اشترك في نشرتنا البريدية ليصلك كل جديد

العـامـودي · 10-08-2011, 06:10 AM

سلااااااااام عليكم ورحمة الله وبركاته...
تحية طيبة للجميع..:-- احد يكتب موضوع هالوقت 6 الا ثلث الصباح.. المهم

بداية ً..
شكري وتقديري لجميع اداريي ومشرفي الموقع.. واعضائه المحترفين والهواة جميعا ً على مجهوداتكم ومشاركتكم خبراتكم في تشجيع هواية تربية الكائنات الاليفة بشكل عام.. والببغاوات من خلال هذا القسم بشكل خاص.. وكلي شرف بالانضمام للمنتدى .. وأمل في الافادة ..ومشاركة الخبرة.. <-- توك جديد وش هالطموح..!! وحماس لهالهواية..

<-- اخلص مع مقدمتك هذي..

طيب.. نجي دغرري للموضوع..

امسس.. قدررر الله عليي.. ودخلت محل طيور لأشتري كيس علف لطيور بيت عمي..
المهم.. والعامل يحمل الكيسس للسيارة.. وانا معاه.. وقلبي باقي المحل..

أسررته دررة صغنطوطية جدا ً هادئة ولطيفة..

عجبتني..حبيتها من اول نظرة.. فحتوتة مأنتكة كذه.. المهم قلت له هذي..!!
قال ايش..!!
قلت هاتها..! <--مافي اسلوب..!!
وانا اللي اعطيه الحساب واضرب الباب..

ومن زود العشق والحب من اول نظرة والحب اعمى وهالكلامات..

نسيت و رجعت له مرة ثانية..!!
نسيت اخذ اكل للدرة.. هات احسن نوع.. قال خذ.. واخذته .. ومكتوب على العلبة باكبر خط..وبولد عاده.. الكروااااااااااااااااااااااااااآااااااااااااان..!! بس قالي زييين ويجي.. قلت يجي سلام عليكم..!!

طيب.. <-- وين موضوعك يالخايس للحين.. احسه بينحذف من هالمقدمات..!!
نجي للمهم..

اول شيء..
باركوا لي..!!

ثاني شيء.. سموا عليها.. تراني حبيتها وسميتها ... <-- مستحي يقول الاسم

اظن صامطة اسم زين..!

اما عااد اخر شيء يطلع ذكر.. ههههههه بنسميه صامط.. وليس صامت..

لا لا امزح معكم.. مافكرت بـ إسم لسه.. :$
عاد كل واحد يدخل الموضوع يطرح لي اسم.. بس بعد ثالث شيء..!!

ثالث شيء..
هذي.. أنثى..؟
او هذا ذكر..؟

لاينط لي واحد يرمي لي لستة مواضيع حقت فحص الدي ان ايه.. ولا عينة دم..

اوالعلامات.. ابشركم.. لفيت القسم والمواضيع المثبتة..

وقريت مواضيع ياكثرها.. اللي يقول حدقة العين سودا واللي يقول حولها عنق اسود..

وتضاربت الاراء..

رابع شيء..
كم عمرها او عمرهـ..؟ وعلى اي اساس نقدر نحدد..؟

وشغلة الفصيلة او المنشأ.. قريت ان في هندي ونيبالي.. واظن افريقي.. ايش الاختلافات الوااااااااااضحة والقاطعة بينهم.. وأيهم دررتي اللطيفة..؟

خامس شيء..
اتمنى من الخبراء.. سكر سيدهم.. والبقية ممن لم اعرف بعد من اصحاب الاختصاص والمعرفة..
ارشادي بالمختصر اللطيف والفعال في تهدئة وتأنيس هالدررة الـ دررة..
وياليت اصحاب التجارب السباقين بهالمجال يفيدون بطرح تجاربهم قدر المستطاع..

سادس شيء..
هذي الصور..
والسمووحة.. ادري يمكن ولا وحدة واضحة..ههههه شسوي هي من اقررب لها تقعد تنطط والجالكسي.. عفوا ً الكاميرا اي كلام..

بس دخلت يدي بمنشفة وطلعتها وصورتها كم صورة ان شاء الله يكونون واضحين..

الله يحفظكم ويسعدكم.. كل صاحب معلومة وافادة يساعدني..

تراني متحمس مررة وابغاها من اصفر لها مدري له..يجيني من اخر البيت :$
<-- شكلي أحلم

العـامـودي · 10-08-2011, 06:12 AM

صورة من بعيد... تبين حجمها..

صورة ان شاء الله تساعد في تحديد الجنس والفصيلة والعمر..

