افيدوووووووووني

[محمد عفتان]

سلام عليكم شباب انا شريت فرخ بغبغاء الدرة المطوقه عمره اسبوع وابغاكم تعلموني

وين احطه في قفص ولا كرتون؟
وش اكله؟
كيف ادربه على الكلام؟
متى اكله؟
هل احطه في البلكونه لمدة ساعه عشان يتشمس؟
عادي لو شغلت المكيف ولا المروحه في الغرفه؟
متى يصير يأكل لوحده؟

ولو قدرتم اضيفو معلومات اكثر

[محمد عفتان]

نسيت سؤال لو وسخ على القماش اللي تحته اغسله؟

[abdr]

حطه فيى صندوق بلاستيكي او من صناديق الاعشاش الي تنباع في المحلات
اكله سريلاك وفواكه او من الاكل الجاهز حق الفروخ ينباع في المحلات
لس بدري على الكلام خله يكبر وال شي
اكله من 3-4مرات في اليوم
خله يتشمس لمدة ربع ساعه بس يكون في الظل
لاتشغل له لا المكيف ولا المروحه
على حسب ما كنت تغذيه اول
لا تحط له قماش حطله نشارة خشب

[محمد عفتان]

وش يعني نشارة خشب

[أبو الببغاوات]

المشاركة الأصلية كتبت بواسطة محمد عفتان

وش يعني نشارة خشب

يا الغالي نشارة الخشب تلاقاه عند محل الطيور أو روح عند اي نجار

وهي عبارة عن خشب ولكنها بشكل الورق <<< لا تحط في بالك اي فور

وأي شي حنا في الخدمة

[راعي البقر]

حك راسك فس الجدار يطلع نشارة خشب

[أبو الببغاوات]

المشاركة الأصلية كتبت بواسطة راعي البقر

حك راسك فس الجدار يطلع نشارة خشب

الأخلاق ثم الأخلاق ثم الأخلاق

الموضوع للحوار وليست للسخرية الله يسامحك وهذا المنتدى لا ترحب من يفعل
هذه الأساليب

[مجنون عويشق]

السلام عليكم

اخوي ابو الببغاوات

لاتفهم اخونا غلط (( راعي البقر)))


لان الاخ محمد يستهبل علينا وله اكثرمن سبع مواضيع كلها نفس السؤال ...وحنا كل مره نجاوبه

لكن هو يروح ويكتب موضوع جديد ولايعبر ..

فهذي ردة فعل اخونا راعي البقر ..وانا سبقته من قبله في موضوعين سابقين للاخ المستهبل محمد عفتان

فالمفترض هو يحترم أخلاق المنتدى ويحترم من فيه

وهذا بشهادة اغلب اعضاء قسم الببغاوات

بالتوفيق لك

[أبو الببغاوات]

المشاركة الأصلية كتبت بواسطة مجنون عويشق

السلام عليكم

اخوي ابو الببغاوات

لاتفهم اخونا غلط (( راعي البقر)))


لان الاخ محمد يستهبل علينا وله اكثرمن سبع مواضيع كلها نفس السؤال ...وحنا كل مره نجاوبه

لكن هو يروح ويكتب موضوع جديد ولايعبر ..

فهذي ردة فعل اخونا راعي البقر ..وانا سبقته من قبله في موضوعين سابقين للاخ المستهبل محمد عفتان

فالمفترض هو يحترم أخلاق المنتدى ويحترم من فيه

وهذا بشهادة اغلب اعضاء قسم الببغاوات

بالتوفيق لك

والله أعتذر لك ولراعي البقر أنا آسف

وصراحتاً نمن شفت ردك استغربت ورحت طالعت مواضيعه صراحتاً

بيستهبل علينا المهم أنا ماني راد عليه أبد

[لوتيه]

سلام عليكم شباب انا شريت فرخ بغبغاء الدرة المطوقه عمره اسبوع وابغاكم تعلموني

ماشاء الله فالموضوع لي طاف كان عمره شهرين و مافيه ريش الحين صار عمره اسبوع
انا احيد الببغاء يسير في كبر مب في صغر و لا يمكن طيرك سحري و نادر كل مايكبر يصغر فالعمر

وين احطه في قفص ولا كرتون؟
لا حطه في كرتون افضله و كل يوم خذ كرتون ماي اشرب الماي و بدله الكرتون يعني كل يوم بدله كرتون
وش اكله؟
اكله اكل الفروووووخ و لا سرلاك و اذا ماعندك عطه تفاح اسحت التفاح بالخاشوقه و عطه
كيف ادربه على الكلام؟
كل ماتشوفه سلم عليه خشم وايهه يعني و كل ماتشوفه تحفاه قوله شحالك حبيبي ان شاء الله بخير و سولف معاه كنه حد جنبك و يسمعك و كل ماتم لحالك قعده معاك و قوله وين رحت اليوم و شو سويت ههههههههههه اتخيل
متى اكله؟
كل مايزاعق عطه اكل كل مابيقولك قاق قاق و شوف كرشته ناقزه و لا لا و اذا مافيه كرشه خله ياكل لين ماتنتفخ الكرشه
هل احطه في البلكونه لمدة ساعه عشان يتشمس؟
لا لا تحطه فالبلكونه ماتنفع شله معاك البحر و خله يتشمس على البحر احلا عشان يصير برونزي
عادي لو شغلت المكيف ولا المروحه في الغرفه؟
لا طبعن بس على حسب اذا هو من القطب الجنوبي شغله المكيف و لا حطه فالثلاجه و اذا من انتاج المزارع متعود على الحر خله فالحمام
متى يصير يأكل لوحده؟
يوم بيصير طولك بالضبط بيصير ياكل بروحه
ولو قدرتم اضيفو معلومات اكثر
والله مايحتاي انضيف اي معلومات انته كل يوم طالعنا بموضوع يديد يعني خسارة مانكتب و انته اخرتها بتربع تحطلنا موضوع غير هذا و لا كنك كتبت شي




مرحبا ابو الببغاوات .. كيف الحال ..
انته شكلك غايب عن الساحه عشان كذيه ماتعرف شي عن محمد عفتان
محمد كل يوم يكتب موضوع و كل يوم نرد عليه
و ناخذه على قد عقله و هو مفكر انه يستهبل علينا و العكس صحيح
بس اخوي راعي البقر مب قصده شي و لا تحكم عليه على موقف واحد راجع المواضيع الي طافن
و عقب احكم عليه ...
و كلمة الحق ماتزعل و اخوي مجنون عويشق صادق في كل كلمه قالها ...
و قايلنها المثل من دق الباب لقى الجواب ...