الدرّه المعلقه

[علي111]

السلام عليكم ورحمة الله وبركاته وبعد
شكرأ لهذا المنتدى الرائع اللذي خدمني في معلومات لايمكن ان اذكرها ولاكن.......
اشتريت دره مطوقه وبعد الشراء بدأت اقرأ لهذا المنتدى
اول معلومه اتركه بزاوية البيت مع التجاهل لمدة اسبوع او اكثر ماقصرنا
لاكن كان للأسف متوحش
رحت للسباك الافغاني الطيب قلت ابي اقوى قفازات عندك لمقاومة هجوم الدره على اصابعي الرقيقه وبعد اول مابديت اللبسها احس انه ارتبك او انه يتهيألي المهم ماعلينا فتحت باب القفص وقعدت ادلعه نونو <<<< هذا اسمه وادخل يدي بعنف وهو يلصق بجدار القفص مع الجعير اللذي يحطم الاضلاع من الحزن العميق بداخلي وامسكه واحطه على يدي وامسك وحده من رجوله ويبدأ بالسمفونيه اللي ماتخلص الا وراسي بينفجر من صوته استمر هالحال مده معينه وبعدها بدا يجعر شوي ويسكت الى ان اشتريت المقص وبدأت بقص ريشه ولاكن كان لا يهدأ ابدأ وقلت ياولد انتف ريشتين من كل جناح ولا نفع يطير قصيت الباقي بالمقص طبعأ كل هالاشياء وهو خايف لسّى مالكم بالطويله بعدين صار يطلع على اليد وينزل منها لاكن بدون لمس راس وبعدها استمر الحال الى انه مايحب يتروش وهو على يدي ولا يفرح بالماء ابدأ لاعى يدي ولا داخل القفص يقرب من بناتي ويلحس اصابعهم ولاكن انا مايلاعبني الا اذا حشرته فقط على فكره الى الأن يخاف من يدي انها تدخل القفص...؟ له عندي سنتين وتقريبأ عمره يوم شريته ست شهور (ذكر)
ايجابياته يطلع على يدي وامسح صدره وراسه كمان ويعرف اسمه ويعرف تعال يطلع على اليد وانزل ينزل منها يغرد كثير لاكن مايعرف يتكلم يقول اسمه بس بصوت تغريد يصفر
لاكن سلبياته انه يخاف من دخول يدي القفص ولايحب اقص اضافره ولا ريشه وكمان مايحب الترويش الا بالغصب مايحب يقعد على يدي مده طويله رغم اني لو اخليه على جسمي فتره طويله يكون يسترخي ويببدأ ينضف عمره
تصرفاته احيانأ يرفع راسه وينزله بسرعه ويبعد عن لعبته كأنه شايب عنه بعد نضر
_________________________________________________________________________
شكرأ لسعة بالكم علي لاكن انا محتار مع هالطير

[مجنون فلته]

الدره صعب التدريب اذا كان كبير

اوان تفريخهم قريب جدا خذ لك فرخ عمره شهر وربه افضل لك