اشترك في نشرتنا البريدية ليصلك كل جديد

اللايق · 15-09-2007, 04:00 PM

والله هذي اول مشاركه لي في هذا القسم

وان شاءالله تفيدووني

انا فكرت اشتري ببغاء

لكن ماادري اي نوع وكم سعره

لكن ان شاءالله تفيدوني

انا اقلكم طلباتي

ابغى تقولولي نوع حياته ماهي قصيره يعني لمدة سنه ويموت يعني ابغى واحد يعيش معي

ثانيا ابغى نوع اليف يطلع على الكتف عضاته ماهي قويه..يكون شكله حلووو

وكمان ابغى يكون سعررره مو غالي مرررره..

وكمان ابغى اعرف من فين اشتري علماا باني اسكن في جده..

ارجو افادتي..

ومشكورين مقدما

الجااارح · 15-09-2007, 08:11 PM

أخوي الكريم / اللايق

هلا فيك يالغالي

وإنشاء نشوفك تكتب آلاف المشاركات عندنا في هذا القسم

بالنسبة للإستفسارات راح امشي معاك فيها خطوة بخطوة :

اقتباس:

ابغى تقولولي نوع حياته ماهي قصيره يعني لمدة سنه ويموت يعني ابغى واحد يعيش معي

الحقيقة إن الأعمار بيد الله سبحانه وتعالى ولكن راح اعطيك مدى تعميرها حسب الدراسات والأبحاث العلمية :

الإفريقي يعيش الى 50 سنة تقريبا ..
الأمازون الى 80 سنة تقريبا ..
المكاو الى 100 سنة تقريبا ..

واكرر واقول الاعمار بيد الله سبحانه وتعالى ولكن عادة ما تصل الى هذ السن والعمر الى بعناية فائقة ...

اقتباس:

ثانيا ابغى نوع اليف يطلع على الكتف عضاته ماهي قويه..يكون شكله حلووو

كل الطيور تعض وكل عضه لها تأثير وبعضها يكون الله يكون في عون اللي انعض

ولكن أقلها تقريبا الافريقي ولكن كن على علم ان جميع الببغاوات عضتها قوية جدا وخاصة وقت ما تدافع عن نفسها اقل القليل تسويه لك عضه تذكر الطير فيها شهور

بالنسبة للأشكال :

الناس اذواق ولو تبغاني اقول لك الاكثر جمال راح اقول لك المكاو ( الملون ) .... بس سعره نااااار غالي

وبالنسبة للألفه :

كلها زي بعض ولا بينها فرق وان كان فيه فرق فالفرق يوشك ان يكون معدوم ..

اقتباس:

وكمان ابغى يكون سعررره مو غالي مرررره..

عليك وعلى الإفريقي وأنا اخوك اسعاره تقريبا اقل الأسعار ولو تبغى نصيحة مني راح اقول لك خذ الإفريقي وأنت مغمض وراح تدعي لي ....

اقتباس:

وكمان ابغى اعرف من فين اشتري علماا باني اسكن في جده..

مكان الشراء :

بما انك في مدينة جــــدة فروح لسوق الطيور المركزي عندكم في الخمرة على طريق الليث الجديد من دوار المعارض اتجه جهت الجنوب وامشي مسافة 3 او 5 كيلو تقريبا راح تلاقي لوحة صغيرة جدا تشير على سوق الطيور اتبع اللوحات بعدها وراح تلاقي السوق ...

أنصحك بالشراء من هناك ولكن كن على حذر لإني رحت له من فترة طويله تقريبا قبل شهرين حولها حوليها المهم كانت الاسعار مرتفقه وغااااليه نسبيا ....

واما المحلات :

ابعد عنها قد ما تقدر اسعارها غالية ومبالغ فيها ...

