ابي اغير مجموعتي بس ابي نصيحتكم

[ماكسيموس]

السلام عليكم
شباب انا عندي كوكاتو ملوكن وكوكاتو ذو العرف البرتقالي وكوقاتو قاله قاله (الروز)
وكان عندي افريقي وللاسف مات
المهم انا ابي اشتري افريقي عمره 4 شهور بغيت اعرف عمر 4 شهور شنو ياكل حب شمسي ؟؟ يعني معتمد على نفسه ولا ياكل سيريلاك ؟؟
وبغيت اعرف جم مره اوكله اذا كان ياكل سيريلاك جم مره باليوم اوكله ؟؟
وجم مره اخليه يشرب ماء ؟؟
وبغيت اعرف في اي شهر الافريقي يعتمد على نفسه في عمر 4 شهور ولا 6 شهور ولا 8 شهور ؟؟
ارجو افادتي
لاني تعلمت شي من هذا المنتدى وهو السؤال قبل التصرف مو اشتري الشي وبعدين اسأل
ويعطيكم العافيه ارجو انكم اتساعدوني
وشكرا

[LiLi]

شباب انا عندي كوكاتو ملوكن وكوكاتو ذو العرف البرتقالي وكوقاتو قاله قاله (الروز)

ما شاء الله تبارك الله ... ربي يبارك لك فيهم

لاني تعلمت شي من هذا المنتدى وهو السؤال قبل التصرف مو اشتري الشي وبعدين اسأل

فعلا كلام صائب

بس مثل ما تعرف قبل لا تشتري الافريقي لا تشتريه

و هو صغير مرة ... يعني تقدر تشتري لك واحد عمره

6 - 8 أشهر راح يكون معاك تمام

و أنتنظر طبعا رأي الأخوة الخبراء و المحبين للرمادي

و منهم الجاااارح

و بالتوفيق إن شاء الله

[ماكسيموس]

الجــــــــــــــــــــــارح وينك يالــــــــــــــــــــــــــــجارح
ونبي ردود الكل
والله يعطيكم العافيه
ملاحظه :-
ارجو الرد على كل الاسأله
ومشكوره يا الاخت لي لي

[Kuwaite]

هلا والله اخوي .. ماشالله تبارك الله .. الله يخليهم لك ..


نشوف اسألتك ..

المهم انا ابي اشتري افريقي عمره 4 شهور بغيت اعرف عمر 4 شهور شنو ياكل حب شمسي ؟؟
لا اخوي 4 شهور ماياكل اونما يكسرها فقط لانه مايعرف ياكلها .. بالعربي انت اللي تعتني فيه وتوكله



يعني معتمد على نفسه ولا ياكل سيريلاك ؟؟
ياكل سيريلاك



وبغيت اعرف جم مره اوكله اذا كان ياكل سيريلاك جم مره باليوم اوكله ؟؟

يعتمد على حسب جوع الطير لكن انا مخلي عندي جدول كل 4 ساعات او 5 ساعات اوكله ..



وجم مره اخليه يشرب ماء ؟؟

الطير عموما يتعب اذا طار .. انا اشربه ماي شوي اذا طار لانه يتعب .. عند الاكل تشربه ايضا ماي ..
ومرات تشوفه فاتح فمه يعني عطشان تعطيه ماي ،، هالعمر يبيله اهتمام شوي




وبغيت اعرف في اي شهر الافريقي يعتمد على نفسه في عمر 4 شهور ولا 6 شهور ولا 8 شهور ؟؟

8 شهور اخوي .. وانصحك اذا تبي طير يعمتد على نفسه اخذلك طير بعمر 8 شهور ..


تحيــاتي لـكـ وأي سؤال انا حاظــر

[ماكسيموس]

الله يعطيكم الف عافيه
دام جذي عيل انا عارض طيوري للبيع
الملوكن + ذو العرف البرتقالي اثنينهم مع بعض للبيع اوللمبادله ابي ابيعهم ابسعر 500 دينار
واذا كان في اي واحد يبي يبادلني
فأنا ابي ابادلهم مقابل ببغائين من نوع الافريقي الرمادي ويفضل انه يكون محجل
او ابي ابدلهم مقابل ببغاء امزون دبل يالو هد
الي يبي يبدلني او يبي يشتر او يعرف اي احد فأرجو مراسلتي
والله يعطيكم الف الف عافيه
ومشكورين

[Kuwaite]

شوف الخاص اخوي