عندي سوال اتمنى الرد عليه

[عـــاشق الكاسكو]

السلام عليكم ورحمة الله وبركاته
كيفكم انشاء الله كلكم بخير
انا الان مبتدى في الفوتيشوب
وعندي سوال ابي احد يجاوبني
انا البرنامج الي عندي عربي وابي اضيف صورتين فوق بعض يعني اجيب صوره وحاط عليها صوره
اتمنى يكون الجواب مدعم بالصور

[amer bieber]

أنت قصدك دمج الصور شوف هذا الفيديو يمكن يفيدك..

[Elham]

وعليكم السلام ورحمة الله وبركاته

شوف اخوي اذا الصور من النت موب محفوظة بجهازك ..

حول لغة جهازك الى الانجليزية من شريط ابدأ

بعدين روح لصورة الاولى واضغط رايت كليك واختار نسخ الصورة

بعدين رد افتح الفوتوشوب وتاكد انه اللغة مال الجهاز هي الانجليزية

بعدين اضغط CTRL + V

وكرر الخطوة ويا الصورة الثانية بتلاقي الصورة الثانية صارت فوق الاولى

وبتلاحظ انه كل وحدة منهم في طبقة بروحها في نافذة الطبقات

الي تيي على اليمين ولو ماكانت عندك تقدر اتطلعها من Layers <-- Windows

بالعربي النوافذ --> الطبقات

حط يمها علامة صح وبتظهر لك ..

وحط اببالك شغلة الصورة الي تبي تشتغل عليها لازم تضغط على الطبقة الي اهي فيها

يعني اتحددها وبتصير باللون الازرق قبل لا تبدء تشتغل عليها

اما لو الصور عندك عالجهاز

افتح ملف --> يديد واختار المقاس لي يناسبك

بعدين ملف ---> فتح وافتح الصورتين

بعدين هم تاكد انه لغة الجهاز انجليزية

وحط على الصورة الاولى واضغط Ctrl + C

بعدين روح لمساحة العمل اليديدة واضغط CTRL + V

وكرر الخطوة ويا الصورة الثانية وهم بتلاقي كل وحدة صارت ابروحها بطبقة


وطبعا في طريجة ثانية انا شرحتها ابدرس سابق .. هذه اهي

ماعليك من الدرس بشوف طريجة وضع الصورة .. وتقدر تطبقها بوضع صورة على صورة

احين مثل مانتو شايفين الصورة ذي تبين لنا ..

مال مساحة العمل اليديدة ومال الصورة الاصلية ..

احين بنحط السهم على مال الصورة الاصلية وبنضغط على السهم وبنسحب الصورة .

احين عقب ما سحبنا الصورة بالسهم صارت جذيه ..

احين بنحط السهم على الصورة وبنضغطه وبنسحب الصورة الى مساحة العمل

مثل مالصورة موضحة ..

بالتوفيق "

[عـــاشق الكاسكو]

اخت ايهام تقصدين اني اول لغة الجهاز ام البرنامج

[Elham]

تم الرد على الخاص