أرجو المساعدة

[بنت الرس]

السلام عليكم ورحمة الله وبركاته
أنا عندي أفريقي تمنة شاريته من عشرة أيام ...
وهو أليف ويخليني أمسح على راسه وجسمه ومايحب ينحبس بالقفص دايم يتمشى بالبيت وياكل الموكيت والكنب ..

ومن فترة بدأ ينتف ريشه فصار صدره ورجوله وظهره شبه عارية من الريش وبدأ يمشي على الجناح..
قريت انه يحط عليه زيت زيتون فحطيت عليه مرتين صحيح أنه بدأ ماينتف كثير لكن شكله صار قبيح وصار جلده باين وتوففت عن استخدام الزيت وروشته(حممته) مرتين بالماء بس مازال لونه أسود <<<تقولون غراب,.,.,.
سؤالي الأول كيف أرجع لونه زي أول ...رمادي فاتح..؟؟؟؟؟؟

وكيف أخلي الريش ينمو بسرعة؟؟؟؟ ...لأن صرت أستحي من شكله اذا شافوه أقاربي...
وأول ماجبته كان يصفر ويقلد صوت القطة وقال (السلام عليكم)ثلاث مرات بس وكلمة غير مفهومة ..
والان مايقول شيء وع اني دايما أردد له الكلمة ولاحتى يصفر الا اذا ازعجوه أخواني الصغار صفر تصفيرة غضب أو خوف ..

واذا لبست القفازات على شان أشيله يخاف ويطلع صوت كأنه دجاجة أو حمامة وأحيانا يعض..
سؤالي الثاني : وشلون أخليه يصفر ويقول الكلام اللي كان يقوله أول ماجبته..
وشيء ثاني,,,,, أظافره طويييييييييييييييييلة مرة وتوجع اليد وتجرح ...أقدر أقص له أظافره بالبيت وكيف أعرف الحد اللي لازم أقص عنده ...ولو قصيتله أنا ماتتغير نفسيته ويصير يكرهني..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اااااااااااااااااااااااااااااااااااسفة جدا على الاطااااااااااااااااااااااااااالة...
بس احس أنه بهذا المنتدى ناس تعرف وفاااااااااااااااااااااااااهمة..
الله يزييييييييييييدكم ماشاء الله

[/IMG]

[الحب المستحيل]

يالغاليه الكلام ماينفع اعرضي لنا صورة طيرك ونشوفه ونحكم ونقولك وش فيه

واذا ماقدرتي وديه للبيطري يشوقه ويعطيك له علاج


اما الكلام ماينفع يالغاليه

اتمنى انك فهمتيني

[بنت الرس]

أتمنى تكون الصورة طلعت

[فتفوته]

أختي
يقول المثل ..جيتك يا عبد المعين تعين .. لقيتك يا عبد المعين تنعان
والله نفس معاناة ببغائي ,, حطيت له زيت زيتون وصاير اسود وجلده طالع
في البداية لما حطيت الزيت خف من نتف الريش بعدها بكم يوم صار ينتف اكثر
وديته للبيطري نصحني ببخاخ من شركة فيتاكرافت شريته وبخيته على ظهره زاد الطين بلة
الببغاء الان حالته تعبانة ينتف الريش من تحت الجناح وعظام صدره بارزة مع ان اكله الحمدلله تمام ,,
احيانا افكر ابيعه واتراجع لاني بجد متعلقة فيه ومو مقصرة معه بكل شي .. ولا اظن ان المشكلة اللي فيه نتيجة اكتئاب او متضايق من أحد .. انا حريصة ومهيئة له الجو والألعاب والقفص مفتوح يطلع ويدخل وحتى نومه برا القفص ما اقفله ,,,
بصراحة يئست كل الحلول عملتها له ماعدا وضع الطوق على الرقبة بس وين باي محل نلاقي هالطوق ؟!

اتمنى لو فيه حل مجرب غير الحلول الموجودة بالمنتدى يرد علينا

[فتفوته]

الصورة ما طلعت

ارفعيها من هنا

http://www.pusup.com/up/

[فتفوته]

طلعتها

انتي وضعتي الرابط مرتين في كود الصورة عشان كذا ما طلعت



والله شكله يحزن

جربي الطرق اللي جربتها يمكن تفيد ببغائك ان شاءالله

حمميه يوميا وضعيه في مكان دافي ما فيه تكييف

وفري له العاب في القفص .. واجلسي معاه كلميه حتى ما يحس بالوحدة

حاولي ترفعين القفص على طاوله وبعيد عن الأطفال

ونوعي اكله خضروات فواكه وضعي قطرات فيتامين مع الماء

وعظمة الحبار مفيدا جدا لصحة الطير ...

