تجربتي مع أسوأ ببغاء مر علي والامور اللي استفدت منها

[7mani]

موضوع حسيت بحضاتك الحزينه قبل الحلوه فعلا اول ببغاء اخذته مالقيت في الدمام رحت الرياض ووصلت متاخر وكنت متواعد مع معروف في الرياض اني باوصل له متاخر شوي يعني نهاية دوامه ووصلت قبل الموعد المحدد بساعه ولكن انه قفل ويدري اني جاي من الدمام وراح اشتري وارجع في نفس الوقت

المهم يوم قفل نويت ارجع على طول لكن لقيت محل فاتح وهو اخر محل لقيت عند بلوفرنتد ما شاء الله جميل واخر كبير في العمر فاخترت اللي عمره 8 اشهر على كلامه رغم ان الحجل اصلي ذهبي ولكن ما فيه شي يوضح العمر وقال انه حجل راس الطير ولكن بعد فترة اكتشفت ان الحجل مافيه شعار راس الطير

قال عنهد كم ريشه منتوفه لان صاحبه الاول قص جناحه قصه غير احترافيه فاخذته وتوكلت على الله واتضح لي بعدين من الاخ سكر جزاه الله خير ان عمره حول السنتين ولكن ما بعته رغم انه ليس اليف او شرس


وصار حريق بالشقه اللي جنبي وشقتي صارت كلها دخان وريحة حريق فوديته بيت اهلي وبعد فتره رجعته وجاري قام يصبغ وريحة الصبغ مضره للطير فنقلته مره ثانيه وفي الاخير قررت ابيعه لانه ما استقر لا عند صاحبه الاول ولا عندي وصار كبير وبعته


وصبرت الين الله رزقني بعد تعب وعناء رحت كل المحلات ما لقيت فقررت اروح البحرين واخذ لي واحد من هناك وصاحب المحل يجيبه وانا رايح جاني اتصال من صاحب محل فقال انت تبي بلوفرنتد قلت نعم قال تعال ورحت وما توقعت بلو غر بعمر شهر اخذته ودربته والان حبيبي تتو كبر عندي هدد وطيران حر و اليف وشقي ممتع



ففعلا نصيحه لحد يتسرع والافضل تاخذ اليف جاهز او غر وتربيه على كيفك وسهل تدريبه والغر ما منه خوف كل واحد سالته قال الغر رعب كذلك اصحاب المحلات لكن سالت سكر وقال جرب وجربت الله يجزاه كل خير


شكرا على موضوعك الشيق ونأسف على الاطالة