شو نوع حنيشتي كتمبل!!! أرجو المساعدة

[ALiEN]

السلام عليكم ورحمة الله وبركاته

خذيتلي أفعى (أصلة) من أسبوعين تقريبا وشاكة في نوعها
هل هي African Rock Python ؟؟؟
وشو البيئة المناسبة لها؟ رملية، صخرية، جذوع شجر؟؟؟؟





وعندي مشكلة ثانية، هي ما كلت من اسبوعين قلت يمكن لانها تغير جلدها لاني لاحظت انه لون الجلد غريب شوي صوب راسها وخاصة تحت ضوء الشمس، هل ممكن انه يكون في سبب ثاني؟؟

وهل تنصحوني اني اطلعها اكثر من القفص، لاني أغلب الأوقات أخليها داخل وما أظهرها؟؟؟ بس أطلعها لما أنظف القفص أو أبلل الاسفنج اللي في بيتها (لان الطبيب نصحني اني اوفرلها بيئة رطبة عشان تقدر ترطب جلدها في حال بغت تغيره)

وسلامتكم ^___^

[ابو عابد]

مرحبا بك في منتدى تو زوو

ما نقدر نفيدك لأن الصور مو طالعه

[ALiEN]

أخوي الحين تقدر تشوف الصورة؟؟!!

[ابو عابد]

الصور مو طالعه

[Q8kuwait]

مرحبا

هل هي African Rock Python ؟؟؟

نوع هذه الاصلة بول بايثين او الملكي .. Ball Python , Royal Python

وعندي مشكلة ثانية، هي ما كلت من اسبوعين قلت يمكن لانها تغير جلدها لاني لاحظت انه لون الجلد غريب شوي صوب راسها وخاصة تحت ضوء الشمس، هل ممكن انه يكون في سبب ثاني؟؟

الافضل انك تعطيها كل اسبوع او اسبوعين فأر او اثنين

وهل تنصحوني اني اطلعها اكثر من القفص، لاني أغلب الأوقات أخليها داخل وما أظهرها؟؟؟ بس أطلعها لما أنظف القفص أو أبلل الاسفنج اللي في بيتها (لان الطبيب نصحني اني اوفرلها بيئة رطبة عشان تقدر ترطب جلدها في حال بغت تغيره)

طبعا أخوي الافضل انها تتطلعها بكثرا حتى تعتاد عليك و على المكان و تشعر بالامان معاك

[LiMiTeD]

اخوي Q8kuwait ما قصر بالاجابه

بالنسبه للاكل الثعبان ما ياكل ولا انت ماعطيته اكل ؟

والبيئه لازم تكون درجة الحراره بين 26-31 مع وجود الرطوبه

[ALiEN]

مشكور أخوي Q8kuwai ^____^ ان شاء الله ببدأ اظهرها أكثر، أنا كان في اعتقادي انها اتم داخل القفص أكثر عشان ترتاح و على أساس ما يتغير الجو عليها فجأة!!!

أخوي Limited ، حطيتلها فار عايش من اسبوعين تقريبا وتم معاها داخل القفص اسبوع كامل ما اشوفها كلته، وفي يوم من الأيام ظهرتها من القفص عشان أنظفها ولاحظت انها مجروحة ولما رديت دخلتها نقز عليها الفار وهني عرفت انه الفار يهجم عليها مع انه صغير، وعسب جي ظهرته من القفص نهائيا وفصلته عنها وحطيته في كرتون!!! قلت يمكن عسب تغير جلدها فقلت بترياها اتغيره وبعدين بحطلها الفار!!! انت شو تنصحني؟؟ احطلها فار ميت؟؟؟!!! او أأكلها بروحي؟؟؟

[LiMiTeD]

اكبر غلط تخلي الفار فتره طويله معاه

هذا الموضوع راح ينفعك
http://www.2zoo.com/vb/showthread.php?t=14966

[Bedro]

أختي الكريمة .. مثل ما قالولك الأخوان هذي Ball python وتعرف أيضا بـ Royal python .. أصلة ملكية أو كروية .. وسبب تسميتها بالملكية وذلك لجمالها .. أما بالنسبة لتصميتها بالكروية لأنها وقت الخوف تلتف على نفسها كالكرة ..

أما بالنسبة لإخراجها .. من المستحسن أن تكثري من اللعب معها حتى تألف عليكي ..

أما بخصوص الأكل .. فبعض الأصلات الملكية تكون شهيتها ضعيفة .. لكن الظاهر عليه من حجمه أن شهيته ممتازة .. لذا ضعي في بالك بعض الأمور .. أولا هذا النوع من الأصلات لا يأكل الطيور .. وأنه قد يكون معتادا على نوع معين مثل الهامسترات .. لذا يجد رائحة الفأر غريبة عليه فلا يتعرف عليه كفريسة .. أنصحك بالرجوع إلى المصدر التي إشتريته منه .. وأن تتأكدي ما نوع الأكل الذي كان يقدمه لها ..

بالنسبة للون الجلد الغريب وتغير الجلد .. فأسهل العلامات التي تظهر على الحية حين تغير جلدها .. أن تتكون غشاءة على العين .. لو العين كما أراه في الصور طبيعي .. لذا لا أتوقع أن يغير جلده .. لكن ولأن الصور قد تكون قديمة .. تأكدي من لون العين على تكون عليها غشاء أم لا ..

ينصح بوصع أحجار خشنة وجذوع أشجار صغيرة حتى تساعد الحية على تغيير جلدها .. وبالنسبة للترطيب .. بإمكانك وضع إناء يحتوي على ماء حتى تقوم بترطيب نفسها فيه ..

أتمنى أن أكون وفقت في الإجاء على تساؤلاتك ..

تحياتي لكي ولجميع من أجاب أسئلتك من الإخوة الكرام ..

[الخيّال]

بالنسبة لعدم الاكل حطيها في ماء دافئ لمدة ربع ساعة تقريبا

وتأكد من درجة الحرارة في الغرفة لا يكون الجو بارد

حط الفار عندها في وقت يكون الجو فية حار مثل فترة الظهر

ولا تخلي الفار عندها اذا ما اكلتة . وجرب من بكرا تحط الفار عندها . وممكن تجرب تحطلها صوص ( فرخ الدجاج اذا متوفر عندك )