[الحب المستحيل]

شكله محزن

ابسالك كم له على ذي الحاله
؟؟؟؟؟؟؟؟؟؟؟؟؟؟؟؟؟؟؟؟؟

[راعي الكاسيكو]

ومن فترة بدأ ينتف ريشه فصار صدره ورجوله وظهره شبه عارية من الريش وبدأ يمشي على الجناح..
قريت انه يحط عليه زيت زيتون فحطيت عليه مرتين صحيح أنه بدأ ماينتف كثير لكن شكله صار قبيح وصار جلده باين وتوففت عن استخدام الزيت وروشته(حممته) مرتين بالماء بس مازال لونه أسود <<<تقولون غراب,.,.,.
سؤالي الأول كيف أرجع لونه زي أول ...رمادي فاتح..؟؟؟؟؟؟

وعليكم السلام ورحمة الله و بركاته

شوفي اختي انا كان عندي تمنه لونه رصاصي فاتح ولما أسبحه يصير لونه أسود ....

بس بعد ما ينشف يرجع لونه الطبيعي رصاصي فاتح و أعتقد هاذا طبيعي عند التمنه . . .

وبالنسبة لتساقط الريش انصحك روحي للبيطري وهو بيعالج الطير ان شاء الله


وكيف أخلي الريش ينمو بسرعة؟؟؟؟ ...لأن صرت أستحي من شكله اذا شافوه أقاربي...
وأول ماجبته كان يصفر ويقلد صوت القطة وقال (السلام عليكم)ثلاث مرات بس وكلمة غير مفهومة ..
والان مايقول شيء وع اني دايما أردد له الكلمة ولاحتى يصفر الا اذا ازعجوه أخواني الصغار صفر تصفيرة غضب أو خوف .

والله مأعرف شي يخلي الريش ينمو بسرعة الي أعرفه ان لازم تهتمي في غذائه نوعي له

الاطعمة من الخضروات والفواكه والمكسرات والذرة المطبوخة ....... الخ

ويباع في محلات الطيور كيس صغير في فيتامينات يوضع في الماء وهو مفيد للطير

و بالنسبة للكلام حاولي تهيئين جو مناسب للطير لاتخلين أحد يزعجه و اهتمي فيه و رددي له

الكلمات الي كان يقولها . . . ويمكن والله أعلم الطير فيه شي يعني مثلا مريض لا قدر الله أو نفسيته تعبانه . . .

أظافره طويييييييييييييييييلة مرة وتوجع اليد وتجرح ...أقدر أقص له أظافره بالبيت وكيف أعرف الحد اللي لازم أقص عنده ...ولو قصيتله أنا ماتتغير نفسيته ويصير

بالنسبة للاظافر : فيجب الاحتراس جدااا عند قصها فيوجد بداخلها شعيرة دموية تنزف

اذا قطعت ويمكن رؤيتها اذا وضعتها اما مصدر اضاءة

وهذه صورة لطول الاظافر الطبيعي في هذه الحالة لا يقص



وعلى فكرة جواب قص الاظافر مقتبس من موضوع jamrecord وهو عضو في المنتدى

[يعقوب افريقي]

السلام عليكم

بالنسبة لمشاكل نتف الريش فهي كثيرة ممكن نفسية أو مرضية .

على العموم اذكر مرة اني رحت انا وواحد من الاصدقاء لبيطري ممتاز وذكر أن الببغاء الي معانا يعاني من قشور في الجلد تطلع مع الريش وتجعل الطائر دائم يحك جسمه مما يجعله يفقد الكثير من الريش وذكر أيضا أن بعض الببغانات تعاني من طفيليات في الجسم مما يجعله ينتف الريش ويحك كثير مع العلم أن الببغان كانت حالته النفسية ممتازة ويأكل كويس .

وكان العلاج في وقتها أنه وصفلنا دواء يوضع مع 500 ملم ماء ويرش على الطائر ثلاث مرات اسبوعيا وكان لون الدواء بوني غامق وأيضا قطرة فتاميين ومحلول يوضع مع الماء ينشط الطير والحمد لله تحسن الطير كثير وتحسن الريش وراحة القشريات الي كانت تطلع من الريش .

[فتفوته]

اخوي يعقوب الله يعافيك

اذا انت من اهل الرياض ياليت توصف لنا مكان البيطري او حتى اسم الدواء
ااقسم بالله صرت كل ما اشوفه فوق القفص احسبه عفريت صغير واقوم اهوجس وأعاتب نفسي
اذا جلس على هالحالة راح يروح مني