أرجو المساعده في فرخ الرمادي

[majid222]

إلى الأعضاء المحترمين السلام عليكم
أنا شريت فرخ رمادي أمس الخميس من القطيف عمره شهرين طبعاً هذي أول مره في حياتي أشتري ببغاء وراعيه يقول أنه تفريخ الأحساء مزرعة القطان على ذمته. وحاولت أرفق لكم صورته لكن كل ماأجي أرفع يقولي تجاوزت الحد المسموح مع إني ضغطت الصوره وصار حجمها 14 كيلو مع أن الحد المسموح 19.5 كيلو؟!
أنا اشتريته بناء على توصية أحد الزملاء قال لي خذ لك فرخ وتربيه على كيفك وطرت بالعحه على طول.
ومايجعر كثير وبسرعه يسكت إذا دخلت يدي وحطيتها قدام منقاره طبعاً مايعض يدي.
وأثناء تصفحي هذا المنتدى الرائع قرأت مواضيع كثيره خوفتني أن الرمادي احتمال كبير إنه يموت مهما سويت وأعتنيت فيه؟!
فبماذا تنصحوني هل أبيعه ولا أخليه؟ وإذا بعته اش السن المناسب لشراء الببغاء.
وإذا خليته اش هي الطريقة الصحيحه لأكله لأن اللي شريته منه قالي هو ياكل الفول السوداني والذره لوحده ولكن يجب أن تعطيه سيريلاك من 3 إلى 4 مرات باليوم عن طريق الأبره. هل هذه المعلومات صحيحه؟ وهل عادي لو كل يوم أكله شخص مختلف أم يجب أن يكون شخص واحد فقط هو اللي يأكله؟
عند رقبته وصدره مافي شعر هل هذا الشي عادي عشانه صغير ولا أنه مريض؟
وماهو السن المناسب لتدريبه للطلوع على اليد؟ وهل أخليه دائماً بالقفص أم أطلعه فوق؟ وهل وهل ...... الخ
ودرجة الحرار ومرات تنظيف القفص.
ماهي الطريقة الصحيحه للأعتناء به لأني مابيه يموت علي وأتحمل ذنب.
وهل الببغاء يمكن أن يصاب بأنفلونزا الطيور؟
أرجو مساعدتي ولاتبخلوا علي بنصائحكم ياأهل الخبره وآسف على الإطاله.
وتقبلوا تحياتي...
أخوكم ماجد

[أسير الأفريقي]

الاخ ماجد يا هلا بك والله ونورررر المنتدى

وعله بالمبارك انشاء الله ياليت انك نزلت صورته اقل شي كان عرفنا شو مشكلته بالظبط
على كل حال الببغاء الفرخ يحتاج عنايه خاصه جدا الى ان يعتمد على نفسه.
ولا اشوف ان فيها مشكله لو اطعمه اكثر من شخص بالبيت بالعكس يوالف بسرعه على الناس
واطعمه مبدائيا سيليلاك لما يقوى شوي او ذره مطبوخه اهم شي كل ما اطعمته كل ما كبر بسرعه واعتمد على نفسه .
وبالنسبه للجعر فطبعي جدا جدا ومع الوقت بيوقف .
وبالنسبه للنصيحه اذا تأكدت ان صحته اوكيه خله معك وربه ورايح يسعدك لأن موضوع الريش ما يطمن اخاف انه من المجوعه اللي شفتها بسوق الدمام الحساسيه ماكلتها اكل .انشاء الله يكون سليم

والببغاء والحمام على حد علمي انها ما تصاب بانفلونزا الطيور . والامراض من رب العالمين

وتقبل تحياتي

وحاول تحمل صورة فرخك من هذا الموقع
http://up.uaefiles.com/signup.php

[majid222]

إلى الأخ أسير الأفريقي
أشكر لك سرعة ردك وتواصلك ومشكور وماقصرت والله يعينا عليه بنطول بالنا عليه وبعامله زي أخوي الصغيرهههههه. وبأهتم بأكله ونظافته. وإنشالله أنه يعيش. دعواتكم.
وياليت حد يشرح طريقة رفع الملفات لأني حاولت ودايم يكتب لي تجاوزت الحد المسموح على الرغم من أن حجم الملف سته كيلو فقط.
ولكم تحياتي.