نبذه على المختصر في الاسعار :

إذا راح تاخذ طير وااالف سعره لا يتعدى 1100 اذا كان ما يتكلم ويصفر .
إذا كان يتكلم لا يتعدى الـ 1500 ريال ...
الغشيم مرة ما يتكلم ولا يصفر ما انصحك فيه سعره تقريبا من 700 الى 900 ريال ولكن بما انك ما عندك خلفية عن التدريب فما انصحك فيه ابداً ....

أخوي / اللايق

أي استفسار أو أي طلب لا يرد الا لسانك وانا اخوك او في نقطه ما فهمتها كلمني عنها واوضح لك فيها اكثر يالغالي المهم تطلع بفايده وهو اهم شيء ...

مع تمنياتي لك بالتوفيق ،،،،

محمد الرياض · 15-09-2007, 09:01 PM

أشكرك الجااارح على سعة و طول بالك ..

لكن يا أخي ما بقي تقول إلا جيبوه عندي لحد البيت !!

وش الببغاء اللي يعيش سنة !! وين ، هامستر !!

إقرأ المواضيع المثبتة ..

الببغاوات طيور معمرة و هي ليست مجرد طير تضعه في قفص و انتهى ..

هل عندك استعداد لتكفل طفلاً يتيمًا ؟! ..

الببغاء أشد تطلبًا من الأطفال ..

إذا لديك الاستعداد لتحمل المسؤولية فأنا أبارك لك مقدمًا ..

عاشق الحيوانات الاليفة · 15-09-2007, 09:38 PM

بالنسبة لي انصحك بالبغبغاء الافريقي
وانا امتلكت بغبغاوات كثيرة وهي:
1- الكوكاتو
2-المكاو وامتلكت نوعين منها
3-الافريقي
وامتلكت غيرها كثير لكني لا اعرف نوعها
وانصحك بالافريقي
لان الي ذكرتهم كلها بعتها ماعدا الافريقي
وانصحك به وهو افضلهم

عاشق المكاو · 16-09-2007, 05:11 AM

وأنا أقول ياأخوان الي ماجرب الأمزوني تراكم ظلمتوه وبقوه...

الجااارح · 16-09-2007, 06:55 AM

اقتباس:

المشاركة الأصلية كتبت بواسطة عاشق المكاو

وأنا أقول ياأخوان الي ماجرب الأمزوني تراكم ظلمتوه وبقوه...

أخوي / عاشق المكاو

هلا بك يالغالي .....

ما احد ظلم الأمازوني أبد الا على العين والراس ياغاااااالي

بس الرجال حب يشتري طير رخيص وجيد

وأفضل شيء شفته وقريب من المواصفات اللي طلبها الرجال الإفريقي

اما الأمازون بالعكس أفضل من الإفريقي في الكلام وخاصة اليلو هد والدبل يلوهد ولكن شوف كم سعرها يبغالك تقسط لك سياره ولا ناوي تكسر ظهر الرجاااال

عموما :

انا سبق وقلت الناس اذوواق يا صاحبي واختلاف الرأي شيء طبيعي جدا وكل انسان على هواه ورأيك على عيني وعلى راسي .......

أخوي / عاشق المكاو

معذره لو شفت اساءة يالغالي

واخونا اللايق هو ابوها وبيسميها

مع تمنياتي للجميع التوفيق ،،،،،،

اللايق · 16-09-2007, 02:10 PM

الجاااااااارح

ردك وااااافي..

الف شكر على مرورك وعلى الردك الي اسعدني صراااحه

لكن معذرة بطول عليك..

ممكن صور عن الافريقي

تسلم..

اللايق · 16-09-2007, 02:12 PM

محمد الرياض..

هدي وطول بالك..

انا مررره ماعندي اي خبره فيها ولا اي معلومه...

عشان كذا سالتكم..

ولا ماعد تبغوني اسئل

اللايق · 16-09-2007, 11:24 PM

هل الافريقي..
هو الرمادي..

اذا كان الرمادي ابغى واااحد يصفر ويتكلم..

بكم سعره بالتحديد