ضرووري جدا ساعدو بغبغانتي

[جادو]

بغبغانتي تعبانه وفيها زكام وتطلع صوت من خشمها تسوي حركه كانها بترجع وديناها البيطري وعطاها ابره ودواء ابيض الي هو بودره بعد سبوعين انتكست حالتها وصارت مريضه واحس بيطلع منها زكام وهذا الشي خلى عيونها اليمين تتورم وتتنفخ وكلا تبي تنام وصايبها خمول عطوني ليها بودره ورديه استخدمه في الماء استخدمته الأمس واحس ان الخمول صايبها بس النفخ خف شوي وتتطلع صوت من صدرها واني كل ماشفتها اتقطع عليها لأني مو عارفه ايش اسوي لها ولأني بنت ومااقدر اطلع للبيطري واخوي مو حابنها خايف منها مايبي يوديها ساعدوني ابي حل سريع

[EVO46]

انا نفس الشي يعاني من الخمول والنوم لدرجة انه اغمى علية سألت الدكتور قالي عندة نقص املاح في جسمة بسبب الاسهال وقالي راجعني اليوم علشان اشوفة هل طيرك يعاني من الاسهال تبغين نصيحتي ودية البيطري

[عاشقة الطيور]

السلام عليكم ورحمة الله وبركاته

اختي لتغيرين الجو على الببغاء يعني خليه بغرفه لاهي حاره ولا بارده لان من تغيرين الجو تعتفس حالته

والله يشافي كل طير مريض

[stt95]

في إحتمالين


الطير فيه ميكوبلازما وعطيه التايلان


أو الطير فيه السلامونيلا وأغلب الطيور تموت إن تأخرت بالعلاج وعلاجه يكون neo-oxyvit و المغذيات حيث أن هذا المرض يتعب الطير جدا - ولكن ليس لهذا المرض علاج حاليا وال ينصح غير بهذا الدواء -



ممكن تعطيني تفصيلات أكثر عن الإخراج - أعزكم الله - وإذا المنقار بارد وإذا في إخراج من الفم والأنف إلخ.........

[يعقوب افريقي]

السلام عليكم

الله يشافي طيروك يا رب وحاولي انك تفصلينها عن بعض واستمري على العلاج وان لم تتحسن اعرضيها على بيطري آخر او استمعي لوصفت اخي stt95

الله يعافيها ومدينا بآخر الاخبار عنها

[جادو]

EVO46
لا والله سالت انا احد من هنا جزاه الله خير وقال لي ان هذا مرض الميكوبلازما

عاشقة الطيور

لا الجو انا ماحطها في تيار بارد والله بس اهي دايم مريضه مادري ايش فيها


stt95
شريت لها امس دواء وهو 10 كبسولات تقريبا قالو لي عطيها اياها كل يوم في فتره الصباح ولما عطيتها صارت احسن من اول

منقارها والله مو بارد في فتره الصباح عزكم الله الأخراج حقها اسهال

يعقوب افريقي

انا ماعندي الا طير واحد وانا عرضتها وعطوها ابره من قبل اسبوعين وامس كبسولات عطوني

[فتفوته]

اخوي إلحق على الطير
الميكوبلازما مرض فايروسي خطير اذا ما تم علاجه بدواء فعال ,,
واحسن علاج في مثل هالحالة التايلان ,,
والادوية اللي تستخدمها له اعتقد انها مجرد مسكن للمرض يعني يتحسن الطير فترة ثم يرجع له المرض
و حسب تجربتي
كنت املك ببغاء رمادي وكل بعد فترة يجيه هالمرض الفيروسي ويروح الين مات وكان احد الاخوة في المنتدى قد أوصاني بهذا العلاج ,, لكن قدر الله وما شاء فعل ,, ما قدرت الحقه بسبة البيطري ا طمني بان مرض الطير مجرد زكمة عابرة وتروح مع الادوية هاذي ,, فبدأت حالة الطير تسوء اكثر مع اني اعطيه الدواء اللي كاتبه البيطري ,, ولما صورت الطير واضفته بالمنتدى اتضح ان الطير يعاني من الميكوبلازما ,, ومات الطير قبل ما اشتريله التايلان ,,

فارجو انك تقرا الموضوع فيه العلاج مع كيفية الطريقة


http://www.2zoo.com/vb/showthread.php?t=66594

[فتفوته]

وبالنسبة للابرة اللي عطاها الدكتور الطير لو تسأل وش اسم الدواء ,, على اساس لو طلع التايلان يصير علاجه كويس ومايحتاج تشتريله الدواء هذا

[stt95]

شريت لها امس دواء وهو 10 كبسولات تقريبا قالو لي عطيها اياها كل يوم في فتره الصباح ولما عطيتها صارت احسن من اول

منقارها والله مو بارد في فتره الصباح عزكم الله الأخراج حقها اسهال

-----------------------------------------

إسم الكبسولات...؟

إحتمال كبير يكون السلمونيلا الفيروسية إذا طلع الإسهال أصفر مائل إلى البني

وإذا كان مقطع أخضر يكون السلمونيلا العادي

وإذا سهال عادي إحتمال يكون الميكوبلازما



أبي تفاصيل أكثر علشان أحدد المرض

[جادو]

فيه اصفر واخضر بس لماا استخدمت الدواء صارت احسن