[bin dubai]

هلا اخوي انا بعد قلت بشتري ببغاء تربية مزارع طبعا فرخ خفت وبعد حصلت كاوكاتو فروخ بس اخاف اشتري ويموت المواضيع خوفتني والله

[كحيلان]

والله من كلامك مبين انك جديد وشكلك بتتعب معه

انت المفروض تشتري فرخ كبير يعني فوق 8 شهور هذا انسب شي

والله انا اشوف انه 90% بيموت عندك والله اعلم لاتقول حطمتني انا مارح اجاملك الفرخ حساااااااس مرررره وتغذيته في هذا العمر تتطلب اطعمه خاصه مرتبه وموزونه لانه صعب تعويض اكل الام في هذا السن

عموماً اذا تبي تستانس خذ تفريخ مزارع موثوق منه وفي سن اكبر من كذا 8 الى 10 شهور هذي تكون اجتازت مرحلة الخطر وتكون مروضه ماتحتاج تتعب معها كثير واتوقع تكون محصنه ضد الامراض اذاكانت من مزارع محترمه ويمدحون الهولنديه
طبعا اسعارها العاده فوق الالفين لكنها انسب مواصفات للتدريب والتربيه واذا ماتبي تربي ولا انت هاوي تربيه فزدها شوي وخذ لك مدرب جاهز بعمر سنتين وحولها

بالنسبه للي عندك حاول تبيعه اذا تهمك قيمته كثير واذا ماتفرق معك فجرب يمكن تتوفق معه ويطلع فلته زمانه اهم شي لايتعرض للهواء بتااااااااااااتاً والتفاصيل تلاقي المنتدى مليااااااان منها

[الطاير]

وعليكم السلام ورحمة الله ...

مرحباَ اخ majid222

الف الف مبرووك ع الطير مررة اخرى ...
بصراحة انا مالي ابداَ في تربية الفروخ ....
لانها صعبة ويبغالها واحد متفرغ ...


لاكن عن درجة الحرارة ...
حاول انك تبعدة عن تيارات الهواء ... وعن البرد القوي ... (( عدل الترمستات حق المكيف ..))

واما عن داخل او خارج القفص ... ما اعتقد تفرق .. لاكني افضل خارج القفص .. وملاصق فيك بالزبط ..
وانت تقرى جريدة .. وانت تشتغل ع النت .. وانت تشوف تلفزيون ... خله دايم قريب منك ..
وبأذن الله ماتشوف منه الا كل خير ...

وابغى اضيف
لو انك حطيت الموضوع هذا في قسم سوال وجواب لوجدت تجاوب افضل من الاخوان ...

وننتظر اخبارك والنتايج معاك يالغالي




تحية
الطاير

[Mr. MeMo]

اخي الكريم


كما ذكر الاخوان الفروخ تحتاج الى عنايه كبيره
و ليست بمستحيله طبعا و تستطيع الاعتناء به
ان كان لديك الرغبه ان شاء الله

بخصوص الوجبات يفضل استخدام السيرلاك و الخضروات المسلوقه
بعد هرسها

و مشكله الفروخ يتعبها كثيرا تغير الاجواء و التيارات الهوائيه المفاجئه
فأرجو اخذ الحذر من اجهزه التكيف حيث اننا مقبلين على فصل الصيف
الحار

و بخصوص تحميل الصور اليك هذا الرابط سوف يفيدك كثيرا ان شاء الله
http://www.2zoo.com/vb/showthread.php?t=11334

و اتمنى لك التوفيق

[majid222]

الأخbin dubai
أشكر لك مرورك وردك.
وتقبل تحياتي

الأخ كحيلان
أشكر لك مرورك وفعلاً أنا جديد وبيني وبينك سالفه تقعد تأكل فيه 4 مرات باليوم الواحد ماأكل نفسه عشان يأكل غيره.
وبصراحه أنا قررت أبيعه وباخذ بنصيحتك بس إنشالله ألاقي واحد عمره 8-10 شهور.
والله الفلوس مو هم لكن أخاف يموت وأتحمل ذنبه.
تحياتي

الأخ الطاير
الله يبارك فيك. وفعلا الشغله يبغى لها واحد متفرغ بالعربي أطفال والمشكله أنا أصغر واحد آخر العنقود وعمري 27.
الغريبه لمن الشغالات يأكلونه يصرخ وإذا جى عندي يسكت على طول وبصراحه الواحد مشغول وأنا قررت أبيعه وأخذ أكبر منه.
وبالنسبه للموضوع ماكنت منتبه إن فيه مكان حق سؤال وجواب.
تحياتي


الأخ Mr.Memo
أشكرك على ردك ونصائحك.
وأشكرك على الرابط
تحياتي


أخوكم ماجد