الأكل.. !!

[كاسكوكيه]

السلام عليكم و الرحمه

بغيت اتخبركم شو هيه الطريقه اللي ممكن تقنع شامبيه انه ياكل اي شي غير حب الشمس؟

صار لي اكثر من شهر معاه اجرب التفاح.. و كل اللي سواه انه يقطعه و يرميه ع الأرض.. بعدني صابره عليه.. بس كيف اقنعه ياكله.. عادي يفتت تفاحه كامله .. بس ماياكل ولا شي منها.

جربت البطاطا المطبوخ.. و قريت مره نخلطه مع القرفه المطحونه.. بس بعد ما فاد معاه.. اللي يسويه شامبيه انه يفتته لقطع و يرميه =\


اريد انوع له الأكل.. بس هوه مب راضي ياكل... هل فيه اسباب لهالشي؟؟ >_<

ارجو الأفاده

[الجناحي 10]

يعطيج العافيه

[كاسكوكيه]

=\

شكلك ما قريت الموضوع! اريد جواااااااااااااااااب!

[الجناحي 10]

الفلونزا مب راحمتني اليوم حدي مب قادر اشوف شي
انا اسف

[البطريقه]

الكاسيكو الي عندي مثل ببغائك ماياكل شيء غير االحبوب

[moussab]

السلام عليكم ورحمة الله وبركاته
عاد إتصدقين يا أختى نفس المشكله إلى إنتى إتعانين منها أنا أعانى منها كمان
ودى بس واحد من حقين الخبره للببغووات يعلمنى ويش الحل
وأكون شاكرله كثير
ومشكور أختى على الموضوع وسامحينى إنى ما عندى الحل لمشكلتك تقبلى مرورى ^^

[hawi56]

صحيح الكثير من الببغاوات لا تتقبل الأطعمه المنوعه لسبب انا تربت على الحب الشمسي من مده طويله فأمست لا تعرف غيره ...

وكما نعرف الببغاء حيوان حذر بطبعه ....

الخطوات :
1- اشتري الحب الشمسي الهولندي المخلوط مه فواكه مجففه وحبوب وامور اخرى وعوديه عليها لمده شهر
2- بعد ان بدا ينوع في اكله من المخلط لاحظي الأطعمه غير الحب الشمسي التي اكلها ... واعزليها مع القليل من انواع الفواكه او الخضار وضعيها له...
3- بعد فتره جربي تحطي الخضار او الفواكه لحالها ... وانشالله بياكلها
4- بعدين نوعيلو مره شمسي مره فواكه .....

[ابو دانيال]

المشاركة الأصلية كتبت بواسطة hawi56

صحيح الكثير من الببغاوات لا تتقبل الأطعمه المنوعه لسبب انا تربت على الحب الشمسي من مده طويله فأمست لا تعرف غيره ...

نفس الشي حصل معي ببدايتي مع طيري، بس مع السرلاك الخاص فيه، ما كان ياكل اي شي غيره

المشاركة الأصلية كتبت بواسطة hawi56

1- اشتري الحب الشمسي الهولندي المخلوط مه فواكه مجففه وحبوب وامور اخرى وعوديه عليها لمده شهر
2- بعد ان بدا ينوع في اكله من المخلط لاحظي الأطعمه غير الحب الشمسي التي اكلها ... واعزليها مع القليل من انواع الفواكه او الخضار وضعيها له...
3- بعد فتره جربي تحطي الخضار او الفواكه لحالها ... وانشالله بياكلها
4- بعدين نوعيلو مره شمسي مره فواكه .....

ما شاء الله عليك يا هاوي، كفيت ووفيت، بس بضيف من عندي صورة لأكل طيري الحالي



سعره، الكيلو بسبع ريالات فقط

اللي عملته معاه اني ما قمت اعطيه السرلاك الا مرة باليوم بس..
بعد كذا احبسه في القفص وقت اللي يبين انه جوعان..
طبعا بالبداية ينقي اللي يحبه من الحب، بس مع الوقت، والجوع كافر ، يضطر ياكل باقي الأكل الموجود، خاصة اني ما قمت اغيره الا لما يخلص على الباقي منه، والحمدلله خلال 3 ايام فقط تعلم ياكل باقي انواع الحبوب، ما عدا الموز المجفف والذرة لأنهم يابسين مثل الحجر، وماهي مشكلة لأنه بعده صغير عليهم

[عاشقة الطيور]

وعليكم السلام ورحمة الله وبركاته

اختي تقريبا كل عضو ببغائه سوه جذي في البدايه .. انا من رايي انج اتصبرين عليه لتعطينه تفاحه كامله ربع كفايه وخليه ينتف كثر مايبي لكن صدقيني اهو يذوق وشوي شوي بيتعود .. جربي الخيار .. الرمان.. البرتقال ...المانجو..الخ

سيكو قبل مثل شامبيه لكن الحين ماشاءالله عليه يحب الفواكه اكثر من الحبوب .. اهم شي انج ماتتمللين وتقطعين محاولاتج واذا كلش مايعجبه يوعيه بس مب وايد وبعدين قدمي له الفواكه الي تبينها ..في البدايه يمكن يدلع ويقطع خليه مرده بيوع وبروح للقطع..

وبالتوفيق ان شاءالله

والله يشافيك يالجناحي

[الجناحي 10]

صبري بعد ليش مستعجله الله يهديج
في ناس تشيل منه الاكل وتجوعه وبعدين يجيب اي شي ثاني
من الاكل ومن الجوع ياكله انتي حاولي نج تعطينه عظم الفخذ حق الدجاج ترى زين
ومفيد ياكل الي داخله
بس عاد انشالله راح ياكله