بو محمد والشباب لحقوني الطير ماقام يشووف.

[شخبارك]

السلام عليكم ورحمته وبركاته

اخواني وخواتي تكفوون شوفوا الحالة اللي فيها انا

طيري:الدرة الهندي(بدوون الطووق)
العمر:6 إلى 7 شهوور
الجنس:انثى
مدة الاقامة معي(مدة الشرى):اسبووع
ياشباب انا شريتها قبل اسبووع المهم كانت مو اليفة انزين وعادي كل شيء فيها سلييم

المهم انا قبل يومين قمت ادور جنبها ولا لاحظت شيء عجيب عينها اليسرى مسكرة قلت يمكن نايمة لاكن شفت عينها اليمني مفتحه
المهم هزيت الشبك فتحتها قلت معليه يمكن تستهبل لاكن رجعت بعد ثواني تتسكر حسيت انها مو قادرة تفتحها
المهم هاليومين ماقامت تاكل ولا تشرب والله يكرمكم ماتنزل حاجتها ..
لاكن ايام اول كاان اخضر غامق اتوقع انه طبيعي
المهم هالاسبوع كنت احط لها رمان+تفاح قليل مرة بس مرة عطيتها وخلصته (قطعه صغيرة) وسبال(الفول السوداني) وبس
واليوم هو الثالث قلت يمكن تبغى تطلع من القفص وللي أول مرة تطلع منه
طبعا اول مرة يوم طلعها الهندي من القفص المحل وحطها بقفصي كانت تصوورخ بقوووه احس المجمع كله سمع وتلف يمين ويسار وحالتها حاله .قلت اكيد مشالله قوة

المهم طلعتها قبل ساعة ماقاومت وصوتها خفييف مرة
اول 3 دقايق تبغى تعض بس انا اوخر يدي لاكن عضتني وانا ماوخرت يدي شفت عضتها قووية ^_^
لاكن قلت خلني اسبحها وسبحتها بالموية وجبت النشاف ونشفتها حتى عيونها ..

والحين كل عيونها صارت كذا مسكرة ..

الحين دخلت يدي مسكت راسها عادي ماتسوي شيء ومسكرة عيونها

تفكوون ياشباب لحقووني ترى ماتهنيت
الصور..





ترى على فكرة كل هذا وانا اصورخ +اهز الشبك ومافي فايدة
تفتح عيونها ثواني لو اني هزيت الشبك وقمت اتكلم تفتحها وتسكرها

[ابو محمــد]

والله ودي اخدمك لكن للأسف الحاله هذه اول مره تمر علي ,,

لكن بعد المغرب راح امر الدكتور واخبره عن حاله درتك ان شاء الله ,,

وما تشوف شر.

[شخبارك]

تسلم ياغالي..وانا بنتظارك ..

وموفق

[خربووش]

اخوي لاتسكت عليها ودها للطبيب الان بسرعه يمكن يلحق عليها يعطيها دواء .
اتمنى تشفى لك وتفرح بعودتها سالمه

[شخبارك]

احد يعرف طبيب حيوانات بالحسا..؟

والله ودي لاكن مادري وينهم هالاطبة..

لاكن المشكلة ماتاكل ولا تشرب وحتى مرة مرة ساكته وقاعدة بمكانها
واللي مخوفني ازيد وازيد اني اضرب الشبك ولا تتحرك..&_&

[صوغة]

الله يشفيها يارب لازم طبيب دق على استعلاماتكم وقوله عطني رقم اي عيادة بيطرية وان شالله بيعطونك

الله يطمنك عليها

[ابو محمــد]

رحت لدكتور وقال هذا التهاب في العين ولازم تعطيه مرهم واذا ما نفع ابره لكن مو عند اي بيطري لازم واحد متخصص والمرهم فرنسي الصنع اسمه
NEOMYCINE
وقيمته 15 ريال

[شخبارك]

انزين ياغالي ارووح اشترييه واحطه له ولا لازم ارووح عند البيطري وهو يحطه..؟

ومشكوور ياغالي

[شخبارك]

انزين اسبابه ويش..؟

[ابو محمــد]

روووح اشتره الحين وانت افتح عين الدره وحط ع الثنتين,,

اسبابه متعدده وهو مكروب يجي في العين ويسكرها,,

واذا اهملته ينتقل الى الجهاز التنفسي وبعدها لا سمح الله الى الموت.