ممكن تساعدوني

[عشووووقه]

بالعكس القطو اللي اييبه يبي يتزاوج بس المشكله بقطوتي
اهي اللي ما تبي اتخليه واشوفه كذا مره يحاول معاها وماكو فايده
يقوم يطقها ليما تنحاش منه واذا انحاشت طبعا انا ما اقدر امسكها لان اذا شلتها واهو موجود
اتعضني بس عشان تنخش في اي مكان مع اني حاكرتهم عندي بالغرفه وما يطلعون برا ومرات في الصندوق

[فقع]

المشاركة الأصلية كتبت بواسطة عشووووقه

السلام عليكم ورحمة الله وبركاته

عندي مشكله بقطوتي جودي اتحن وايد وتبي تتزاوج
بس للاسف لما يكون عندها الذكر ما ترضى واتكش صارلها
فتره طويله على هالحال وماني عارفه شنو اسوي معاها
وعمرها تقريبا سنتين وشهرين وللحينها ما تزاوجت
يا ليت القى الحل عندكم
ومشكورين مقدما

جيبيلها ذكر وخلي معاها حتى لو شهر لين ما يتعاودو على بعض وخاصة هيا لين ماتاخذ عليه
او
وديها للعياده الطبيه وخليها عندهم وهم يتولو عملية التزويج
او
اتركيها وطنشيها
او حل اخير اذا كنتي حابه ترتاحي للأبد بس بشرط ممنوع ممنوع وحرام انك بعد ما اتسوين اللي بقول عليه انك ترميها او تتركيها لازم اتخليها عندك طول مانتي عايشه وبامكانك كمان تستشيري احد الشيوخ .. المهم اعمليها عمليه اخصاء

[عشووووقه]

هلا اخوي فقع انا قلت لكم من قبل ان من كثر ما مليت من تصرفاتها ولما كنت اوديها البيطري قالي الدكتور بيعطيها ابره اتوقف فا قلت له لا حرام اخذ ذنبها يمكن ما تظل طول العمر معاي او انها تنحاش او يصير لها شي لا قدر الله فا ما ابي اتحمل ذنبها بعدين والله انها تكسر خاطري مرات ومرات تطلع بحركات اتخليني اعصب عليها واطقها ولما اطقها ما اخليها على طول اشيلها وامسح عليها بس شنو اسوي استغفر الله احسن راح اين منها
فا ماكو الا اني اتحملهاواحقرها ليما تسكت بروحها او اني اخليها عند اي احد يكون عنده ذكر وان شاء الله خير