محبة ,الكوكاتيل · 10-08-2011, 06:28 AM

الدرة ذكر
وعمرها مو مبين بالصور
بس اتوقع 7 - 6 شهور
السبب [ ذيلها مو طويل والطوق ما اكتمل
لصغر سنه ] ونوعه
هندي
اتمنى اكون افدتك
مودتي

صوغة · 10-08-2011, 06:31 AM

وعليكم السلام

اولا مبروك عليك هالمزيون

والله يحفظه لك وتفرح بانتاجه

ثانيا

هذا ذكر وصل لسن السنتين

والدليل الطوق الاسود حول عنقه ما يطلع الا للذكر عند السنتين سن البلوغ

نفس درتي

ودرتك افريقية لانه واضح من لون المنقار

اولفروق بين الدره الافريقى والدره الهندى بسيطة

1- الدرة الافريقية لون المنقار احمر يميل الى السواد والهندية احمر ما عدا الانثى اسود محمر
وايضا منقار الهندية اطول من الافريقية
- 2طول ذيل الهندية عن الافريقية بحوالة 5 سم
3- طول رقبة الافريقية وبعدها عن الرأس اكبر من الهندية حيث رأس الهندية غاطس بعض الشئ فى الجسم
4- تميز الهندية فى التكلم عن مثيلتها الافريقية وتعاونها مع الانسان فى التدريب وسهولة التعامل معها
5- يعتبر طائر الدرة الهندى الاكثر ذكاءا من نظيرة الافريقى

الدرة النيبالية تختلف تماما عنهم

وبالنسبه للترويض تو الناس

اتركه اسبوعين ولا شهر مدلع أكل ونوم ومراقبه لكم لين يرتاح ويطمن لبيته الجديد

استخدامك للمنشفه ومن اول يوم راح يخليه يكرهكك

لا تستعجل عليه

وآخر حاجة القفص مايصلح له نهائيا

لان هذا قفص عصافير

هات له قفص ببغوات بباب وفتحة من فوق ممكن بعدين يصير استاند لتروضت

وموفق

العـامـودي · 10-08-2011, 06:33 AM

يالله حييها..اول رد..نشووف

اقتباس:

المشاركة الأصلية كتبت بواسطة محبة ,الكوكتيل

الدرة ذكر
يعني صامط..!
طيب وين شورك وش الاسم اللي يناسبه..

وعمرها مو مبين بالصور

ما اختلفنا.. ان شاء الله العباقرة جايين بالعلم
بس اتوقع 7 - 6 شهور

ظنك سهلة الترويض والتدريب..وبتتقبل التعامل البشري بسهولة بهالعمر يعني..؟
السبب [ ذيلها مو طويل والطوق ما اكتمل
لصغر سنه ] ونوعه
هندي

اجل هندي... طيب وش رايك وش يعني زين ولا متوسسط..؟

اتمنى اكون افدتك
مودتي

مشكووووووووورة ع الافادة

العـامـودي · 10-08-2011, 08:45 PM

ياجماعة تقريبا 80 مشاهدة قبل نقل الموضوع من االعامة الى هنا..
وهنا 59
ولا احد حاب يضيف اي افادةاو شيء..
لو تباركون بس.. :$

~~ابوغزل~~ · 10-08-2011, 08:50 PM

ههههههههههههههه

مشالله طريقه وصفك للدره رائعه

الف مبروك عليك حبيبي وتتربى بعزك

تقبل مروري ابو غزل

حبتيييييييييييييييييييييييييييييييييييييييييييييييييييييييييييييييييييييييييين

Roomey · 10-08-2011, 09:49 PM

على البركه الدره يتربى في عزك

انا ماعندي خبره فيهم بس كبر له القفص خله يطير وياخذ راحته

صوغة · 10-08-2011, 10:26 PM

اقتباس:

المشاركة الأصلية كتبت بواسطة العـامـودي

ياجماعة تقريبا 80 مشاهدة قبل نقل الموضوع من االعامة الى هنا..
وهنا 59
ولا احد حاب يضيف اي افادةاو شيء..
لو تباركون بس.. :$

وردي ثاني رد مخفي مو باين؟

؟؟؟؟؟؟؟؟؟؟؟؟

محبه القلوب · 10-08-2011, 11:02 PM

اخوي هذا ذكر والعمر صغير بنسبه للعين رمادي صح؟؟
ونوعه مااعرف كان عند اخوي مثل كذا وطار بسبتي هههههههه اجرام
واما بنسبه اسم موحلو حقك سمى مثل (عسول -حبوب-سكر-حب من نظرة الاولى ههههههههههه -برهان كان عندي ببغاء الرمادي وسميته برهان وطلع بنت وسميتها برهانه الله يذكرها بخير وطارت والحين عندي ذكر واسمه سدوم