استفسار بخصوص زوج كناري يرفض التزاوج
السلام عليكم
بسرد لكم القصه من بدايتها شريت كناري زوج مو مولف
المهم حطيتهم بقفصين منفصلين ولاكن بجانب بعض و ماشفت اي توالف بينهم طبع استمرت الطريقه
بها بعدت قفص الذكر حوالي ثلاثه متر و من بكره الذكر صار يغرد و بشكل متقطع
و كان فيه تجاوب من الانثى كانت تنفخ ريشها و ترفع ذيلها المهم حطيت لها خيوط خيش و ما استخدمتها ابدا المهم بعد يومين حطيت القفصين جنب بعض و كنت كل ما خش القاهم متعلقين جنب بعض توقع الوقت مناسب و دخلت الذكر و جلس ثلاث ايام لا انلف العش ولا شي و كان فيه شويه هواش
طلعت الذكر و ابعدت عن الانثى و بالخطا نسيت قفص الانثى مفتوح اليوم الثاني لقيت الانثى على قفص الذكر و متوالفين و ياكلون بعض حطيتهم سوى اربع ايام رجع هواش و بدون تزاوج للمعلوميه الذكر لما يكون في نفس القفص مع الانثى ما اسمع حسه يكتم
المهم فصلتهم قلت اقلها استمتع بتغريد الذكر لا انتاج ولا تغريد حرام انها الخساره بعينها هههههه
اليوم اطلقت الذكر و رراح على طول على قفص الانثى و الانثى متجاوبه من ناحيه نفش الريش و رفع الذيل و دخلتهم سوى
ممكن احد ينورني وش سالفت هذا الثنائي الغريب
لا يكون نظامهم تونا صغار خل نستانس هههههه
المهم ابي اعرف وش المشكله و وهل هم مستعدين للزواج وشكرا
|