الطريقة نجحت ولكن.....

[H.B.H]

السلام عليكم
أنا من كم اسبوع كنت حاطة سؤال على أن البيض مو راضي يفقس ومنا ومناك سألت ولا في أمل البيض ما فقس وتركته بالعش قلت يمكن يوم من الأيام يفقس لمن جا يوم 18 من الرجن وشفت بالعش بيضة منكسرة والصفار مو مستوي فيه شيء ومن بعدها خلاص شلت البيض كله واحتفظت فيه كذكرى لأول محاولة تفريخ وجاتني النصايح بأني أفصل بين الأزواج لمدة أسبوعين وطبقتها وعطيتهم الفيتامينات والجرجير والبيض وأبد ما خليت شي وما سويته لهم ومن بعد ما رجعتهم ظلوا يمكن حوالي أسبوع أو أسبوعين ومن بعدها الزوج اللي جاب 4 بيضات من قبل جابوا 6 والزوج اللي ما جاب بيض من قبل جابت بيضتين والثالثة كسرتها بس الزوج اللي توه جايب بيضتين مو راضي ترجن على البيض فهل في فايدة لو شلت البيض وحطيته تحت الزوج اللي راجنة على البيض؟؟؟يعني ما في مشكلة تصير بأنها ترجن على 8 بيضات؟؟

[B0B]

اخوي اول شي. افحص البيض اذا كان ملقح حطه تحت الزوج الي راجن
اذا كان مو ملقح ارم البيض

[H.B.H]

بس مشكلة إذا لمست في البيض وحركته كثير لأن مرة في زوج مسوين لهم عش من الخيوط وحاطينه فوق العش الأساسي (الخشبي) شلت عشهم ونظفت القفص ورجعته لهم في نفس المكان بس يومين إلا هم مطيحين العش ومسوين لهم عش ثاني قلت يمكن تصير ريحة يدي بعشهم وخربوه أخاف أشيل البيض وأحطه تحت الراجن وبعدين تترك البيض كله

[H.B.H]

والحل يا جماعة؟؟؟ أخلي البيض ولا أشيله واحطه تحت الراجن؟؟

[أبو أمينة]

صباح الخير

الأخ الفاضل :-

يمكنك وضع البيض اذا كان ملقحاً ، ولكن هناك عامل مهم وهو بان يكون توقيت وضع البيض قريب جدا من وضع البيض للزوج المراد وضع البيض تحته ، دمت بود .


تقبل مروري

أبو أمينة