ممكن رأيكم !! هذي أول مشاركه لي

[mazmz]

بسم الله الرحمن الرحيم


راح أدخل بالموضوع مباشرة


جتني هديه من صديقي


الهديه كانت قطوه


وبصراحه توهقت فيها


ماعرف شي فيها


قلت مالي إلا أسوي بحث بعمنا قوقل


وطبيت بهذا المنتدى الرائع


بجد منتدى مذهل وجميل


لأنه متخصص


وبما أن هذي أول مشاركه لي حاب أستفسر من أخواني و أخواتي عن القطوه


ماهيا نوعيتها؟


ثاني شي قالي صديقي لزم تروشه كل أسبوع حاولت أروشه حاول يعضني


ماهي الطريقة السليمه للتنظيف وإجتناب العض


بس وإذا كان عندك لي نصاح ما نستغني عنكم أخواني


علما أختي الصغيره عمرها 3 سنوات سمتها ( لولي )


عموما أترككم مع الصور

[نرجس]

حيااااك الله أخوي mazmz

الف مبرووك

مشااء الله

تتربى بعزك ..

حلوووو أسم لووولي ...



بنسبه لحماااااامـ القطط ..

لأخووي رعوود..
http://www.2zoo.com/vb/showthread.php?t=40944


××××


وهذا مووضوع لهندمة القطط قصيرة الشعر

لأخوووي رعوود
http://www.2zoo.com/vb/showthread.php?t=40051


××××

http://www.2zoo.com/vb/showthread.php?t=24466

وووهذي .::موسوعة 2zoo للقطط ::. ( فهرس مصنف حسب المواضيع )

راااح تستفيد منهاااا بشكل كبير ...

ووتعرف نووع قطوووك


أتمنى أكووووون أفدتك ..




أختك
نرجس

[أسير الدمعة]

الترويش كل اسبوع كثير حتى لو كان صيف
وبالنسبه للعض اتوقع عشان مو متعوده على الترويش دايم
وحاول تقص اظافيرها وتنظف اذونها وتفحص عليها عند البيطري وتطعمها لأن الامراض المعديه كثيره
اما بالنسبه لأختك الله يحفظها حاول انك تشوف تعاملها مع القطه اذا تحاول تظربها او تسحب ذيلها...
هنا لازم تاخذ حذرك
ولكن بشكل عام انصحك تخصص للقطه مكان لها
واذا تحب اختك تشوفها يكون بتواجدك
وان شاء الله الأعظاء يفيدونك خصوصا بهذي النقطه لأنه ماعندنا اطفال بالبيت

[أنــــا]

مبروووووووووووك عليك القط..
ما شالله شكله حلوو ...وبالنسبة لنوعه..مادري والله بس اتوقع (انقورا)

والله يجزاها خير خيتوو نرجس كفت ووفت
بس ابي اشير لك على نقطة
توه ذكرتها رد فموضوع

وبالنسبة لقص الاظافر تو خيتوو عهد قالت لك تقصها..نصيحة لا تقصها انت في البيت
احسن شي ودها محل يقصونها لانك ممكن تقص شي متصل بالاعصااب...
وديها لمحل يقصونها وتعلم منهم عشان المرة الجاية تقص اظافرها
بنفسك>>>الحياة والطبيعة يقصون الاظافر بـ15 ريـال

وعلى الترويش ايه لازم تروشها بس الافضل في النهار عشان ما تاخذ برد
والموية طبعا دافية
وشوي شوي عليها لان القطط تكرة الماء ..وتروشها كل اسبوعين مرة

والاكل اعطيها اكل مخصص للقطط( دراي فود من رويال كانن ولا ويت فود من وسكاس)
ولا ممكن تعطيها اكل من البيت (دجاج مسلوق ولا لحم ولا زبادي خالي الدسم)
بس انتبه لا تعطيها تونة معلبة لانه مضر بالنسبة لها..

وبعدين لا تقوول توهقت ..بالعكس
احمد ربك ان عندك صديق طيوووب يهديك قطوة هع

القطوة من افضل الحيوانات تربيها.. ذكية ولعوبة وتوّنس
ولأن اختك 3 سنوات انتبه عليها من القطوة..
اذا القطوة عضتك ممكن تعض اختك خخخ

[mazmz]

حيااااك الله أخوي mazmz

الف مبرووك

مشااء الله

تتربى بعزك ..

حلوووو أسم لووولي ...

'


حياك الله نرجس

يعطيك العافيه على الروابط وعلى مرورك الجميل

كلك ذوووق

الترويش كل اسبوع كثير حتى لو كان صيف
وبالنسبه للعض اتوقع عشان مو متعوده على الترويش دايم
وحاول تقص اظافيرها وتنظف اذونها وتفحص عليها عند البيطري وتطعمها لأن الامراض المعديه كثيره
اما بالنسبه لأختك الله يحفظها حاول انك تشوف تعاملها مع القطه اذا تحاول تظربها او تسحب ذيلها...
هنا لازم تاخذ حذرك
ولكن بشكل عام انصحك تخصص للقطه مكان لها
واذا تحب اختك تشوفها يكون بتواجدك
وان شاء الله الأعظاء يفيدونك خصوصا بهذي النقطه لأنه ماعندنا اطفال بالبيت

بالنسبه للمعلومات هذي أنا سويتها عند البيطري

بس لما جيت أروشها ثاني ماقدرت

وبالنسبه للأطفال الحمد لله أختي تخاف منها هههههههههههههه يعني إذا تبي تلعب معاها لزم تكون معاي

عموما مشكور أخوي على مرورك الجميل والمفيد


تحياتي لكـ

[سعوديه]

ماشاء الله تجنن

[صقر العرب]

كتير حلوه

[@$%rory%$@]

جميله مشا الله ومن شكلها انها مون فيس ومبروك عليك هالهديه وماقصرو الاخوان في المنتدى وكفو ووفو وتتربى بعزك وعقبال اولادها انشاالله

[رعوود]

الف مبروك عليك اخوي قطة جميلة ورائعه


بالنسبة للنوع

امريكي شورت هير


تتربى بعزك

[همستراويه]

روعه ماشاء الله