السلام عليكم ورحمة الله وبركاته
أشلونكم يا أعضاء تو زوو الغالين
بصراحة حبيت أني أحط موضوع مهم ويفيد كافة الاعضاء
وقمت أفكر وأفكر فلاحظت شيء
أنه كثير من الاعضاء وبما فيهم أنا نعاني من مشكله في تربية الاسماك ألا وهي
أمراض الاسماك يعني أي واحد فينا ممكن يتعرض لهذه المشكله
ويمكن ما يلاقي لها حل لانه مبتدىء في هذا المجال
وبعضكم يقول خلها تموت وأشتري غيرها وحدة ثانيه
فأذا أنت مو خايف عليها لانها رخيصة فخاف عليها لانها روح
زين وبعضكم يقول المواضيع ألي بالانترنت أو بالمنتدى مذكورة فيها أمراض السمك
فأنا أقولك معاك حق بس المواضيع هذي مذكور فيها الامراض والعلاجات العلمية
وأنا هني أبي العمليه يعني شخص صارت معاه مشكله أو مرض يكتب عنه
وعن طريقة علاجه سواء بأدويه هو شاريها ولا هو مجربها
بس تكون مجربه ومضمونه
عموما بهذا الموضوع حبيت أقول لكل الاعضاء ألي يربون أي نوع من السمك
أنهم يقولون لنا أي مرض صار وياه وشلون تعامل معاه وهل نجحت معاه ولا لا
شباب مو شرط تكون ادويه طبية المهم تكون ذات فعاليه يعني وصفة
متعلمها من خبير من أي مجال موثوق فيه
وياريت شباب ألي يحط المرض يكتب نوع السمكة وطريقة العلاج
وأذا كنت عارف السبب يكون أحسن ليتجنبه باقي الاعضاء
وياريت بعد من الخبراء في هذا المجال أنهم يكتبون شنو أهم الادوية
ألي يجب توافرها عند المربي
وشكرا لكم ولحسن متابعتكم ..