الحوض عندي فيه مشكلة

[الهاوي]

السلام عليكم
هذي أول مشاركة لي في المنتدى مع أنّي أمس مسجّل في هالمنتدى الأكثر من رائع - عموماً كلام الشباب طيّب و صحيح و باعتقادي إن الأسباب عديدة سأذكر بعضها لك و إن شاء الله أساعدك :
1- كثرة الأكل.
2- طول مدّة إشعال الإضاءة.
3- الأصباغ اللي ببعض أنواع الصخر.
4- كثرة الكلور في الماء.
وأعتقد اذا كان في حوضك حيّة ، فمن وجهة نظري المتواضعة ، مكانها غير مناسب مع أنواع السمك اللي عندك. بالتوفيق يا أخوي علي .

و للمشرفين و المراقبين منّي أجمل تحيّة - و السلام ختام . :ANSmile06

[علي الكرار]

بسم الله الرحمن الرحيم وبهي نستعين



اما بعد الي جميع الاخوة يعطيكم الف الف عافية وماقصرتو وانا خذيت بنصيحتكم وماحطيت التراب وشلت السمك وحطيته بحوض مؤقت وشلت الصخر الي بداخلة وغسلته عدل بس ماء حار وخليته فيه شوية وبعدين غسلته اكثر من مره ماء عادي موحار وبعدين حطيته في الحوض وحطيت بداخلة ماء وبعدين نطرت ساعه علي ماصارت درجة حرارة الماء 28 درجة وبعدين حطيت السمك بكيس وحطيته بداخل السمك ونطرت عليه 10 دقايق وبعدين نزلتهم حبه حبه وبعدين شفت الحوض مافي احلى منه ويعطيكم العافية وماقصرتو علي المساعده وجزاكم الله خير وووووووووووو قولولي مبروك اول انتاج لحوضي سمكة مولي صغنونه اول الانتاج وانشاءالله بس ناطر الي يسمونه معاش علشان اكبر الانتاج وسؤال يا اخوان اذا حطيت 50 سمكة مولي بالحوض والحوض بيكون كبير تقريبا واحد ونص او اثنين متر بياثر عليهم بشي وله عادي





وشكرااااا



علي حسن تعاونكم




اخوكم علي الكرار

[الهاوي]

السلام عليكم
لا شكر على واجب يا أخوي علي - ومبروك عليك مولودتكم البجر ( المولي الصغيرونة ) أمّا بالنسبة للتكاثر فنصيحتي لك أن تضع المواليد من الأسماك اللي عندك بحوض ثاني و صغير و بدون حركة من قوة دفع الفلتر - ويجب أن تكون حركة الماء هادئة جدّاً لكي تستطيع الأسماك الصغيرونة السباحة بسهولة من غير أي تيّارات مائيّة بالحوض - و حاول تاخذ فلتر خاص لصغار الأسماك ( سعره رخيص ) يمكن دينار أو دينار و نص ، و تكون فتحة الماء الداخل للفلتر مغطّاة بإسفنج و ذلك لمنع الفلتر من سحب الأسماك الصغيرونة إلى داخل الفلتر و تخسر إنتاجك الأوّل.
هذي نصيحتي لك لأن الأسماك الكبيرة تاكل الأسماك الصغيرة - وجهة نظري المتواضعة و الراي للمشرفين و المراقبين و لك يا صاحب الحلال ( السمك المولي ).
للمشرفين و المراقبين منّي أجمل تحيّة - و السلام ختام

[علي الكرار]

بسم الله الرحمن الرحيم وبهي نستعين اما بعد الي الاخوة الفاضل الهاوي




اما بعد يعطيك العافية علي ردك الجميل ولكن سؤال مهم انا اول شي سويته اخذت الحلو الصغنونه حطيتها بحوض صغير بروحها بس ماعرف شنو اعطيها علشان تاكل انا اول شي عطيته الاكل العادي بس كنت اخلية يتفتت بيديني وبعدين احطه لها الماء بس لازم يكون في في اكسجين اما الحوض الي حاط السمك فيه كبير موصغير يعني لو تعقد سنه كاملة بدون اكسيجين عادي اهي بروحه صاير جنها زبوط النقه ادري عندي وحده صغنونه بس مااشوفها يعني لازم ابحلق عيوني عدل علشان اشوفها





وهذي بعض صور الاسماك الي عندي

[الهاوي]

