يا اهل الخبرة افيدوني الله يجزاكم خير ....

[باي قطاوتي]

السلام عليكم...كيفكم اخواني و اخواتي انشالله اانكم بخير ....

ادخل في الموضوع...انا عندي ببغاء افريقي جامبو , شريته وما كان اليف , بعد كم يوم فريت محلات الرياض للحيوانات يالله لقيتلي على واحد يدربه على الولافه وبسعر غالي جدا , قلت مو مشكلة,

المهم بعد مرور فترة 15 يوم الي هي فترة التدريب رحت استلم الببغاء وكان فعلا زي الحمامة الييف

ويطلع على اليد وما يجعر لكن المشكلة يوم وديته للبيت صار شرس وما يرضى احد يلمسه او يقرب منه رجعته للمحل على طول لكن المفاجئة!!انه في المحل الييييف ويطلع على اليد وعادي والعامل يقولي:"كيف تقول انه شرس هذا هو اليف"انا استغربت وقلتله في البيت مو اليف قال الحين هو اليف معي...المهم خذيت الببغاء وطلعت وانا في قمة الاستغراب والتعجب انا الحين والله اني في صدمة لا يعلم بها الا الله ما ادري وش اسوي مع العلم ان الببغاء فرخ عمره تقريبا 7 او 6 شهور على كلام راعيه وبادي في الكلام وقمة في الحجم ماشالله ...انا الله يعافيكم استنى اهل الخبرة يفيدوني بها الموضوع تكفون لحد يبخل علي بشوي معلومات يقدمها لي ..............استناكم

[prof]

أهلاً فيك أخوي

ومبروووووك عليك الطير

لاكن بغيت أقول لك شي

الأفضل أنك تولف الطير بنفسك وتكافح معه لتكون علاقتك معه جداً قوية


وبالنسبة لطيرك أنا اقول لك مشكلته :

طيرك كان متوحش ويدور على أحد يرحمة ويضمن أنه ما يؤذيه

فلما لقي صاحب المحل قد يكون تعلق فيه وتعلق في المحل

فلما أخذته أنت مره ثانية قد تكون ردة فعل منه لأنه ما وجد عندك ما وجده عند صاحب المحل

-------------------------------------------------------------------------------------

الحل أخوي

1-- وهو أهم شي ((( أنك تسمي الطير أسم وتنادية به دائماً لين تلاحظ أنه عرف أسمه من تجربتي الخاصة )))

أنك تصبر مع الطير وتتكلم معه وحاول تتجرأ عليه يعني تحك راسه وتأكله وتكلمة وتشيلة وتلاعبة

وحاوول تتجنب الحركة السريعة والصوت العالي

وإذا عضك لا تبدأ ردة فعل ولا تطلع ولا صوت لاكن وخر يدك شوي شوي

وأرفع أصيعك بوجهة وأنظر إلية نظرة قوية وقوول بصووت عالي لا

وإذا جعر نفس الطريقة حاووول تفهمة إن الي يسوية غلط

وحاول تطلعة من القفص وتخليه يضمن أنك ما راح تسوي له شي

أتمنى أكون أفدتك

تقبل مروري

[سماوي الجبه]

سيطه انت في البيت تخاف منه والطير اذا حس بان الشخص الى يخاف منه يستقوى عليه ، فالافضل انك ماتخاف منه لاغير،،

[الطرس ممدوح]

اخوي انظر الي مقاطع اخونا سكر لترويض الببغاء وتابعها وتستغرب على ان الطير يتغير بالسرعه عليك
وتراي جربتها ونجحت مع .