عندي مشكله محد قدر احله

[westlife]

عندي مشكله مع قطوتي انه الشعر الي في الرأس وحول الرقبه كله اطيح يعني صارت وجه القطوه قبيح
بس جسم القطه من ورا تمام مافي اي شي والشعر ما اطيح
بس الراس والرقبه

عطوني الحل والله يعطيكم العافيه


طبعا وديتها عند بيطريين وعطوني ادويه وكله كلام فاظي ما نفع

[Withered Rose]

westlife القطوة شنو تتوكلها ؟؟
لان المرض ساعات ايي من الاكل .

[westlife]

اهي الحين عمرها 5 أشهر كنت اول أعطيها dry food ام الحين الأكل الي في المعلبات (العلبه لونها بنفزجيه) بس انا ما اظن انه من الاكل

[Withered Rose]

اذا المعلبات عطها دياي او لحم بس لا تعطيها سمج لانه يطيح الشعر
و ممكن اذا مو من الاكل يكون فيها فطريات بالجدل ما تبين .
و لما اتسبحها لا تمشط شعرها على طول راح يطيح باليوم الثاني

[westlife]

كل الي اتقولينه صدقيني اسويه بس اعطيها لحم ودياي
عن الفطريات كان في في جسمها بالكامل وعالجوها وصارت زينه والحين ما فيها اي فطريات
افف هالمشكله امدوختني

[Withered Rose]

انا القطاوة اللي ربيتهم تييهم هالمشكله بهالعمر و تروح لا تحاتي ..
و الله هذا اللي اعرفه و ان شاء الله يفيودونك الاعضاء

[قطو_Q8te]

انا قطاوتي مامرو بهالمرض
معدا اتواد الحلوه يوم كانت حامل شعرها كان يطيح بس مولدرجة تصير صلعه لا خفيف وبعد ماولدت طلع لها مكانه
وللاسف ماعندي اي تجربه مع هذا المرضـ.

[العابر]

الله يعينك

[قلب الماس]

لو كان يطيح شوي مو مشكله لاتخاف عادي بهسن مثل ماقالو لك الاخوان لكن لو بكثره لازم توديه البيطري
تاكد من عدم وجود اماكن مافيها شعر نهائياااااا لو كان فيه احتمال القط يكون مصاب بالفطريات
فيفضل بهالحاله تعالجه باسرع وقت وماتهمله

[FAISAL//AB]

اخوي انا اشك انه من العين قطاوتك يهبلون صراحه


وانا كل ماشوفهم اذكر ربي واسمي عليهم

انت المفروض تحط مشالله وتبارك الله

لما تحط صورهم وحط عالباره بتوقيعك


لان تدري العين حق..