مشكلة بيض الزيبرا غير مخصب

[*همس الايام*]

يا هلا فيك

لا عادي فيديتك ما صار إلا كل خير

بخصوص جاهزيتهم ايه اختي الذكر كمل سنة عندنا والانثى 6 اشهر من اشتريتها

استأجرت قفص لعزل الأزواج حطيت الاناث بقفص والذكور بقفص آخر

حطيتهم تحت المراقبة تبين ان الاناث فيه بينهم شجار واضطريت اعزل انثى وحدة بقفص والثانية بقفص

والحين اراقب الذكور والله يعين اذا فيه بينهم شجار مدري شو اسوي

اما بخصوص التغذية راح اطبقها ان شاءالله

بس عندي استفسار بخصوص الخس والجرجير ثلاث مرات بالاسبوع ما يسبب لهم اسهال

لاني قريت يكفي مرتين بالاسبوع ؟؟!!

وأيضا البيض مع البقسماط هل اعطيهم كل يوم او بس يومين بالاسبوع يكفي؟؟!!

وبخصوص عظمة الحبار موجودة دايما وكلما تخلص احط وحدة جديدة

اما التهوية والتشميس انا حاطتهم في غرفة نادر احد يدخل لها واقفاصهم بالقرب من النافذة

وتصل لهم اشعة الشمس

بخصوص تنظيف القفص انا انظفه مرة بالاسبوع ما عندي وقت بسبب عملي

وعندي مشكلة بتنظيفه حيث انه يأخذ وقت في تنظيفه لأني حاطة بالقطعة التي توجد بأسفل القفص جريدة عشان ما اضطر اغسلها بس مجرد اغير الجريدة فقط
ولكن فضلات الطيور تبقى عالقة على جانبي القفص اضطر ادخل يدي لازالتها
مما يسبب ازعاج للطيور الموجودة بالقفص
سؤالي هل يكفي تغيير الجريدة فقط وما يحتاج إزالة الفضلات من القفص لاني أخاف ينتشر فيها الفاش او القمل وتسبب اذى بالعصافير

بخصوص صورة للعش عندي مشكلة ببلوتوث الجهاز راح انزل صور القفصين ان شاءالله

آمين حبوبة... والسموحة على ازعاجك

لأني مالقيت أي تجاوب من باقي الأعضاء غيرك

والله يجزاك كل خير على مساعدتنا واعطاءنا النصائح

بارك الله فيك