التزاوج .. مطلوب آراء خبراء

[أمازون]

السلام عليكم و رحمة الله و بركاته

تشرفت بالالتقاء بالاخ سعود من المنتدى ، حيث كان واضع اعلان مطلوب ذكر للتزاوج و انا طبعا الذكر اللي عندي كان جاهز و هو حسب كلامه ان قطوته جاهزه بسبب علامات دوره الشبق .

أخذت القطوه عندي في البيت، عشان الذكر اللي عندي يكون هو المسيطر بشكل أكبر بما ان البيت منطقته فما راح يواجهه مشاكل .

خليت القطوه في قفصها و الباب ما فتحته و جبت القط الذكر يشوفها ، طبعا صار تنافر من اول شي و هذا شي طبيعي و أصوات غريبه اول مره اسمعها من قطي

انا كنت بين القطوتين عشان لا يصير اي مشكله و قريب منهم ، بعد شوي هدأو شوي و فتحت باب القفص و لكن الانثى ما طلعت و الذكر يحوم و يدور حول القفص و هو يطلع أصوات غريبه و قويه ، أعتقد هذي دلاله على انه يبي يخضع الانثى اذا ما انا غلطان و يفرض سيطرته ،،، الانثى ظلت في حالة دفاع داخل القفص ، بحيث انها لفت ذنبها حولها و تطلع اصوات ايضا ، بعد ساعه من هالكلام ، مازال في اصوات يصدرها الذكر و يحاول يقرب و لكن اذا قرب كثير الانثى تطرده بقوه ...

الآن صار تقريبا ٤ ساعات و الانثى لسه جالسه في مكانها ما طلعت من القفص ولكنها جالسه و مسترخيه ، و الذكر ايضا مسترخي بعيد و نامو شوي هههههه ، حاول الذكر من جديد يقرب و لكن الانثى تصده و اذا صدته هو يطلع اصوات بقوه و يخليها تجلس مره ثانيه مسترخيه <<< عاد انا مستانس من الفحل اللي عندي هههههههههه

ماراح اخليهم سوا الليله ، لاني بنام و اخاف يصير شي بصراحه ، و القطوه امانه عندي مابي اي شي يضرها .

المطلوب أبي آرائكم شباب ، كم يحتاج اصبر اكثر ؟ هل لو استمر هالحال الى يوم زياده معناها الانثى مش جاهزه او الذكر مو جاهز؟ أم ان الوضع طبيعي و عادي اتركهم و اخليهم بروحهم ؟

انا أكثر شي شايل همه هو تصير مشاجره كبيره و تضرر القطوه ، و هذا شي ما أبيه نهائيا ، لهذا احتاج لنصائحكم بخصوص هالمسأله بشده و بالاخص اللي مجربين تزاوج من قبل .

[دلوعةقطوتي]

المطلوب أبي آرائكم شباب ، كم يحتاج اصبر اكثر ؟ هل لو استمر هالحال الى يوم زياده معناها الانثى مش جاهزه او الذكر مو جاهز؟ أم ان الوضع طبيعي و عادي اتركهم و اخليهم بروحهم ؟

ممكن يستمر هالحال كم يوم لحد مايتعارفون لانهم غريبين على بعض ولازم شوي هوشات ومضاربات
قصص اظافرهم احتياط
انا أكثر شي شايل همه هو تصير مشاجره كبيره و تضرر القطوه ، و هذا شي ما أبيه نهائيا ، لهذا احتاج لنصائحكم بخصوص هالمسأله بشده و بالاخص اللي مجربين تزاوج من قبل
كل القطاوه لما تتقابل وهي جديده تتهاوش وتتضارب ومرات تخلص فتره الشبق وهم ماتزاوجوا على حسب الانثى فيه انثى بسرعه تتاقلم وفيه لا
بس اهم شي اذا تبي الحمل انهم يتزاوجون في اول اربع ايام طلب الانثى عشان البويضات ويتم التلقيح
ان شاءالله بكرا يكونون تمام وتاقلموا على بعض انت خلي الانثى بالقفص لو كبير وخلي عندها الليتربوكس والاكل والمويه وسكر عليها وخلي الذكر بنفس المكان بحيث يكونون سواء بس مايقدورن يتضاربون ومن هنا للصبح يكونون تعودوا على ريحة بعض وطلعهم سواء وان شاءالله يتزاوجون

[الخبيرة ناديا]

ماقصرت دلوعه يعطيها العافيه ..

ولازم تطلع الانثى من البوكس واتركها مع الذكر بغرفه مغلقه ..مع تقصيص اظافر الاثنين..

وواضح ان القطه خايفه ويبغالها وقت طويل حتى تتأقلم مع الذكر ..وممكن تاخذ من ثلاث ايام الى خمسه ايام

وبعدها راح يتم التزاوج ..

الان فقط تعارف ومضاربات بينهم..

ولو ان القطه من النوع العنيد والخواف ..فراح تاخذ وقت اطول بكثييير حتى لو هي طالبه تزاوج..

الله يعينك ..

[أمازون]

الف شكر لكم على المعلومات

اليوم الصباح مازال في خوف و لكن احس انهم بدأو يتأقلمون , الانثى طلعت تاكل و الذكر يراقبها و لكنه مازال يطلع اصوات من حنجرته , الانثى قامت تعمل حركات منها تمديد اطرافها الاماميه ة رفع الظهر و الذيل و حاولت تتقرب من الذكر و لكنه خاف منها و هرب , رجع لها مره ثانيه و حاول يتقرب و لكنها هي هالمره خافت ههههههههههه

أحس دوخه التزاوج و الله , بس راح اصور كل شي ان شاء الله و نرتبه بموضوع هنا للفائدة العامة

[لولي100]

للحين مطولين اخوي لازم تنتظر ..
انا قطوتي جداً خوافه وعنيده وتخيل جلست اسبوعين على ماخلته يزاوجها

يعني راحت فترة تزاوجها ورجعت والذكر عندي وبعدين خلته يزاوجها ..

ومضاربات وهواش وحوسه كانت بينهم بالاول
ماعليك خلهم سوا بس الى مالا نهايه بعدين اهم يدبروا نفسهم