ماذا ياكلون صغار القطط (المواليد)

[عاشقة البسس]

ماالذي ياكله المواليد من القطط؟

اذا تركت القطه تولد وانا نايمه او اي شيء كيف اخليها تولد وايش ااكلها وهي حامل وماذا اطعم الصغار عندما يولدون؟؟

اقنعوني اولدها ببيتنا وعلموني بليز

وساكون شاكره لكم

[ثويمر]

اول شي هم راح يرضعوا بس حليب الأم لمده تقريبا 3 -4 اسابيع وبعدها يتعودوا على الاكل شوي شوي طبعا بجانب الرضاعه من الأم ....
ياكلوا اي شي زي الأم بس لازم تكون حاجه طريه سهلت الهضم يعني زي الوت فود العلب بس تحاولين تطحنينها عشان يسهل عليهم اكلها ... والزبادي بعد كويس والولاده يفضل في البيت عشان متعوده على المكان فما راح تخاف او يحصلها اضطراب .....
وبعدين حتى لو نمتي مافي مشكله انشالله لانها هي راح تهتم فيهم اثناء الولاده وبعد الولاده من ناحيه التنظيف والرضاعه وغيرو.....
بالتوفيق

[sisi_moon]

وهي حامل عطيها دجاج .. لحم .. اجبان ... بيض .. خيار ( قطوتي وهي حامل توحمت بالخيار )

وطبعا دراي فود .. واكل معلب

الصغار لاتعطينهم شي لين يكملون شهر وهم بيتليقفون وبياكلون مع امهم

بس انتي عطيها اجباان و دجاج وسيريلاك بعد يحبووونه الصغار واي اكله طرييه .. واذا ما اكلوا .. انتي حطي شوي من الاكل على فمهم وهم بيلحسوونه اذا حبوه حطي لهم

وبعد ماياخذون شهر ونص تقريبا يبدأون ياكلون الدراي فود بعد .. بس حرصي ان الاكل المعلب او الدراي فود يكون خاص للكيتين عشانه يحتوي على فيتامينات خاصه لهم

وقطوتك خليها ببيتك تولد احسن عشان تحس بالامان زي ماقال ثويمر

بس انتي جهزي لها كرتوونه وافرشيها بقماش قطن وغطي الكرتون .. اهم شي انك تغطينه .. انا قطوتي مارضت تقعد فيه الا لما غطيته

وهي بتولد وبتسوي كل شي بروحها ان شاءالله بس بأسبوع الولاده حاولي انك وانتي نايمه كل من ساعه تروحين تشيكين .. عشان لو ولدت برا الكرتوون وعلى بلاط ممكن الصغار يموتون لان البلاط باارد ..

واذا الام ماقطعت الحبل السري انتي اخذي مسافه صبعين وقطعيه ونشفيه وحطيه بالقرب من ثدي الام

بالتوفيق

[عاشقة البسس]

مشكوره لكم مررررره بس ايش هو الحبل السري واذا قطعته ما راح تموت
لازم انا اقطعه او هي واذا تميت فترة ما قطعته هل يصير شيء؟

[sisi_moon]

الحبل السري

هو حبل يبدا من سر القط وينتهي بالمشيمه

ولازم ينقطع

انتي شوفي الام اذا قطعته زين على زين

ان ماقطعته شيلي الصغير وحطي الحبل في فم الام هي بتحاول تقطعه بس بعدي مسافه صبعين

لان الصغير ممكن يموت لو الحبل انقطع من عند سرره

اذا ماقطعتيه ماادري والله.. بس راح يصير يااااابس وممكن احد وهو مايدري يضغط عليه وينقطع من سر القط

فـ الافضل تقطعيينه من البدايه لو الام اهملت هالشي

[عاشقة البسس]

اشكرك سيسي مون على ردودك واجوبتك الروعه