برجاء المساعدة ... انا جديد فى تربية الهامستر ... و فيه حاجات كتيييير مش فاهمها

[Coupooo]

السلام عليكم

انا عندى خلفية عامة عن تربية الحيوانات عموما و لكنى لأول مرة اربى هامستر

بحثت كتيير اوى و عرفت معلومات كتيير جدا عنه لكن فى حاجات لسة مش عارف افهمها

انا جبت هامستر من يومين ( هو ذكر سورى على ما أعتقد ) فخبرتى شبه معدومة فى تربية الهامستر

هو يقوم ببعض الأشياء الغريبة مش فاهمها . معلش انا أسئلتى حتكون كثيرة شوية .

أولا انا مش عارف احدد اذا كان ذكر او انثى .. انا شوفت الصور و قريت كتيير اوى ... بس الى انا لاحظته انه مش عنده حلمات الرضاعة و مكان الخصيتين موجود و لكن ليس بالحجم الي شفته فى الصور . ( انا اصلا مش عارف اصوره عشان اوريكو الصورة بتاعته .. بيتحرك كتيييييييير اوى و بيفك نفسه و انا خايف امسكه جامد )

انا حاطط الهامستر (هو لواحده) فى حوض بلاستيك ( 30 سم فى 20 سم ) هل هذه المساحة جيدة ؟؟

انا حاطط له - فى الحوض - بيت صغير اشتريته مخصص للهامستر و فارش أرضية الحوض نشارة خشب خشنة و حاطط له 3 اطباق واحد للمية وواحد للأكل وواحد فيه رمل عشان يتبرز فيه
و حطيت له ورق جرائد و مناديل ورق حتى يفرش البيت الخاص به و قد تم بالفعل .
لاحظت انه أخذ كل الأكل الموجود فى الطبق و حطه فى البيت عنده و أى اكل بديهولو بيحطه هناك برده ... ليه ؟؟ و أعمل ايه فى الحالة دى ؟؟ ( أعيد ملى الطبق مرة أخرى ولا اسيبه فارغ لحد ما ياكل الى عنده ) ؟؟؟

انا عارف انه كائن ليلى بس هو امبارح فضل نايم لحد الساعة 11.30 بليل ... هل هذا طبيعى ؟؟؟

بالنسبة للعجلة .. انا جايبله واحدة بس برة الحوض ( هى قفص اصلا يعنى لازم انا الى ادخله فيها بنفسى ) ... هل هذا كافى ولا لازم اجيبلو واحدة جوة الحوض ؟؟؟ و انا قرات انى احطله كرة بس ملقيتش تفاصيل .. ممكن حد يوضحلى ؟؟ و هل لازم يكون عنده مواسير فى الحوض ؟؟

هو بليل نشيط جدا و امبارح سيبته طليق (تحت اشرافى طبعا) ... لقيته ماشى زى ميكون يبدور على حاجة (بيمشى عشوائى) .. و حاولت كتيير انى اتقرب منه
اعطيته أكل بيدى ( بياخدها يحطها فى الجيب الى فى فمة و يمشى) ....
حاولت اخليه يشم ايدى عشان يتعرف عليا .. مش بيعبرنى اصلا ...

و أخيرا .. هل يمكن للهامستر ان يتصادق مع اكثر من شخص فى نفس الوقت ؟؟؟؟