DuDu ~> قطي =)

[آنسة مياو]

السلام عليكم ورحمة الله وبركاته ..



هذي أول مشاركة لي بالمنتدى .. و حبيت تكون هنا
بما أني أحد هواة القطط


طبعاً هذي أول تجربة لي مع قط
بنفس طبيعة " دودو " ~> اسم قطي اللي بالتوقيع :P ..

زمان ربيت قطتيين ..

وحده من قطط الشارع لاقيتها وهي صغيرة
فتعودت علي .. لكن لكونها من الشارع مابقت عندي
لفترة كبيرة =\

القطة الثانية سياميه .. أبداً أبداً ماحبيتها =\
راعية طلعات و شردات =\ .. لانها كبيرة
و عمرها كان سنتين فكل مرة كانت تشرد لكنها
ترجع من نفسها إلا المرة الأخيرة خرجت ولم تعد



أول شي نعرف على ولـدي دودو ..



ابن قطة ربيعتي
اشتريته منها اول ما كمل 4 شهور
شيرازي مون فيس .. ابيض الحين عمره 5 شهور

الكل يحبه بالبيت و ملقبينه " سلوم "
لانهم ينادوني أم سالم :P

حركي و نشيط و المشكلة انه بسبب هالطبع بسرعة يتوسخ =_="
بما أنه ابيض .. فأضطر أحممه كل اسبوعين =\

يحب شي اسمه كورة .. ودوم يلعب فيها

للحين ماوديته البيطري و هذا الشي مسبب ازمة لي
لكن اظن اليوم او بكرة بوديه

أأكله .. تونه ، دجاج ، سمك ، لحم

و مرات أأكله whiskas بس مب كثير ..

حبيت أسألكم .. =)

يعني لازم نفرش أسنان القط ؟
و اذا لازم فعادي نستخدم المعجون المخصص للأطفال ؟

اممممم .. لاحظت في القطط الشيرازية ان
الاوساخ تتجمع فعيونهم بسرعة .. حتى اذا نظفتها
فليش ؟



و انتيهنا .. ^_^


مع السلامة

[اموت في القطو]

ماشاء الله قطك مررره رووووعه

اختي لاتوكلين قطك تونه وسمك الا مره في الاسبوع

واختي مهب لازم تفرشين اسنان القط يمكن مره بالاسبوع ومعجون الاطفال يصلح

اما عن العيون ما ادري واعتقد النه غمص (يمكن ماتفهمين كلمة غمص لانج من الامارات)

الغمص هو اذا نام القط يجيه جنب عينه من جهت الانف وليسا جوا العين

والله يحفض لك قطك

[ala7med]

على البركه
مثل ماقال اموت في القطو بعدي عنها التونه يسبب اسهال وامساك الخ..........
الوسخ اللي في العين عندي وعندك خير اخذي فوطه او كلينكس بللي بماي دافي زعصري الماي ومسحي وهذي مب مشكله معظم القطط فيهم غمص
واذا قصدج تلقين شي شفاف لزج داخل لعين ساعات دائرة وساعات طوالي لاتجيسينه ولاتجربين يمه لانج ممكن تاذين القط بروحه القط راح يشيله وهذا طبيعي
وقطتي صارلها هذا الشي عبالي انه عينها مشموخه تميت اطالع عقب راحت ورجعت طالعت الا مافي شي اهيه توديه لاكن اللي برع العين مثل ماقلتلج

[Octopus]

يمكن يوجد فيها غمص هي افرزات تجي في العين
و مرحبا بك في المنتدى و لو عندج اي اسئلة اختي اسائلي فنحن نجاوب عليها
و اتمنا ان لا تزيدين الوكياس لانه يسبب سقوط الشعر والاسهال

[آنسة مياو]

مشكورين .. على التنبية
دوم أأكله تونا .. المسكين لازم يتعذب على ما ناخذ خبرة

و هيه أقصد " الغمص "
لاني ملاحظة حتى في الصور ان القطط الشيرازية
دوم في عيونها " غمص " .. بعكس القطط الثانية ولا ؟؟

[azo0ozi-658]

اي بالقطط الشيرازيه البيور اللي وجهها مفطوس شي عادي

[خبيرهـ الحيوانات]

وعليكم السلآم
حياك الله بمنتدآنـآ نوورتي

اي اختي لآزم تفرشين اسنان قطك
- تـآخذين فرشاة خاصة بالقطط و معجون اسنان للقطط
او ممكن استبدالة بفرشاة اسنان للآطفال ناعمة ومعجون اسنان للآطفال
و تفتحين فم القط بهـآلطريقة



وتبدأين اول شي بتنضيف نـآب القط بشويش وبعدين خلي القط يتذوقة اذا كنتي اول مرة تفرشين اسنانة
بعدهـآ لو خلصتي من انياب القط فرشي الاضراس " الطواحن بلطف .
يمكن بعد التنضيف يمكن بتلآقين شوية دم على الفرشاة ،، لآكن لآتخافين يمكن يكون دم فـآسد .

فية انواع القطط طبيعي تفرز افرازات بالعين كـ " الهـآف والبيكي فيس "
وبالنسبة لتنضيف العين تحتاجين :

- قطنة ناعمة
- ومرهم خـآص لتنضيف عيون القطط

او ممكن استبدال مرهم العيون بـ :
- ماء دافى وقطنة
او
- شاي احمر ليبتون مع قطنة

وتنضفين ماتحت العين من الاوسـآخ والافرآزآت

وبس
حلوو قطك ماشاء الله ربي يخلية لك ويحمية لك
بس نصيحة لآتعطينة Whiskas لآنو يسبب اسهال وتساقط بالشعر وديدان ورآئحـة الفم الكريهة فـ احذري
دمتي بخير
..
..