لولو مزكم ( كاسكو ) :(

[kane_h]

وديه البيطري والله يومين انشاء الله يطيب

[redabagdadi]

الله يعافيه
بس اياك تعطيه ثوم ممكن تسبب التهاب بمعدته

كثر من الأكل الرطب ( تفاح - خس )

قشر قصب السكر وقطع اللب الأبيض الى قطع بطول 5 سم و قطع القطعة طوليا الى أربع قطع و ادهن القطع بالعسل الأصلي

بدل له الماء باستمرار لأنه يفقد الماء بشكل كبير و يجب تعويضه

و الله المعافي الشافي

[مس^^مس]

الله يجزاكم كل الخير ..

حاليا افضل بشووويه .. بس باقي تنفسه شووويه صعب ..

وباقي قليل افرازات ..

مو يقولو الثوم كويس .. !!! والله احترنا .. !!!

وان شاء الله الاقي له قصب سكر .. بكرا .. الف شكر للجميع

[ام ماجد]

الله يشفيه ويحفظه لك لو عندي اي معلومه قلتها
بس مالي غير مشاركتك بالدعوه

حطي ايدك على عليه وقولي (اللهم رب الناس مذهب الباس اشفي انت الشافي لا شفاء الا شفائك شفاء لا يغادر سقما)

وقدرة رب العالمين فوق كل شي

[جااكو]

ربي يشافي بغبغانك ياارب

وحاول تدفيه زين تغطيه

تقبل تحيااتي...

[مس^^مس]

الله يسمع منكم ..

اليوم وقفت المضاد صار له سبع ايام ومابعد طاب ..

مسحت خشمه بمنديل مع مويه عشان يقدر يتنفس

اليوم حطيت له اليوم ثوم وليمون ..

ويعطيكم العافيه جميعا ..

[ولد الحلال]

ها بشرينا اختي ترا الكاسيكو انا امس شريته

واليوم الصبح قعدت من النوم الا اشوفه مزكم خفيف وبعدين

الله يعزكم ينزل شي من فمه ومن خشمه

طمنيني الله يطمنك

وعلميني شنو اسوي حق الكاسكو ترا بجد خايف عليه

في شي ما فهمت شنو يعني التايلان ؟؟؟؟؟؟

اذا كان دواء ممكن احد يشردني عليه والا يعطيني صورته

[مس^^مس]

ابشركم ..

ولله الحمد يارب ..

رحت فيه للبيطري ..

وقال عنده التهاب تنفسي ..

ويباله ابر خمس ايام ..

وبكرا اخر ابره ومااشاء الله تبارك الرحمن احسن بكثير ..

نصيحه .. اللي ببغاءه يتعب بيطري ع طول ..

اشكر كل من وقف معايه ونصحني .. ربي يعطيكم الف عافيه

[فيصل المبارك]

المشاركة الأصلية كتبت بواسطة ولد الحلال

ها بشرينا اختي ترا الكاسيكو انا امس شريته

واليوم الصبح قعدت من النوم الا اشوفه مزكم خفيف وبعدين

الله يعزكم ينزل شي من فمه ومن خشمه

طمنيني الله يطمنك

وعلميني شنو اسوي حق الكاسكو ترا بجد خايف عليه

في شي ما فهمت شنو يعني التايلان ؟؟؟؟؟؟

اذا كان دواء ممكن احد يشردني عليه والا يعطيني صورته

سلامات انشاءلله

ببغاءك ماخذ شويت برد

وانشاءلله ماعليه الا العافيه


عزيزي التايلان مضاد حيوي تلقاه عند البيطري

بس الشي هاذا مايعفيك من البيطري