السلام عليكم
الله يعافيك يا أخوي علي الكرار - و آنا ما سوّيت غير الواجب و هذا الغرض من هذا المنتدى اللّي يعرف يدلي بدلوه للّي ما عنده خبر و للجميع بصورة عامّة - عموماً بالنسبة لأكل السمك الصغار، تاخذ الأكل العادي مو الحبوب، الشرايح مثل الورق كمّيّة بسيطة جدّاً للسمكة الصغيرونة اللّي عندك و تفتفته بإيدك لمّا يصير فتافيت - بعدين تعطيها إيّاه - لكن لا يصير وايد - دير بالك.
و من ملاحظتي كذلك للصورة المرفقة شفت عندك ( جولدن فيش ) و ( مولي ) و شفت الصخر اللي عندك و اللّي كان سبب المشكلة الألوان اللي فيه - آنا شخصيّاً ما أحب أي شي ملّون يعني ( مصبوغ ) مثلك عارف إن السمك كائن حسّاس و أي شي مو طبيعي يصير بالماي راح ياثّر عليه و بسرعة. بالتوفيق
للمراقبين و المشرفين منّي أجمل تحيّة - و السلام ختام

[علي الكرار]

بسم الله الرحمن الرحيم وبهي نستعين



اما بعد الي الاخوة الافاضل يعطيكم الف الف الف عافية وماقصرتو والهاوي يعطيك الف الف الف الف الف الف الف عافية ياخوي لتنويهك لنوع الصخر الي احطة بالحوض لاني يوم طلعت الصخر ونقعته بماي حار لمدت 3 ساعات كل ساعة ابدل الماي وحطله ماي حار الحيت تعدل الوضع وصار احسن من قبل يعني تعدل لونه من الابيض رد للشفاف يعني ماله لوووون



وحبيت ابشرك امس وانا راد البيت الساعة 7.30 بليل توني طالع من الدوام وله اشوف ذيك المفاجئة وله القه سمكه ثانية علي قولتهم موليه (مولي) صغنونه ثانية يعني صارو الحين ثنتين يعني يوم ترد البيت وتشوف هل شغلات الحلوة بتنسى هم الدوام وتلعن ابو هل الدوام تقول انا ما ابطلي محل وقعد ابيع فيه سمك احسلي




وشكرااااااااااااااااا





اخوكم علي الكرار

[الهاوي]

السلام عليكم
مبروك ما ياك يا أخوي علي ( الموليّة الثانية ) بس أعتقد إنّك لو تركّز شوي في حوضك يمكن تلقى سمج وايد صغار موجودين بالحوض لأن مو معقولة إنّ كل يومين أو ثلاثة تنولد سمجة يديدة - دقّق عدل بالحوض و تمقّل فيه عدل قبل لا الكبار ياكلون الصغار و على فكرة المولي من النوع سريع التكاثر . بالتوفيق يا خوي .
و السلام ختام

[علي الكرار]

بسم الله الرحمن الرحيم وبهي نستعين



اما بعد يعطيك العافية اخوي الهاوي بس ياخوي تمقلت عدل ومالقيت اله هل ثنتين يعني تعبت وانا اطالع بس مالقيت شي وانشاءالله بروح يوم الاحد بشتريلي حوض ثاني احط فيه بس المولي علشان اشوف التكاثر مالهم يعني شي موطبيعي





سؤال فني درماتيكي اذا بقيت اعرف سمك الجولد فش متى يكبر يعني يصير حجمة كبير شوية يعني يطول هل يتري يبيله فترة طويله او بالاشهر ؟؟؟؟
\
\\\\


\\\\\\\
\\\\\\

وشكرااااااااااااااااااااا





اخوكم علي الكرار

[الهاوي]

السلام عليكم
أخوي علي - أغلب أنواع السمك سرعة النمو فيها تعتمد على نوع الأكل - نظافة الحوض - عدد الأسماك اللي معاها بالحوض - نوع الأسماك اللي معاها بالحوض - الديكورات اللي بالحوض - معدل الحموضة ( ph ) - نسبة الكلور و التوفيج من رب العالمين .

[علي الكرار]

بسم الله الرحمن الرحيم وبهي نستعين اما بعد




الاسماك الي عندي علي حوض تقريبا طوله من متر ونص الي مترين



كبير يعني وانشاءالله بروح اليوم بشتري حوضين متر والحوض الثاني همن متر بقسمهم كل واحد علي صوب



واشلون اعرف معدل الحموضة ونسبة الكلور ؟؟؟؟؟؟؟؟؟؟؟؟؟؟؟؟؟؟؟




يعني سؤال محيرني لازم الديكورات بالحوض واذا موحاض ديكور بس صخر من البحر او صخر الي يكون مع الحوض بياثر بشي هذا وله لالالالالالالا عادي اذا ممكن تفهمني هذي النقطة ياخوي



وشكراااا





اخوكم المخلص علي الكرار