بلبل وحشي (صيدغير اليف) يرفض الحريه ويفضل القفص

[كاسكـــو]

السلام عليكم

اليوم بكتب لكم قصتي الغريبه مع بلبل متوحش صيد غير اليف تم الأمساك به بالصدفه

من 8 شهور وانا طالع بالسيارة اقضي بعض الحاجات

فجأة وانا امشي طلع بوجهي طير مادري ايش هو وصدم بوجه السيارة ولمحته وهو يطيح عالارض

رجعت له واذا هو بلبل ابيض الخدين مغمى عليه واخذته على اساس انه ميت او مصاب

قلت بنفسي خليني افحصه ان كانه ميت الله يتوب علي بحاول ابعده عن الطريق

او اذا مصاب بحاول اساعده باللي الله يقدرني عليه المهم اخذت الطير معي وفحصته وصحىصح مافيه الا العافيه

سليم 100% قلت بربيه عندي شريت له قفص وحطيته عندي بالبيت

تم عندي 8 شهور يعني عندما دخل شهر رمضان المبارك كمل الطير 8 شهور

بسبب زحمة الطيور قلت خلني اخفف منها شي ابيعه وشي اطلق سراحه ومن ضمنها

البلبل اللي كتبت قصته الذي رفض المغادره اطلق سراحه بالشارع بعد لحظات احصله

داخل البيت وواقف فوق القفص هذا الشي الغير طبيعي ولا في الاحلام ههههههههه

صراحه حبيته ومسكته ودخلته القفص ثاني مره والحين محتفظ فيه

بصراحه ماقول الا سبحان الله بلبل وحشي غير اليف مصيود يرفض الحريه ويرجع لقفصه !!

[بلاك بيري]

سبحان الله طير ويحب سجانه لا تلومه يا عسل

[خالد الكاظمي]

يجوز اصبح اليف وتعود عليك وتعود على البيت والقفص
لهذا السبب لا يريد ترك القفص يريد الاستمرار معك
فجزاك الله خير في مساعدته وارجاعه مره اخرى الى القفص

[al_ameer707]

سبحان الله كما هو معروف لدى البلابل انها اجتماعيه وتحب من يعتني بها ويهتم بها ولاتنسى جميل صاحبها

[طه الجزائري]

أخي العزيز 8 أشهر تجعل البلبل ألــــــــــــــــــــــــــــــــيف

حيث يعتبر القفص بيتا و موطننا له كالشجر لإحتوائه على الغذاء و الشراب فلا يعتبره سجن.

أما عن حالة رجوعه من الشارع حتى القفص فهذه حالة غير إعتيادية و جميلة بنفس الوقت

فسبحان الله

[الجسآس]

سبحان الله 8 اشهر تكفي ليكون اليف

[ملك الحيوانات 2010]

سبحان الله

[just4lovers]

ماشاء الله يعني هالدنيا كل شي فيه معكوس
وحشي تخليه برا يرجع ثاني هذا النوع نادر جدا
وتشتريه اليف ويروح من غير رجعة
ومشكور ع القصة الحلوة يا اخوي
والله يحفظه لك

[mwanee]

اخواني اللي يعرف طائر البلبل ماراح يستغرب هالتصرف منه... طائر البلبل من الطيور المخلصه جدا لصاحبها وخصوصا الشخص اللي يغذيها يوميا... بالنسبه لي طائري البلبل يطلع بالحوش يطير مع باقي البلابل ويرجع عند المغرب ودائما يجيب معه 3 الى 5 بلابل غير اليفين .. احط لهم اكل ومويه ياكلون ويطيرون واهو يرجع... من 3 شهور تقريبا جاب معاه انثى دخلها القفص بقت معاه اسبوعين وبعدها طارت ومازلت اراقبهم يروح لها عند الشجره... المهم تراي قمت ما اخليه يطلع اخاف ما يرجع لي

[طه الجزائري]

المشاركة الأصلية كتبت بواسطة mwanee

اخواني اللي يعرف طائر البلبل ماراح يستغرب هالتصرف منه... طائر البلبل من الطيور المخلصه جدا لصاحبها وخصوصا الشخص اللي يغذيها يوميا... بالنسبه لي طائري البلبل يطلع بالحوش يطير مع باقي البلابل ويرجع عند المغرب ودائما يجيب معه 3 الى 5 بلابل غير اليفين .. احط لهم اكل ومويه ياكلون ويطيرون واهو يرجع... من 3 شهور تقريبا جاب معاه انثى دخلها القفص بقت معاه اسبوعين وبعدها طارت ومازلت اراقبهم يروح لها عند الشجره... المهم تراي قمت ما اخليه يطلع اخاف ما يرجع لي

و الله أخي قصتك رائعة جدا و جميـــــــــــــــــــــــــــــــــلة أذهلتني و الله