والله مليت و طفشت

[sarah99]

والله هاذي مشكلتي مع درتي بعد مو راضية تولف معاي وخوافة مرررة ساعات تأكل من يدي وساعات ماتترضي تتقرب مني وادا طلعتها برا القفص تروح تنخش في مكان ولاتطلع لحد ماتنام وهي مكانها وبالحيل ترضى تدخل القفص مرة ثانية هالذرة بتسبب لي حالة نفسية
مرات افكر انة لما يطلع ريشها المقصوص بطيرها برا البيت وافتك منها
ياناس اللي ربى درة من قبل يساعدنا في ترويضها تراني مليت منها

[كاسـ jeddah ـكـو]

سبق وذكرت في ردي السابق انه طير عنيد وفزع لابعد درجه وهذي الميزتين كافيـه لـ رفع ضغط أي شخص ..

يعني اللي عنده دره وتكون اليفه يعني تطلع على اليد وماتعض ولا تجعر .. هذي نقول ممكن انه نروضها ..

لكن واحد يجي معه دره كبيره بالعمر ومتعوده من صغرها على امها وتبي تروضها بعد هالعمر والطير بنفسه اصلاً معقد لو انه اليف .. هذا انصحه يروح يبيعه ويشوف له دره اليـفه ..

وبالنسبه لترويضها .. يبغاله طوووووله بال وصدر وسيع .. لان الدره بصراحه دايم ماتعصبني

تجي اوقات تولف معي وتلعب وتصفر لي مستانسه اخر حدها .. ويوم اردها القفص اجيها عقبها بساعتين بس القى الوضع اختلف ورجعت كأنها اول مره تشوفني ..

وهذا عيب الطير الوحيد ..

واستسمح من اخوي راينو اللي طلب مني طريقه ترويضها بالخاص .. انا ابحطه بالعام لتعم الفائده للجميع .. وهذي طريقه ترويضي .. يعني فيه اكثر من طريقه للترويض ..

بالبدايه لابد تعود الطير انه يطلع من قفصه .. يعني اكثر وقته يكون برى القفص حر طليـق حتى يولف مع اهل البيت وتعدد الوجيه عليه وهذي تساعدك مع الوقت في انك تطرد الخوف من الطير ( وهنا يستوجب عليك قص جنحانه )

ثاني شيء لابد تفرغ لنفسك اسبوع من الزمن .. تقعد فيها مع الطير يومياً 2 - 4 ساعات متواصله تقعد تدربه على اليد وعلى التصفير وعلى انك تقلبه على ظهره وعلى الشيء اللي تبيه انت ( وبالنسبه للكلام اذا كان طيرك صغير بدري عليه شوي ) .. المهم انك تونس الطير معك ولا يبقى لحاله .. ولابد هنا تطرد الخوف منك لان الطير احتمال في بدايه الامر راح يعض .. ولو كان الطير صغير اطرد الخوف من قلبك نهائياً لان الطير اذا حس انه بالعض راح يقدر يدافع على نفسه ماراح يتركه نهائياً .. عشان كذا لابد تاخذ لك كم علقه منه .. وتخليه يعرف انه بالعض ماراح يطلع بنتيجه حتى يوقفه .. وهذا اللي صار مع طيري ..

واذا استمريت معاه اسبوع يومياً بهالطريقـه صدقني راح تلاحظ نتيجه تعجبك .. بس المهم انك تكون متواصل معاه ماتقطعه ..

وبقية الامور تجي سهله اذا كان الطير استأنس معك ( مثل يوم تقوله تعال ويجيك وو الخ .. ) .. اتمنى اني فدتكم بالشيء اللي اعرفه

[sarah99]

مشكور اخوي كاسيكو جدة بجرب طريقتك اللي قلتها وانشاء الله تنفع مع هالمعقدة اللي عندي

[naasooh]

لا
لا تجوعه ليوم الله يصلح حالك

وأصبر عليه
مع الوقت والجهد راح تاخذ النتيجه ألي ترضيك
والأهم
أنك لا تخاف منه وأن حاول عضك لا تسحب ايدك بسرعه عشان ما يفهم انك خايف منه وحاول مره ثانيه انك تمسح على راسه وأذا ما طاع
غيب عنه شوي وحاول مره أخرى

وأن أستجاب كافأه أعطيه ألي يحبه من الأكل