه بيعيش داخل الحفرة في راس السمكه ولكن ثبت انه بيعيش في المعده وبنلاحظ ان السمكه راسها بقي فيها حفر صغيره
وبنلاحظ رفع السمكه ومتناعها عن الاكل

وده ليه علاج حبوب بتضاف للمياة

فلازم دلوقتي نضبط درجة الحرارة ونتاكد انها 27 - 28 وكمان نتاكد ان الفلتر مناسب للحوض وان المياه نضيفة وشفافة

وبعدين نحط ليهم دود حي او ضحي بجزء من صغار الجوبي وامرك لله لتشجيع الديسكس على الاكل وانا متابع معاكي