البلوفرونتد تعبان

[abo 3bady]

سلام عليكم
ياشباب انا عندب بلوفرونتد صحه 100% وحرك ويتكلم وديته اقص جناحه عند دكتور بيطري
المهم قص الطير ومن يوم رجعته للبيت نايم مغمض عيونه ولا ياكل زين ويستفرغ ولا يتكلم
وش الحل سالت طبيب بيطري يقول شكله زانطه مع رقبته المهم الان اعطيه مضاد حيوي
من مر في مثل ها الموقف وش الحل ياشباب

[abo 3bady]

مهنا ردور
الطير مضرب عن الطعام ولا يوجد اسهال
صرت اقدم له جزر مهروس انتظر التوجيه من اهل الاختصاص

[مكاوي اصيل]

اخوي لاتسئل البيطري ودي له الطير باسرع وقت امكن فيه حاجه وانت مادري عنها وقلب جنحات الطييير امكن قصه مومزبوط امكن عورلك الطير


الله اعلم

[abo 3bady]

لالا الطير جنحانه سليمه ويطير الان بس شهيته للاكل قليله ولا فيه اسهال ابد ولله الحمد

[in my dream]

اعتقد تغيرت نفسية الطير بعد القص وبعدين اخوي ترا البياطرة ماعندهم خبرة بالقص وصارت مع عضو بالمنتدى هنا فاليتك قبل تودية طرحت موضوع استفسار والاعضاء ماراح يقصرون معك

[eaglesa38]

عزيزي الطير يمر بحالة نفسية بعد قص الاجنحة
والاضراب عن الطعام ماله حل الا الغر
انصحك تجيب ذرة مثلجة + بازيلا خضراء + بليله ( حمص ) يكون في علب
وتضع كميات متساوية في خلاط مولينكس مع اضافة قليل من الماء
وتخفق الخليط حتى يصير ناعم جدا مثل الفول
اشتري ابرة غر من اقرب صيدلية بيطرية قيمتها 3 ريال
وابدأ في غر الطير حتى تعدي فترة الحالة النفسية ويرجع ياكل
ايضا ضع له فيتامينات في الماء لانه في هذه الفترة الي ما ياكل فيها بيحتاج الى فيتامين
هذا هو الفيتامين Multivitamin EB12
تشتري شريط فيه عشر كبسولات كل يوم تفرغ محتوى كبسولة في وعاء الماء
وتغيره كل 24 ساعة

وما يشوف شر طيرك ياغالي

تقبل تحياتي

[abo 3bady]

كلام سليم وبيض الله وجهك
الطير ولله الحمد بداء يتحسن وياكل
فعلاً الطير يمر بحاله نفسيه
اعطيته فيتامينات وزبطت اموره

[eaglesa38]

المشاركة الأصلية كتبت بواسطة abo 3bady

كلام سليم وبيض الله وجهك
الطير ولله الحمد بداء يتحسن وياكل
فعلاً الطير يمر بحاله نفسيه
اعطيته فيتامينات وزبطت اموره

الحمدلله على سلامته
اكيد وقت ماكان مريض انت مرضت معاه

لاني مريت بمثل هذا الموقف وبصراحة مرضت وياه

تقبل تحياتي