سؤال

[ED's]

السلام عليكم ,,

كيف الحال ؟ انشاء الله الكل بخير ؟

يا جماعه أنا عندي اللحين قطوه دايم وراي من البيت للمسجد ..

ومدري وش اسوي فيه .. مع العلم أني من زمان أبي أربي هالحيوان ومدري وش يبي له من اكل وعنايه واظن ان نوعها بلدي اسود مع ابيض وشعر خفيف جداً يعني مو منفوش

فـ ياليت تفيدونا جزاكم الله خير

[ED's]

وعلى فكره

تراها مره تجي عندي وتحك عمرها في ثوبي خاصه منطقه الوجه والخد مدري اذا فيها فطريات ؟

وفيها تساقط شعر بس خفيف مره

هذا اللي عندي اللحين

[عاشقة القطاو]

ايه هي ممكن تكون بلدي ..و الاكل تقدر تعطيها الاكل المخصص لهم ...او من البيت دجاج مسلوق مع

خضار .زبس اول ما تجيبها البيت نظفها ...يعني حممها ..اذا عندك كذا كعد ..حط فيه شوية ماي و شوية ديتول و

حممها فيه ..بس لاتكثر ديتول ..وودها البيطري يسوي لها حص و يعطيها التطعيمات الازمة ...و أي سؤال ثاني

حاضرين ..

[Octopus]

لو في صور لها لكي نعرف نوعها
بنسبة لانها تلحق وراك فهو عادي وحتى انا أحيانا قططي تلحق معي الى بقالة وغالبا المسجد

[ED's]

عاشقه القطاو

الحمدلله عطيتها كم دجاجه وكلتها واللحين نايمه ما امداني احممها

بس سمعت أن منطقه الراس لازم ما يجيها مويه أو أحط مويه في يدي وأمسحها على راسها ؟ صحيح الكلام ؟

ويعطيكي الف عافيه والله افدتيني

Octopus

هذ صورتها وأعذرني أنها مو واضحها بس شسوي تتحرك :



وجزاكم الله خير

[عاشقة القطاو]

ايه ما يصير تحط الموية على راسها مباشرة ..بس تقدر تاخذ ما ي شوي تمسح بس منطقة بي ن أذنين ...

[ED's]

اخيراً قامت ما بغت تقوم =))

المهم يوم قامت على طول رحت على الفراش وقاعد تدف فيه بيده الثنتين خوفتني كل مالها وتدف بسرعه .. وش معناته ؟

والمشكله العمر مدري كم عمرها

وشكله هاديه مره لا تلعب ولا شي بس تجي عندي وتقعد قدامي أو في حضني ومدري وش تبي

وكيف أعرف أنها حامل ؟

ياليت تعطونا معلومات أكثر

[ED's]

اوب اوب شكلي خلاص بهون اربيها

جلست في حضني ويوم قومتها لقيت بقعه لونها احمر مدري هي دم او لا

بس زي الدم بالضبط

ادري ازعجتكم بس ودي اربي ذا الحيوان من زمان

[قطوتي لوسي]

القطوه حقتك ولاهي من الشارع جايه تلحقط

[ED's]

أختي القطوه ذي دايم وراي واذا طلعت القاها منسدحه على باب الشارع وشفته أنا ورحمتهاا ..

قلت خلني أدخلها وأربيها بدال ما تصير قاعده برا .. وشكلها من برا نظيف مره يعني شعرها ناعم وما فيه شي أبد

على فكره انا شاك انها حامل .. يعني نومها كثير جداً وحركتها قليله .. وحلمتها لونها وردي !

كل هالاصفات تبين أنها حامل لكن كم مر على الحمل مدري والله !

طيب وش تنصحوني أسوي معاها وإذا كانت حامل وش الاكل اللي تاكله ؟

,,