اشترك في نشرتنا البريدية ليصلك كل جديد

Do5teroo · 02-01-2007, 08:45 AM

السلام عليكم

حبيت اعرف اللي يربون قطط وين يخلونهم

عشان انا اخلي قطوتي في البيت ويانه بس تعرفون الامهات شلون يخافون من الامراض اللي تسببها القطط فعشان جذي امي عطتني خيارين لا غير

اخليها ...
1- في غرفة بروحها داخل البيت >> اخاف تصير وحشية
2- قفص بره البيت >> وايد برررررد

انتوا وين تخلونهم ؟ و بالنسبة لوضعي شنو المكان الانسب لها ؟

leo75 · 02-01-2007, 01:20 PM

هلا والله بالنسبه لي اخليهم معانا على طول لكن عندهم غرفه خاصه فيهم للاكل والنوم والغرفه موبعيده عنا بنفس الصاله اللي نقعد فيها وهم تعودوا متى ما بغوا ياكلون او ينامون يدخلون الغرفه

انصحك بالطريقه هذه

قطو_Q8te · 02-01-2007, 01:36 PM

هلا اختي
والله احنا معانا يمشون ويمرحون .. اوقات نحطهم بغرفتهم الخاصه بالطابق الاول داخل الصاله
بس اغلب الوقت معانا بالغرفه
على فكره المسئله موصعبه حيل.. القط اغلب الوقت يا نايم يا قاعد بجانب صاحبه الي يدلعه اكثر شي او بالمطبخ ياكلون ...
بالمناسبه اعتقد الخيار الاول احسن من الثاني بنسبة 99.9% !!!
بس ليش ماتحطينها بغرفتج؟؟؟

Do5teroo · 02-01-2007, 07:35 PM

المشكلة امي ما تبي تجوفها خير شر يعني حتى بغرفتي !!

اي بس بخليها بغرفة بروحها وبزورها لوول

مشكورين

قطقوطه · 02-01-2007, 10:36 PM

انا ابوي صار له فتره مثل امك صار وخيرني هالخيارين فاخترت الثاني طبعا حطيتهم بالبيسمنت عندنا فيه الشغالات يقعدون فيه يتسلون معهم

برتني · 02-01-2007, 10:41 PM

أشتريلها بيت خاص بالقطط وحطيها فيه...
أما بالنسبه لي أنا طووووووووول الوقت معانا <<<جنب الدفايه,على رجولي,تحت الكنب
بس للاسف ما عندي لها غرفه.
أحط أغراضها
تحت الدرج و أهي اذا سخنت أتروح تحت الدرج

Do5teroo · 02-01-2007, 10:48 PM

اي بس مافي الا هالحل غرفة بروحها

بيت للقطاوة ؟ اول مرة اسمع !

قطو_Q8te · 04-01-2007, 01:01 PM

في بيوت صغيره للقطط ...
انا شريت بيت لقططي من بتس هاوس\الكويت .. وكل يوم اشوف احد نايم فيه

Do5teroo · 05-01-2007, 08:20 AM

كوول عاد ان شاء الله تتواجد عندنه في البحرين

kitty_q8 · 09-01-2007, 02:26 AM

اخوي وين صاير بتس هاوس ؟؟ وعلى جم؟
واللة ودي بقطوة و داشة المنتدى اخذ خبرة