حشرة غريبة

[نوديوس]

السلام عليكم أعزائى القائمين على المنتدى :
بجد مجهود رائع. هو أنا كان عندى كام استفسار كدة
هو أحدث حاجة انى شفت حشرة سوداء أو بنى فى شعر القط بتاعى، هو قط شيرازى عمره 7 أسابيع تقريبا، الحشرة كانت بتمشى بسرعة بس مش بتنط، يعنى مش عارفة هو البرغوت ممكن يمشى؟أنا حميته و شطفته بديتول مخفف بمياه و نشفته بالسيشوار ،أنا بس ما عرفتش ألاقيها تانى، و بسرحه بفرشاه سلك بتاعة القطط، هو جالى من 10 أيام بس و أنا عارفة ان كان عند صاحبته قطة عندها مشكلة فى ودنها فى الوقت ده
و لو مش برغوت تبقى ايه، هو ودنه ممكن يكون فيها شمع بسيط بس مش بيهرش فأنا مش عارفة تكون من ودنه، طب أعرف ازاى؟
و القطة التانية عندى كنت جايباها من أكتر من شهر كانت فيها براغيت و بعدين كل أسبوع تقريبا يجيلها اسهال و ترجيع و أروح بيها للدكتور والمشكلة ان الدكتورة قالتلى ان مشكلتها انها اتفطمت بدرى و مناعتها ضعيفة، و بعدين شعرها وقع من ورا ودنها و بعدين من تحت بطنها و طلع تانى بس ورا ودنها خفيف جدا تاخد علاج و بعد ما يخلص ترجع تانى، و فى مرة كان ترجيع متكرر مع الاسهال و تعبتنى، والخميس اللى فات رجعت فجأة و بعدين جالها اسهال بعد 5 دقايق حت ما قدرتش تلحق تحفر و تدفنه، هو أنا بصراحة ما قدرتش المرة دى أخدها للدكتور اديتلها فلاجيل لحد امبارح بالليل، و الحمد لله بطلت اسهال النهاردة و يمكن أول مرة أشوف برازها متماسك من يوم ما جبتها، هو ممكن تكون عندها ديدان عشان كدة ده بيحصل لها؟ بجد حاسة بالخوف عليهم جدا

[شاهستا]

وعليكم السلام ورحمه الله

اهلا بيكى

بالنسبه للحشره ده برغوت فعلا بس مينفعش ابدا ابدا تستخدمى الديتول لانه مسمم للقطط

الافضل دلوقتى تاخدى القط وتحميه من جديد عشان لو لحس شعره هيتسمم

وحل البراغيت سهل جدا وهو استخدام الريفوليشن فى ريفوليشن للقطط الكبار

وفى ريفوليشن للكيتن وبجد حل ممتاز وسريع

اما عن قطتك الصغيره الاسهال والترجيع ممكن يكون سببه البرد خليها فى مكان دافى

اكليها زبادى وبطاطس مسلوقه وفراخ مسلوقه ولو جالها اسهال تانى اديها 1 سم انتينال لاطفال

ولو رجعت اكتر من مره فى اليوم اديها 1 سم موتيليوم لاطفال مره فى اليوم

وبالنسبه لشعرها الى واقع شوفيلى ودانها من جوه عامله ازاى يعنى نضيفه ولا فيها حاجات سوده كتيرررر

ولما بتنضفيها بترجع تانى على طول ولالا

وياريت صوره للشعر الخفيف عشان نحدد اذا كان فطريات او لا

[نوديوس]

شاهستا هو أنا بحاول أرفع صورة للقطة اللى شعرها وقع دى بس لسة مش عارفة

[شاهستا]

اتفضلى اللينك دة هيفيدك

http://www.2zoo.com/vb/showthread.php?t=255084

[نوديوس]

شاهستا بجد أنا أسفة تعباكى معايا بس مش عارفة أرفع الصورة ازاى من على الجهاز بتاعى، و القطة اللى شعرها بيقع دى ودنها نضيفة

[شاهستا]

ولا يهمك امشى على الخوات الى بعتهلاك فى اللينك دة وهتعرفى تحملى الصوره ان شاء الله

[نوديوس]

[/IMG]
الصورة دى كانت من أسبوعين الشعر دلوقتى طلع أتقل بس لسة قصير عن اللى على ضهرها، بس لما بسرحها بيطلع فى الفرشاة كتير، ممكن تكون عندها ديدان؟
و لا نقص فيتامينات عشان مفطومة بدرى

[نوديوس]

[شاهستا]

لاسف الصوره مش ظاهره

ممكن يكون عندها ديدان هى عمرها اد ايه بالظبط ؟
والفراغات الى فى شعرها كان فيها قشور ولالا وهل خلاص مبقاش فى فرغات ولا لسه موجودة ؟

[نوديوس]

يا رب تكون الصورة واضحة